BURELA .- A Rede de Dinamización da Sociedade da Información, en colaboración co concello de Burela, anuncia máis actividades de achegamento ás Novas Tecnoloxías que se levarán a cabo neste mes de setembro. As actividades e as datas nas que se desenvolverán son as seguintes:
Obradoiro de “Creación dunha conta de correo electrónico”: con esta actividade preténdese que o usuario/a, ao finalizar este obradoiro, sexa capaz de empregar o correo electrónico para comunicarse con outras persoas a través de Internet. Desenvolverase de luns a venres, do 4 ao 11 de setembro, de 9:30 a 10:30 horas.
Obradoiro de “Blog, participa en Internet”: ao finalizar esta actividade, o/a usuario/a será
capaz crear e manter o seu propio espazo en Internet. Desenvolverase de luns a venres,
do 8 ao 18 de setembro, de 10:30 a 11:30 horas.
Obradoiro de “Procesador de textos: Writer”: con esta actividade preténdese que o
usuario/a, ao finalizar este obradoiro, sexa capaz de facer os seus propios documentos co
programa libre “OpenOffice Writer”. Desenvolverase de luns a venres, do 14 ao 29 de
setembro, de 9:30 a 10:30 horas.
Obradoiro de “Iniciación á Informática: Linux”: preténdese que o usuario/a, ao finalizar
este obradoiro, sexa capaz de manexar con certa soltura os obxectos e funcionalidades
básicas dun sistema operativo baseado en software libre. Desenvolverase de luns a
venres, do 14 ao 25 de setembro, de 11:30 a 12:30 horas.
Asemade, está prevista a realización da charla “Solicitude de cita médica por Internet” o
luns 28 de setembro de 11:30 a 12:30 horas. Con esta actividade amosarase como pedir cita
para o médico a través da páxina web do Sergas.
A Rede de Dinamización, da Secretaría Xeral de Modernización e Innovación Tecnolóxica,
enmarcada no PEGSI (Plano Estratéxico Galego da Sociedade da Información), é unha das
estratexias fundamentais para a inclusión na Sociedade da Información. A Rede ten entre os seus
principais obxectivos titorizar a cidadanía con maiores dificultades e proporcionarlles os medios e
ferramentas necesarios para poder formar parte activa da S. I. A RDSI conta con 51 dinamizadores
e dinamizadoras espallados pola xeografía galega en diversos Centros de Dinamización, nos que
se desenvolven charlas, obradoiros e cursos de alfabetización dixital, entre outros, adaptados ás
necesidades de diferentes colectivos sociais como son mulleres, persoas maiores, persoas con
discapacidade, xuventude, asociacións e empresas.
Para solicitar máis información sobre as súas actividades poden dirixirse ao Centro de
Dinamización de Burela, sito na Casa da Xuventude do concello ou mandar un correo electrónico
ao seguinte enderezo: roberto.burela@dinamiza.sociedadedainformacion.eu
ÚLTIMA HORA
- Quico Cadaval actuará este sábado no “Teatro das Cortes” en Cabanas, O Vicedo
- Cervo programa diferentes actividades con motivo do Día Internacional contra a Violencia de Xénero
- Barreiros participa na campaña de visualización da Bandeira Galega en espazos públicos promovida pola Plataforma Vía Galega
- O GALP da Mariña Ortegal continúa co programa Vixía visitando Cariño
- O pasado domingo, 17 de novembro, reuniuse unha boa representación da familia Amieiro, de San Miguel, no restaurante El Huerto, en Villaframil, Ribadeo
Esta familia naceu arredor de cinco irmáns: Paco, Esperanza, Toñito, Juan José (Sé) e Joaquín. Tocoulles vivir tempos difíciles na xuventude, véndose obrigados algúns deles a emigrar. Na reunión estiveron presentes os tres que se ven na foto: Esperanza, Sé e Joaquín, xunto con fillos, sobriños, etc. Unha reunión entrañable, porque había bastante tempo que a familia non se reunía. - Este pasado domingo, 17 de novembro, tivo lugar a tradicional comida próxima ó Nadal da Peña Deportivista de Burela
