Foz, 5 de maio de 2015. As estradas nas dúas entradas de acceso á vila de Foz, en Marzán e Vilaoxane, están sendo arranxadas polo Concello.
O alcalde focense, Javier Jorge Castiñeira, explicou que “se están acometendo obras nas dúas entradas ao núcleo urbano de Foz, tanto en Vilaxoane, que se executaron onte, como en Marzán, que se están realizando hoxe. Son traballos de reposición do firme por zonas, retirando partes que se atopaban en mal estado para repoñelas con aglomerado en quente”.
O rexedor municipal engadiu que “nas dúas entradas de Foz había bastantes zonas con fochas importantes e o orzamento municipal deste ano 2015 ten suficiente crédito nesta partida para afrontar estas obras. Fíxose unha reserva de crédito porque os orzamentos contemplan esta posibilidade e ademais a boa situación económica na que está a día de hoxe o Concello, sen débedas cos bancos e pagadas practicamente todas as facturas dos provedores ata os meses de febreiro ou marzo, permite acometer estas obras con garantía de poder pagalas. E así non haberá que afrontar o novo mandato como tivemos que facer nosoutros cando chegamos ao goberno municipal, que tivemos que estar practicamente dous anos e medio pagando facturas dos provedores da anterior lexislatura”.
Javier Castiñeira rematou comentando que “estamos contentos por ver que se están facendo cousas no noso núcleo urbano e porque son dúas entradas importantes e necesitan estar reparadas. Pero quero pedir desculpas a todo os usuarios destas estradas polas molestias que causan estas obras estes días, pois en determinados momentos algún dos carrís ten que estar cortado nalgunhas zonas, polo que hai que circular coa máxima prudencia. Pero todo o mundo entende que cando se fan obras sempre se causa algunha molestia”.
Na iniciativa participaron arredor de 500 rapaces e rapazas de secundaria de oito institutos da Mariña. Arias destacou a posibilidade que supuxo para o alumnado poder achegarse a esta modalidade deportiva e agradeceu “a colaboración continuada que prestan neste tipo de actividades”.
Celébranse ata o mércores no CFEA Pedro Murias. O programa inclúe tamén showcookings, presentacións e interesantes charlas como a ofrecida este martes sobre a posible produción de viño na Mariña.
Unha obra contemporánea orientada a público adulto. Venda de entradas: de luns a xoves, no teléfono 982560162, en horario, de 9 a 14,00 horas, ou no correo electrónico rbg.cultura@viveiro.es, e tamén na taquilla do teatro 1 hora antes da función.
Estivo enmarcado dentro dos actos do 25N. Tamén foi unha xornada na que crearon e tiraron de imaxinación co violeta como protagonista, cor símbolo da loita contra a violencia de xénero.
O presunto autor arrincou supostamente o toldo exterior dun establecemento comercial situado neste termo municipal na madrugada do 31 de agosto. A persoa investigada e as dilixencias policiais foron remitidas á Autoridade Xudicial.
Previamente traballou no Hospital de Burela. Beatriz, ainda que orixinaria da Coruña asentouse na Mariña cando veu a traballar a Burela, onde formou a sua familia e onde finalmente se xubilou. A cea foi no Hotel restaurante Nordés, á que asistiron 60 persoas. Recibiu agasallos nos que participaron máis de 100 persoas que coincidiron con ela na Residencia de Maiores de Burela. Deixa unha enorme pegada pola sua labor profesional e humana.
A A.C. Francisco Lanza organiza este venres, 29 de novembro ás 20.30h, na Casa do Viejo Pancho, unha charla coloquio sobre a situación dos medios de comunicación e as relacións destes co poder. Estará impartida por Luis Álvarez Pousa, director da revista "Tempos Novos" e profesor na Facultade de Ciencias da Comunicación da USC. Presentará o acto, Farruco Graña, presidente da ACFL.
