RIBADEO .- O Concello de Ribadeo cedeu máis de 50 cadros do seu inventario municipal a 18 asociacións para que os exhiban nos seus locais. O alcalde, Fernando Suárez, asegura que “esta iniciativa que poñemos en marcha hoxe ven dada porque unha condición para o uso das salas municipais de exposición, xa desde hai moitos anos en Ribadeo, é que os artistas doen unha obra ao Concello de todas as que exponen. Así as distintas dependencias municipais van enchendo as súas paredes con obras artísticas, fundamentalmente de pintura froito destas doazóns”.
O alcalde engade que “tamén nos atopamos con que hai agora mesmo máis de 50 cadros para os que non había sitio, por iso nos pareceu máis lóxico cederllos ás asociacións de Ribadeo que teñan ou estean a punto de ter uns locais axeitados para poder exhibir estas obras de arte”. Suárez Barcia explica que “o período de cesión en depósito vai ser por un máximo de dez anos para posibilitar que o Concello teña tempo dabondo de fornecerse de novos fondos e que poida nun momento dado renovar obras deses locais ou facer intercambios entre uns e outros. E hoxe representantes de 18 asociacións recibiron un lote de cadros dos que deben facerse cargo porque seguen sendo un ben de todos xa que forman parte do inventario municipal, pero en definitiva o espíritu desta idea é achegar a arte, neste caso a pintura, a todos os recunchos do noso concello”.
Unha persoa esqueceu unha pota no lume. Queimouse todo o contido do recipiente e a vivenda encheuse de fume, por iso deberon intervir os Bombeiros de Viveiro, para poder ventilar e garantir a habitabilidade. Ninguén resultou ferido. Tampouco dúas mascotas que estaban dentro do inmoble. Quen avisou ao 112 Galicia ás 13:30 horas de hoxe eran os propios afectados, que vían saír fume da súa casa, situada na Rúa Grande, en Celeiro.
Este colectivo organiza, un ano máis, o V Encontro de Camións, que terá lugar na Alameda ortegana este venres e sábado. O encontro serviu para presentar a camiseta oficial desta quinta edición.
Este xoves gardouse un minuto de silencio ante a Casa do Concello, como xesto símbólico en solidariedade coas familias das persoas falecidas e desaparecidas, e con todas as persoas que resultaron vítimas, dun ou doutro xeito, da devastadora DANA que afectou sobre todo, á Comunidade Valenciana e a Castela A Mancha. As bandeiras tamén locen a media asta en sinal de loito.
Os feitos delituosos tiveron lugar o pasado día 18 de outubro, no interior dun establecemento comercial de Ribadeo, cando supostamente a persoa investigada aproveitando un descoido da propietaria do local subtraeu dous aneis dun expositor. No marco da investigación logrouse recuperar un dos obxectos subtraídos, continuando xestións para localizar e recuperar o outro. As dilixencias policiais e a persoa investigada foron postos ao dispor xudicial.
O pasado sábado, 26 de outubro, tivo lugar na Pousada do Almacén en Cervo unha emotiva xuntaza do antigo alumnado do Cole de Cervo dende a xeración de 1977 ata 2006 para homenaxear a súa mestra Lila, con motivo da súa xubilación, estando acompañada polo seu inseparable Toño (tamén mestre no Centro). Lila foi unha carismática mestra que impartíu no Colexio Público de Cervo dende comezos da década dos 90 ata xuño pasado. Máis de 70 persoas asistiron á cea e unhas 110 participaron nos distintos agasallos entregados ao remate cos respectivos discursos. A homenaxe continuou logo no Muíño para rememorar anécdotas dos tempos mozos das persoas asistentes.
A edil Begoña Sanjurjo explicou que “foi unha xornada de convivencia e desconexión do mundanal ruído”. E contou que “a meteoroloxía deixounos desfrutar da contorna do balneario e da área recreativa da Carballeira en Parga, onde comemos”. A concelleira de Igualdade dixo que “foi unha experiencia que nos deixou gañas de repetir”.
Destinado ao público infantil e familiar a partir dos 3 anos. O espectáculo trata a temática da memoria, da vellez, da demencia, da soidade e da dura e esixente tarefa de coidar as persoas maiores e enfermas. Será ás 18 horas.