Aproveitouse despois para ver o partido entre Almería e Dépor lembrando "as peñas irmáns que hai polo territorio estatal". A peña burelá agarda repetir nova cita antes do remate da actual tempada coa intención de celebrar éxitos dos distintos equipos que compoñen a estrutura do RC Deportivo. - A Garda Civil investiga á suposta autora dun delito de simulación de delito de Barreiros
A Garda Civil imputa en calidade de investigada a unha veciña de San Miguel de Reinante de 38 anos de idade como suposta autora dun delito de simulación de delito. A persoa investigada denuncio en dependencias oficiais dous cargos indebidos na súa conta bancaria. Iniciouse entón unha investigación policial comprobando documentalmente que os cargos se corresponden con dúas cotas dun préstamo ao consumo contratado pola investigada e ingresado na súa propia conta. Supostamente a persoa investigada pretendía que a entidade bancaria devolvéselle os importes das cotas domiciliadas tras formular a denuncia ante a Garda Civil. As dilixencias policiais foron remitidas á Autoridade Xudicial - A Deputada Carmela López participou este mércores en Viveiro na inauguración da exposición Celeiro: 100 anos de tradición pesqueira, acto central do centenario da Confraría de Pescadores Santiago Apóstol
Destacou a súa importancia para preservar a memoria histórica e recoñecer o esforzo das xeracións que converteron o porto de Celeiro nun referente pesqueiro. Puxo en valor o rico patrimonio mariñeiro e cultural da Mariña, facendo fincapé “que esta exposición é unha oportunidade para recoñecer o esforzo e a dedicación das persoas que ao longo de cen anos contribuíron ao crecemento e consolidación do porto celeirense”. A mostra, situada na sede da confraría, inclúe maquetas de barcos, fotografías, vídeos históricos, pinturas dos patróns maiores e obxectos singulares como a acta fundacional e maquinaria antiga. A visita complétase cun percorrido por espazos emblemáticos como a lonxa e o porto. Os actos do centenario culminarán coas XXVIII Xornadas Técnicas de Difusión do Sector Pesqueiro, un referente anual do sector. - O Festival Independente de Vilalba (FIV) celebrará a súa 18ª edición os vindeiros 25 e 26 de abril de 2025, consolidándose como un dos festivais máis importantes do panorama indie en Galicia
Este evento anual destaca pola súa coidada selección musical e por ofrecer unha experiencia única na localidade lucense de Vilalba. Tras o éxito da pasada edición, que superou os 6.000 asistentes e contou con actuacións destacadas como as de Iván Ferreiro, Dorian e El Columpio Asesino, o FIV segue apostando por grandes nomes do indie nacional. As primeiras confirmacións do cartel serán anunciadas nas vindeiras semanas, mantendo a emoción e as expectativas para esta nova cita. - O Concello de Cariño acollerá este domingo, 24 de novembro, o espectáculo de maxia ‘Igualdade, onde estás?’, a cargo da artista A Meiga Fani
Nesta actuación, que serve de antesala para conmemorar o 25N, Día Internacional da Eliminación da Violencia contra a Muller, a coñecida maga realiza unha defensa da igualdade a través da maxia. O espectáculo é para todos os públicos e celebrarase na Casa dá Cultura de Cariño a partir das 18:30 horas. Conta con entrada libre e gratuíta ata completar aforo, polo que todos os interesados poderán acudir sen ter que realizar unha reserva previa. - O Comandante Naval da Coruña e Ferrol, Javier García, visitou Ribadeo
Foi recibido no Concello polo alcalde, Dani Vega quen explicou que “dentro das visitas que estamos tendo en Ribadeo, recibimos ao Comandante Naval da Coruña e de Ferrol, o capitán de Fragata Javier García, que nos expuxo todo o tipo de propostas e de colaboracións que vamos ter con eles. E desde logo parécenos unha proposta interesante para tamén ter unha relación cos institutos, cos centros educativos e tamén co traballo que realiza en toda esta zona, desde Ribadeo ata A Coruña”. Vega engadiu: “nosoutros dentro da colaboración que estamos tendo con todas as administracións, creo que é positivo seguir nesta liña”.
2021 Crónica 3 A Mariña - Implementado por GaliciaDigital