23.02.2015. O Plan Activamos, impulsado por ABANCA en colaboración coa Deputación de Lugo, permitiu en sete meses a inxección de 23,7 millóns de euros en financiamento ao tecido económico e social desta provincia. O crédito canalizouse a través de pequenos préstamos a pemes e autónomos, familias e corporacións locais de, practicamente, todos os municipios lucenses.
Os datos do primeiro balance deste plan foron presentados este luns en Lugo pola Vicepresidenta Segunda da Deputación, Lara Méndez; a Deputada de Economía, Recadación e Facenda, Pilar García Porto, o director de Banca Institucional de ABANCA, Santiago Novoa, e o Director Territorial de ABANCA en Lugo, Walter Álvarez Álvarez. Nestes primeiros sete meses de vixencia do plan, xa se concedeu case o 80% do importe comprometido para todo o ano, que ascende a 30 millóns de euros.
Nove de cada dez créditos tramitados foron con pemes, micropemes e autónomos. O montante total achegado a empresas ascendeu a 17,3 millóns de euros, e o importe medio dos préstamos foi de 31.000 euros.
A maioría das operacións con pemes e autónomos canalizáronse a través de pequenos préstamos para acometer novos investimentos e pólizas de crédito para atender necesidades de circulante. Tamén se tramitaron operacións de crédito para la posta en marcha de novos negocios e creación de emprego e, en menor medida, para obras de mellora enerxética.
Crédito para familias
As familias da provincia de Lugo que recorreron ata agora ao Plan Activamos para obter crédito destinárono, maioritariamente, a financiaren reformas de mellora enerxética e accesibilidade no fogar. Tamén se tramitaron préstamos para adquisición de equipamento tecnolóxico e compra de vehículos eficientes. O importe medio dos préstamos foi de 13.000 euros.
O terceiro segmento ao que se dirixe o Plan Activamos, as corporacións locais e organismos autónomos desta provincia, recibiron máis de 3 millóns de euros durante os primeiros seis meses de vixencia deste programa, que se puxo en marcha en agosto de 2014. Nestes casos, o crédito solicitouse maioritariamente para obter liquidez ou reestruturaren débeda. As corporacións lucenses que se acolleron ata o momento a este plan solicitaron, de media, 250.000 euros.
Lara Méndez, García Porto e Santiago Novoa coincidiron en cualificar este primeiro balance do plan como “moi positivo”, tanto polo elevado volume de operacións tramitadas coma polo destino del crédito, que se dirixiu, principalmente, ao tecido produtivo lucense.
A Vicepresidenta Segunda, tamén responsable da área de Emprego da Deputación de Lugo, destacou que “a través de iniciativas coma esta incentivamos a modernización das empresas da provincia, ó tempo que impulsamos a creación de postos de traballo”. Neste senso, Méndez remarcou o “compromiso” do organismo provincial co emprego, sinalando plans da institución como o Ben Empregado!, co que a Deputación subvenciona a contratación de 248 desempregados lucenses en 221 empresas e organización sen ánimo de lucro da provincia.
García Porto subliñou que “por fin flúe o crédito entre as familias e empresarios de Lugo, crédito ao que antes non podían acceder”. A Deputada de Economía destacou a “relevancia de impulsar medidas de crédito real para potenciar un dos piares da economía da nosa provincia, como o son os autónomos e pemes”.
Santiago Novoa resaltou que este programa financeiro “foi un acerto, porque está cumprindo con creces o seu obxectivo de contribuír ao progreso de la provincia”. “Grazas a este plan, as pequenas empresas, os autónomos, as familias e as corporacións locais de Lugo poden acceder a crédito nas mellores condiciones do mercado”, engadiu o directivo de ABANCA. Novoa anunciou o compromiso da entidade financeira de prorrogar esta iniciativa unha vez esgotado o orzamento inicial.
As modalidades de crédito incluídas no Plan Activamos contan con tipos de xuros moi vantaxosos en relación á oferta bancaria actual, carecen de comisións de apertura, estudo, amortización e cancelación anticipada, e teñen posibilidade de carencia.
O Plan Activamos é froito dun convenio de colaboración entre ABANCA e a Deputación de Lugo, que busca mellorar a competitividade e o desenvolvemento desta provincia galega. ABANCA comprometeu neste plan 30 millóns de euros para financiar, mediante créditos ‘brandos’, pequenos proxectos relacionados co emprendemento e a creación de emprego, a formación, a accesibilidade das vivendas, a extensión das novas tecnoloxías e a eficiencia enerxética.
Na iniciativa participaron arredor de 500 rapaces e rapazas de secundaria de oito institutos da Mariña. Arias destacou a posibilidade que supuxo para o alumnado poder achegarse a esta modalidade deportiva e agradeceu “a colaboración continuada que prestan neste tipo de actividades”.
Celébranse ata o mércores no CFEA Pedro Murias. O programa inclúe tamén showcookings, presentacións e interesantes charlas como a ofrecida este martes sobre a posible produción de viño na Mariña.
Unha obra contemporánea orientada a público adulto. Venda de entradas: de luns a xoves, no teléfono 982560162, en horario, de 9 a 14,00 horas, ou no correo electrónico rbg.cultura@viveiro.es, e tamén na taquilla do teatro 1 hora antes da función.
Estivo enmarcado dentro dos actos do 25N. Tamén foi unha xornada na que crearon e tiraron de imaxinación co violeta como protagonista, cor símbolo da loita contra a violencia de xénero.
O presunto autor arrincou supostamente o toldo exterior dun establecemento comercial situado neste termo municipal na madrugada do 31 de agosto. A persoa investigada e as dilixencias policiais foron remitidas á Autoridade Xudicial.
Previamente traballou no Hospital de Burela. Beatriz, ainda que orixinaria da Coruña asentouse na Mariña cando veu a traballar a Burela, onde formou a sua familia e onde finalmente se xubilou. A cea foi no Hotel restaurante Nordés, á que asistiron 60 persoas. Recibiu agasallos nos que participaron máis de 100 persoas que coincidiron con ela na Residencia de Maiores de Burela. Deixa unha enorme pegada pola sua labor profesional e humana.
A A.C. Francisco Lanza organiza este venres, 29 de novembro ás 20.30h, na Casa do Viejo Pancho, unha charla coloquio sobre a situación dos medios de comunicación e as relacións destes co poder. Estará impartida por Luis Álvarez Pousa, director da revista "Tempos Novos" e profesor na Facultade de Ciencias da Comunicación da USC. Presentará o acto, Farruco Graña, presidente da ACFL.
