Burela, 14 de marzo de 2015.- O actual alcalde de Burela e candidato á reelección, José María González Barcia, adiantou este sábado nunha rolda de prensa, na que estivo acompañado polo secretario xeral do PP na provincia, José Manuel Balseiro, algún punto do que será o seu programa electoral, que, tal e como anunciou no se día, estará pechado antes de que remate o mes de marzo.
Barcia, que lembrou que hai catro anos o PP local manifestou que ninguén faría máis por Burela, cre que a formación local cumpriu sobradamente, xa que os grandes retos que tiña Burela, como o PXOM, o acceso ó porto, a ampliación do hospital ou unha nova escola infantil, están feitos, facéndose ou en fase de tramitación moi avanzada.
Nese senso, o popular indicou que o equipo de Goberno local, sentou as bases da Burela do futuro, de forma e maneira que “tentamos buscar que o noso municipio medre en base a varios criterios: asentamento de empresas para xerar postos de traballo, que ó mesmo tempo xeren riqueza na vila e consoliden e mesmo incrementen poboación, xunto cunha mellora de servizos públicos para aumentar a calidade de vida e deste xeito contribuír precisamente a consolidar e incrementar a poboación”.- explicou.
O actual alcalde e candidato dos populares manifestou que o grande reto para o vindeiro mandato municipal pasa por desenvolver as bolsas de solo industrial que figuran no PXOM; un asunto, dixo, que ten que abórdalo o equipo de goberno que saia das eleccións do 24 de maio.
Insistiu en que a súa formación xa ten algún documento ó respecto e sabe que este obxectivo non se concretará nin nun ano nin en dous, pero “se comezamos xa a traballar evitaremos que empresas que se podían asentar en Burela se vaian a outros concellos”.- engadiu.
José María González Barcia manifestou que “os políticos temos unha débeda coa nosa vila neste sentido, lonxe da idea de que non se precisa solo industrial porque xa hai moita no resto da comarca, como alguén plantexou hai catro anos”.- lembrou.
O alcaldable tamén asegurou que “o saneamento de Burela non pode nin debe xerar problemas, como está acontecendo ca actual EDAR, que tamén se demostra incapaz”. Lembrou que sobre este tema xa se está traballando, pero “temos que pechar o círculo e definir á maior brevidade a actuación que podemos e queremos facer, atendendo a criterios medioambientais e de sustentabilidade económica, que entendemos pasa por unha nova estación depuradora de augas residuais (EDAR)”.
O actual rexedor e candidato dixo que o nivel de servizos sociais e de instalacións deportivas que ten Burela é elevado pero malia a iso deixou claro que non baixará o ritmo na oferta de servizos sociais, procurando incrementalo; algo que tamén fará coas instalacións deportivas, mellorando alomenos as existentes.
Para mellorar as instalación deportivas e os servizos sociais, González Barcia tamén se manifestou esperanzado en poder comezar a xestionar no vindeiro mandato a ampliación da oferta deportiva, buscando no PXOM solo dotacional para un futuro pavillón, e tamén da oferta de servicios sociais, tentando ubicar na bolsa de solo dotacional onde se constrúe a nova escola infantil unha residencia para persoas con discapacidade intelectual que permita a convivencia familiar.
Barcia é consciente de ser proxectos moi complexos, pero que “temos que comezar se queremos converter a Burela nun referente no mundo dos servicios sociais e do deporte”.
Rematou o actual rexedor e candidato popular manifestando que “o PP é o partido da estabilidade, da xente normal, por iso preocupámonos por todo o que á xente lle importa”.
Estivo enmarcado dentro dos actos do 25N. Tamén foi unha xornada na que crearon e tiraron de imaxinación co violeta como protagonista, cor símbolo da loita contra a violencia de xénero.
O presunto autor arrincou supostamente o toldo exterior dun establecemento comercial situado neste termo municipal na madrugada do 31 de agosto. A persoa investigada e as dilixencias policiais foron remitidas á Autoridade Xudicial.
Previamente traballou no Hospital de Burela. Beatriz, ainda que orixinaria da Coruña asentouse na Mariña cando veu a traballar a Burela, onde formou a sua familia e onde finalmente se xubilou. A cea foi no Hotel restaurante Nordés, á que asistiron 60 persoas. Recibiu agasallos nos que participaron máis de 100 persoas que coincidiron con ela na Residencia de Maiores de Burela. Deixa unha enorme pegada pola sua labor profesional e humana.
A A.C. Francisco Lanza organiza este venres, 29 de novembro ás 20.30h, na Casa do Viejo Pancho, unha charla coloquio sobre a situación dos medios de comunicación e as relacións destes co poder. Estará impartida por Luis Álvarez Pousa, director da revista "Tempos Novos" e profesor na Facultade de Ciencias da Comunicación da USC. Presentará o acto, Farruco Graña, presidente da ACFL.
Na súa representación estivo o seu Presidente, José Veiga, apoiado pola Alcaldesa, María Loureiro, compañeiros da Xunta de Confrarías e Monseñor Fernando García Cadiñanos, Bispo de Mondoñedo-Ferrol que á súa vez contaba coa compañía do Párroco D. Xosé Ramón Escourido Basanta.
Reclamaron unha xuntanza urxente para abordar a situación da fábrica e maior implicación dos goberntos estatal e autonómico.
Os seus editores, Carlos Baliñas Pérez (USC) e Carlos Andrés González Paz (IEGPS), acompañados pola directora do Museo Provincial de Lugo, Aurelia Balseiro, explicaron o contido do libro, que constitúe unha revisión diacrónica da traxectoria histórica da vila de Castro d’Ouro desde a Idade do Ferro ata finais do Antigo Réxime e que reúne os relatorios presentados por expertos de recoñecida traxectoria investigadora durante as “Xornadas de Estudos Históricos”, (2 e 3 de outubro de 2020, centro sociocultural de Alfoz), con motivo do octinxentésimo aniversario da vila de Castro d´Ouro (1220-2020).
