Bernardo Fraga Galdo, en nome e representación do Grupo Municipal do Bloque Nacionalista Galego de Viveiro, presenta ao Pleno da Corporación Municipal de Viveiro unha moción “para unha piscina de todos, pública e de calidade”.
O Concello de Viveiro ten entre os seus servizos o da Piscina Municipal, un servizo público que garante a práctica de diversos deportes entre as veciñas e veciños de Viveiro, e incluso serve como unha mellora na saúde e calidade de vida das persoas.
A piscina municipal, foi xestionada pola empresa Gaia, durante 10 anos. Unha vez extinta a concesión, foi preciso a realización de obras de reparación, motivo polo cal a piscina de Viveiro, estivo pechada durante varios meses no ano 2010.
A día de hoxe, a piscina está mal xestionada pola empresa municipal TURVIVEIRO empresa que naceu, lembremos, para a xestión do Porto Deportivo. Unha vez roubada a concesión do porto deportivo por parte da Xunta de Galicia, o goberno socialista, utiliza a mesma empresa para a xestión da Piscina Municipal, a pesar da existencia dun acordo plenario de disolución para Turviveiro.
A piscina conta con máis de mil usuarios, e leva dende a súa reapertura en números vermellos, sen que nada se leve feito por parte do Goberno Municipal, para mudar esta situación. Coa chamada “lei Montoro”, é de obrigado cumprimento a disolución das empresas municipais, que deran perdas nos últimos 2 anos, con data 1 de decembro de 2015, o que provocará a disolución automática de Turviveiro.
As traballadoras e traballadores da Piscina Municipal, como é loxico, reivindican que se tomen medidas de xeito inmediato, para non chegar ao límite de prazo sen solución tanto para o servizo, como para os postos de traballos existentes. As posibilidades achegadas pola Presidenta do Consello de Administración, foron a xestión pública directa, a privatización e o peche.
Dende o BNG, descartamos rotundamente a terceira das opcións plantexadas e trasladamos as reivindicacións de traballadoras, traballadores e usuarios da piscina municipal, cunha aposta clara por unha piscina de boa xestión pública e de calidade.
Nese sentido, o BNG pretende “instar ao Goberno Municipal de Viveiro e ao Consello de Administración de TurViveiro, a iniciar os trámites, de forma inmediata, para garantir o mantemento da xestión pública da Piscina Municipal e aportar no prazo de 2 meses unha solución definitiva”. Pero, tamén ” a creación dun grupo de traballo, formado polo Consello de Administración, un representante dos diferentes grupos políticos con representación na Corporación Municipal e representantes dos traballadores para seguimento dos trámites e garantía da súa realización no prazo indicado”.
Esta familia naceu arredor de cinco irmáns: Paco, Esperanza, Toñito, Juan José (Sé) e Joaquín. Tocoulles vivir tempos difíciles na xuventude, véndose obrigados algúns deles a emigrar. Na reunión estiveron presentes os tres que se ven na foto: Esperanza, Sé e Joaquín, xunto con fillos, sobriños, etc. Unha reunión entrañable, porque había bastante tempo que a familia non se reunía.
Aproveitouse despois para ver o partido entre Almería e Dépor lembrando "as peñas irmáns que hai polo territorio estatal". A peña burelá agarda repetir nova cita antes do remate da actual tempada coa intención de celebrar éxitos dos distintos equipos que compoñen a estrutura do RC Deportivo.
A Garda Civil imputa en calidade de investigada a unha veciña de San Miguel de Reinante de 38 anos de idade como suposta autora dun delito de simulación de delito. A persoa investigada denuncio en dependencias oficiais dous cargos indebidos na súa conta bancaria. Iniciouse entón unha investigación policial comprobando documentalmente que os cargos se corresponden con dúas cotas dun préstamo ao consumo contratado pola investigada e ingresado na súa propia conta. Supostamente a persoa investigada pretendía que a entidade bancaria devolvéselle os importes das cotas domiciliadas tras formular a denuncia ante a Garda Civil. As dilixencias policiais foron remitidas á Autoridade Xudicial
Destacou a súa importancia para preservar a memoria histórica e recoñecer o esforzo das xeracións que converteron o porto de Celeiro nun referente pesqueiro. Puxo en valor o rico patrimonio mariñeiro e cultural da Mariña, facendo fincapé “que esta exposición é unha oportunidade para recoñecer o esforzo e a dedicación das persoas que ao longo de cen anos contribuíron ao crecemento e consolidación do porto celeirense”. A mostra, situada na sede da confraría, inclúe maquetas de barcos, fotografías, vídeos históricos, pinturas dos patróns maiores e obxectos singulares como a acta fundacional e maquinaria antiga. A visita complétase cun percorrido por espazos emblemáticos como a lonxa e o porto. Os actos do centenario culminarán coas XXVIII Xornadas Técnicas de Difusión do Sector Pesqueiro, un referente anual do sector.
Este evento anual destaca pola súa coidada selección musical e por ofrecer unha experiencia única na localidade lucense de Vilalba. Tras o éxito da pasada edición, que superou os 6.000 asistentes e contou con actuacións destacadas como as de Iván Ferreiro, Dorian e El Columpio Asesino, o FIV segue apostando por grandes nomes do indie nacional. As primeiras confirmacións do cartel serán anunciadas nas vindeiras semanas, mantendo a emoción e as expectativas para esta nova cita.
Nesta actuación, que serve de antesala para conmemorar o 25N, Día Internacional da Eliminación da Violencia contra a Muller, a coñecida maga realiza unha defensa da igualdade a través da maxia. O espectáculo é para todos os públicos e celebrarase na Casa dá Cultura de Cariño a partir das 18:30 horas. Conta con entrada libre e gratuíta ata completar aforo, polo que todos os interesados poderán acudir sen ter que realizar unha reserva previa.
Foi recibido no Concello polo alcalde, Dani Vega quen explicou que “dentro das visitas que estamos tendo en Ribadeo, recibimos ao Comandante Naval da Coruña e de Ferrol, o capitán de Fragata Javier García, que nos expuxo todo o tipo de propostas e de colaboracións que vamos ter con eles. E desde logo parécenos unha proposta interesante para tamén ter unha relación cos institutos, cos centros educativos e tamén co traballo que realiza en toda esta zona, desde Ribadeo ata A Coruña”. Vega engadiu: “nosoutros dentro da colaboración que estamos tendo con todas as administracións, creo que é positivo seguir nesta liña”.
