LUGO .- Veciños de Ribadeo participaron nas actividades do programa Km0 que organiza a Deputación provincial. Os veciños de Ribadeo coincidiron con veciños de Láncara durante a visita que fixeron a sede da Deputación, onde foron recibidos polo presidente da entidade provincial, José Ramón Gómez Besteiro que inaugurou en Portomarín, xunto con veciños de Ribadeo, o programa pioneiro en España, Km0 a Compostela
Nota de Prensa
NOTA DE PRENSA
Arranca a 2ª fase de Km0 con preto de 10.000 persoas inscritas
– O Presidente da Deputación inaugurou en Portomarín, xunto con veciños de Ribadeo, o programa pioneiro en España, Km0 a Compostela
– O organismo provincial adiántase ó Xacobeo 2010 e convértese na primeira administración que pon en marcha programas organizados para promocionar os catro Camiños que atravesan a provincia
– Gómez Besteiro destacou que “qu Xacobeo non só é unha oportunidade económica para o ano 2010 senón que hai que desestacionalizalo”
O Presidente da Deputación, José Ramón Gómez Besteiro, inaugurou este martes en Portomarín o programa Km0 a Compostela. Gómez Besteiro, acompañado da Alcaldesa deste Concello, Silvia Rodríguez, e da Asociación de Amas de Casa de Ribadeo, fixo un treito do Camiño Francés ó seu paso por este municipio, desde a Praza ata a Fábrica de Cerámica, pasando pola Capela das Neves e a Ponte da Barrela.
Tal e como manda a tradición, a comitiva degustou un dos produtos típicos da zona como é a parva (pan con augardente). O responsable provincial subliñou que “inauguramos este programa en Portomarín, un Concello 100% Xacobeo, e co que nos adiantamos ó Ano Santo, converténdonos na primeira administración que pon en marcha un programa organizado para promocionar os catro Camiños que pasan pola provincia de Lugo: o Francés, o Primitivo, o da Costa e o do Sur. Esta é unha oportunidade extraordinaria para crear emprego e mellorar a economía non só de Galicia senón tamén dos distintos Concellos polos que pasa o Camiño. O último Xacobeo trouxo a Galicia 4 millóns de persoas, e na Deputación non quixemos deixar pasar esta oportunidade coa que xeraremos riqueza na provincia”. Un Concello 100%
O pasado 3 de agosto, na reunión que o Presidente da Xunta de Galicia mantivo cos representantes das catro Deputacións galegas, Gómez Besteiro entregou a Núñez Feijoo un dossier de Km0 a Compostela. “Nesta xuntanza transmitinlle ó responsable do goberno autonómico que Lugo é unha provincia única, xa que é a que ten máis quilómetros de Camiño de Santiago, uns 800. Ademais, somos a porta de entrada a Galicia. En definitiva, reunimos unhas condicións especiais polo que se precisa máis promoción. É dicir, o Xacobeo non só é unha oportunidade económica para o vindeiro ano senón que hai que desestacionalizalo”.
Preto de 10.000 persoas inscritas
Km0 a Compostela, formado por 25 rutas, é unha das alternativas da segunda etapa de Km0.Deputación de Lugo que se inicia hoxe e que está formada tamén por Km0 Xtreme e o Km0. Nesta fase, pásase de 88 rutas a 135, “polo que aumentamos a cantidade e a calidade”. Esta iniciativa tamén ofrece a posibilidade de degustar e promocionar produtos autóctonos da provincia. “O que buscamos é reactivar a economía local ó tempo que lles ofrecemos ós participantes ecoturismo, medio ambiente, gastronomía, cultura e tradición”, apuntou Besteiro.
A segunda etapa rematará en xuño de 2010. Nestes momentos, 10.000 persoas xa formalizaron a inscrición, aínda que as previsións indican que cando remate a segunda fase chegarase ás 22.000. Está cuberto ata o mes de abril e xa están en lista de espera unhas 56 solicitudes, entre as que hai persoas de Coruña, Pontevedra e Ourense. Ademais, para satisfacer a demanda duplícanse as saídas por día. Hoxe 110 persoas participaron nesta iniciativa. Un grupo da asociación de amas de casa de Ribadeo tivo a oportunidade de redescubrir o Concello de Portomarín co que se inaugurou o Km0 a Compostela. Ademais de percorrer un treito do Camiño, visitaron o Centro de Artesanía e Deseño da Deputación, a igrexa románica de San Pedro, e o Conxunto Histórico-Artístico de San Xoán. Tamén coñeceron o proceso de fabricación das famosas tartas de Portomarín e o contorno fluvial do Club Náutico.
Asimesmo, 55 veciños da parroquia de Armea de Arriba (Láncara) desprazáronse ata a Mariña, onde visitaron a lonxa de Celeiro, a localidade de San Roque e fixeron un percorrido por Covas. Tamén coñeceron o Centro de Interpretación Terras do Miño.
Magnitude do proxecto
O titular provincial explicou algúns datos que amosan a magnitude do proxecto e o éxito que está a acadar, xa que “as cifras non só constatan que está a ser todo un éxito, senón que demostra que o medio ambiente é tamén unha oportunidade económica”.
