BARREIROS .- O portavoz de BNG no concello de Barreiros, Antonio Veiga, felicita “ao equipo de socorristas e a quen os dirixe porque durante todo o verán velaron e con éxito pola seguridade”. Veiga asegura que “queremos instar ao Concello a que cada ano faga máis esforzos nesta materia. Nos orzamentos deste 2008 pendentes de aprobación, un dos matices que facía intervención na análise dese borrador era que as previsións de gastos para este servizo son insuficientes. Imos esixirlle ao Concello que cumpra co seu traballo igual que os socorristas cumpriron co deles, e que non escatimen esforzos para este equipo”.
Nota de Prensa
O BNG DE BARREIROS FELICITA AO SERVIZO DE SOCORRISMO POLO TRABALLO REALIZADO NAS PRAIAS DURANTE ESTE VERÁN.
Barreiros, 12 de setembro de 2008. O BNG de Barreiros felicita un ano máis ao equipo de socorristas e <a quen os dirixe porque durante todo o verán velaron e con éxito pola seguridade dos bañistas>. O voceiro nacionalista, Antonio Veiga, lembra que <temos 8 kilómetros de praias en mar aberto con moitas bandeiras azuis e si eso non se complementa cun bó servizo de socorrismo que garanta a asistencia con total tranquilidade dos bañistas a estes areais pois de nada serviría. Por iso un ano máis felicitamos a eses trinta socorristas polo traballo realizado, un traballo que é difícil e tamén a quen durante máis de quince anos os está a dirixir con éxito que é Javier Díaz Novás>.
Veiga Outeiro di que <desde o BNG esixímoslle ao Concello que cada ano o compromiso sexa maior con este servizo, un dos poucos servizos que funcionan ben porque este equipo xa acordou tres alcaldes nos últimos anos e cada vez funciona mellor. Queremos instar ao Concello a que cada ano faiga máis esforzos nesta materia. Nos orzamentos deste 2008 pendentes de aprobación, un dos matices que facía intervención na análise dese borrador era que as previsións de gastos para este servizo son insuficientes. Imos esixirlle ao Concello que cumpra co seu traballo igual que os socorristas cumpriron co deles, e que non escatimen esforzos para este equipo>.
O voceiro do BNG considera que o de Barreiros é <o mellor servizo de socorrismo da costa de Lugo>.
Limpeza das praias
Antonio Veiga lamenta que <desde o 31 de agosto se suspendera a limpeza das praias porque nestes primeiros días se setembro ainda houbo xente nos nosos areais. É unha das cuestións que o Concello debe planificar de cara á vindeira campaña>.
Reclamaron unha xuntanza urxente para abordar a situación da fábrica e maior implicación dos goberntos estatal e autonómico.
Os seus editores, Carlos Baliñas Pérez (USC) e Carlos Andrés González Paz (IEGPS), acompañados pola directora do Museo Provincial de Lugo, Aurelia Balseiro, explicaron o contido do libro, que constitúe unha revisión diacrónica da traxectoria histórica da vila de Castro d’Ouro desde a Idade do Ferro ata finais do Antigo Réxime e que reúne os relatorios presentados por expertos de recoñecida traxectoria investigadora durante as “Xornadas de Estudos Históricos”, (2 e 3 de outubro de 2020, centro sociocultural de Alfoz), con motivo do octinxentésimo aniversario da vila de Castro d´Ouro (1220-2020).
Esta familia naceu arredor de cinco irmáns: Paco, Esperanza, Toñito, Juan José (Sé) e Joaquín. Tocoulles vivir tempos difíciles na xuventude, véndose obrigados algúns deles a emigrar. Na reunión estiveron presentes os tres que se ven na foto: Esperanza, Sé e Joaquín, xunto con fillos, sobriños, etc. Unha reunión entrañable, porque había bastante tempo que a familia non se reunía.
Aproveitouse despois para ver o partido entre Almería e Dépor lembrando "as peñas irmáns que hai polo territorio estatal". A peña burelá agarda repetir nova cita antes do remate da actual tempada coa intención de celebrar éxitos dos distintos equipos que compoñen a estrutura do RC Deportivo.
A Garda Civil imputa en calidade de investigada a unha veciña de San Miguel de Reinante de 38 anos de idade como suposta autora dun delito de simulación de delito. A persoa investigada denuncio en dependencias oficiais dous cargos indebidos na súa conta bancaria. Iniciouse entón unha investigación policial comprobando documentalmente que os cargos se corresponden con dúas cotas dun préstamo ao consumo contratado pola investigada e ingresado na súa propia conta. Supostamente a persoa investigada pretendía que a entidade bancaria devolvéselle os importes das cotas domiciliadas tras formular a denuncia ante a Garda Civil. As dilixencias policiais foron remitidas á Autoridade Xudicial
Destacou a súa importancia para preservar a memoria histórica e recoñecer o esforzo das xeracións que converteron o porto de Celeiro nun referente pesqueiro. Puxo en valor o rico patrimonio mariñeiro e cultural da Mariña, facendo fincapé “que esta exposición é unha oportunidade para recoñecer o esforzo e a dedicación das persoas que ao longo de cen anos contribuíron ao crecemento e consolidación do porto celeirense”. A mostra, situada na sede da confraría, inclúe maquetas de barcos, fotografías, vídeos históricos, pinturas dos patróns maiores e obxectos singulares como a acta fundacional e maquinaria antiga. A visita complétase cun percorrido por espazos emblemáticos como a lonxa e o porto. Os actos do centenario culminarán coas XXVIII Xornadas Técnicas de Difusión do Sector Pesqueiro, un referente anual do sector.
Este evento anual destaca pola súa coidada selección musical e por ofrecer unha experiencia única na localidade lucense de Vilalba. Tras o éxito da pasada edición, que superou os 6.000 asistentes e contou con actuacións destacadas como as de Iván Ferreiro, Dorian e El Columpio Asesino, o FIV segue apostando por grandes nomes do indie nacional. As primeiras confirmacións do cartel serán anunciadas nas vindeiras semanas, mantendo a emoción e as expectativas para esta nova cita.