No Km0 as rutas máis solicitadas seguen sendo a Ribeira Sacra e a Mariña Lucense. Dentro de Km0 Xtreme, máis de 300 persoas realizaron a súa solicitudes e teñen asignada unha ruta. Neste caso, as opcións máis demandadas son as que inclúen unha viaxe en helicóptero desde Ribadeo, Lugo e Monforte; Lugo Submarino; a Cabalo; Móllate! e Multiaventura.
Km0, incluído dentro do proxecto Lug02, conta cun presuposto de 600.000 euros anuais, cofinanciados ó 70% con fondos FEDER. Con esta iniciativa, a Deputación de Lugo está contribuíndo a manter 3.000 postos de traballo, directos e indirectos, en sectores como a hostalería, turismo ou industria. Só con Km0 a Compostela manteranse uns 200 postos.
Km0.Deputación de Lugo é un programa da Deputación pioneiro en España, que permite redescubrir e promocionar Lugo a través de viaxes por toda a provincia. Para apuntarse, hai que entrar na web: www.km0.deputacionlugo.org, descargar o a folla de inscrición que se atopa no apartado de “Contacto e inscrición”, cubrila e enviala ó enderezo electrónico km0@deputacionlugo.org, por fax ó 982 26 01 70, ou por correo ordinario ó Servizo de Protocolo (rúa San Marcos 8, 27001 Lugo).
Esta familia naceu arredor de cinco irmáns: Paco, Esperanza, Toñito, Juan José (Sé) e Joaquín. Tocoulles vivir tempos difíciles na xuventude, véndose obrigados algúns deles a emigrar. Na reunión estiveron presentes os tres que se ven na foto: Esperanza, Sé e Joaquín, xunto con fillos, sobriños, etc. Unha reunión entrañable, porque había bastante tempo que a familia non se reunía.
Aproveitouse despois para ver o partido entre Almería e Dépor lembrando "as peñas irmáns que hai polo territorio estatal". A peña burelá agarda repetir nova cita antes do remate da actual tempada coa intención de celebrar éxitos dos distintos equipos que compoñen a estrutura do RC Deportivo.
A Garda Civil imputa en calidade de investigada a unha veciña de San Miguel de Reinante de 38 anos de idade como suposta autora dun delito de simulación de delito. A persoa investigada denuncio en dependencias oficiais dous cargos indebidos na súa conta bancaria. Iniciouse entón unha investigación policial comprobando documentalmente que os cargos se corresponden con dúas cotas dun préstamo ao consumo contratado pola investigada e ingresado na súa propia conta. Supostamente a persoa investigada pretendía que a entidade bancaria devolvéselle os importes das cotas domiciliadas tras formular a denuncia ante a Garda Civil. As dilixencias policiais foron remitidas á Autoridade Xudicial
Destacou a súa importancia para preservar a memoria histórica e recoñecer o esforzo das xeracións que converteron o porto de Celeiro nun referente pesqueiro. Puxo en valor o rico patrimonio mariñeiro e cultural da Mariña, facendo fincapé “que esta exposición é unha oportunidade para recoñecer o esforzo e a dedicación das persoas que ao longo de cen anos contribuíron ao crecemento e consolidación do porto celeirense”. A mostra, situada na sede da confraría, inclúe maquetas de barcos, fotografías, vídeos históricos, pinturas dos patróns maiores e obxectos singulares como a acta fundacional e maquinaria antiga. A visita complétase cun percorrido por espazos emblemáticos como a lonxa e o porto. Os actos do centenario culminarán coas XXVIII Xornadas Técnicas de Difusión do Sector Pesqueiro, un referente anual do sector.
Este evento anual destaca pola súa coidada selección musical e por ofrecer unha experiencia única na localidade lucense de Vilalba. Tras o éxito da pasada edición, que superou os 6.000 asistentes e contou con actuacións destacadas como as de Iván Ferreiro, Dorian e El Columpio Asesino, o FIV segue apostando por grandes nomes do indie nacional. As primeiras confirmacións do cartel serán anunciadas nas vindeiras semanas, mantendo a emoción e as expectativas para esta nova cita.
Nesta actuación, que serve de antesala para conmemorar o 25N, Día Internacional da Eliminación da Violencia contra a Muller, a coñecida maga realiza unha defensa da igualdade a través da maxia. O espectáculo é para todos os públicos e celebrarase na Casa dá Cultura de Cariño a partir das 18:30 horas. Conta con entrada libre e gratuíta ata completar aforo, polo que todos os interesados poderán acudir sen ter que realizar unha reserva previa.
Foi recibido no Concello polo alcalde, Dani Vega quen explicou que “dentro das visitas que estamos tendo en Ribadeo, recibimos ao Comandante Naval da Coruña e de Ferrol, o capitán de Fragata Javier García, que nos expuxo todo o tipo de propostas e de colaboracións que vamos ter con eles. E desde logo parécenos unha proposta interesante para tamén ter unha relación cos institutos, cos centros educativos e tamén co traballo que realiza en toda esta zona, desde Ribadeo ata A Coruña”. Vega engadiu: “nosoutros dentro da colaboración que estamos tendo con todas as administracións, creo que é positivo seguir nesta liña”.
