O BNG de Burela fai unha valoración moi positiva das negociacións levadas a cabo polo BNG no Goberno Provincial, que posibilitaron un acordo para a recuperación definitiva da colección de ourivería castrexa de D. Álvaro Gil. Na Xunta de Goberno celebrada este venres na Deputación, aprobouse o último trámite administrativo para que a colección poda voltar ao Museo Provincial. Un total de 40 pezas de ourivería prerromana, entre as que se atopan o Torques e Arracada de Burela.
O portavoz municipal do BNG, Mario Pillado, mostrou a súa satisfacción polas xestións levadas a cabo polo BNG tanto desde a Área de Cultura, como desde a propia Vicepresidencia da Deputación. Neste sentido, quixo parabenizar a Antonio Veiga e a Mario Outeiro, polos esforzos realizados para a recuperación da colección de arte prerromana galega máis importante do noso país e un dos emblemas do Museo Provincial de Lugo, que poderá ser visitada a partir do 10 de febreiro”.
Tras o acordo acadado polos nacionalistas coa familia de D. Álvaro Gil, ponse fin a un litixio comezado hai 14 anos, con Cacharro Pardo como presidente provincial, quedando de manifesto o traballo realizado por uns e por outros nas institucións públicas. Mentres o PP crea problemas e conflictos en base a intereses persoais, o BNG traballa por dar solucións e polo interese xeral.
O patrimonio cultural de Burela en risco ante o pasotismo de González Barcia
O Equipo de Goberno do PP foi incapaz de iniciar unha soa medida para a conservación, difusión e posta en valor do rico patrimonio existente en Burela. Mentres o Sr. Alcalde anda estes días de paseo por Fitur, gastando o diñeiro de todos os veciños e veciñas para “promocionar” a Burela, o patrimonio arqueolóxico, artístico e natural da nosa vila esmorece.
As pinturas góticas da Vila do Medio están a piques de desaparecer, o hipocausto de Castrelo sen ninguna medida de conservación e en serio perigo de conservación, a zona xeolóxica do Perdouro e a falla de Castrelo completamente esquecidas polo Goberno Municipal… son só algúns dos exemplos da nefasta xestión do PP en materia cultural e patrimonial.
Segundo aclarou Mario Pillado, “o PP votou en contra no seu día a unha moción presentada polo Grupo Municipal do BNG para a recuperación da colección de ourivería castrexa, outra moción para a conservación e declaración BIC das Pinturas da Vila do Medio e aínda non foi capaz de acadar a declaración de Espazo Natural de Interese Local (ENIL) para a área xeolóxica de Castrelo-Perdouro”.
Consello local do BNG de Burela.
Reclamaron unha xuntanza urxente para abordar a situación da fábrica e maior implicación dos goberntos estatal e autonómico.
Os seus editores, Carlos Baliñas Pérez (USC) e Carlos Andrés González Paz (IEGPS), acompañados pola directora do Museo Provincial de Lugo, Aurelia Balseiro, explicaron o contido do libro, que constitúe unha revisión diacrónica da traxectoria histórica da vila de Castro d’Ouro desde a Idade do Ferro ata finais do Antigo Réxime e que reúne os relatorios presentados por expertos de recoñecida traxectoria investigadora durante as “Xornadas de Estudos Históricos”, (2 e 3 de outubro de 2020, centro sociocultural de Alfoz), con motivo do octinxentésimo aniversario da vila de Castro d´Ouro (1220-2020).
Esta familia naceu arredor de cinco irmáns: Paco, Esperanza, Toñito, Juan José (Sé) e Joaquín. Tocoulles vivir tempos difíciles na xuventude, véndose obrigados algúns deles a emigrar. Na reunión estiveron presentes os tres que se ven na foto: Esperanza, Sé e Joaquín, xunto con fillos, sobriños, etc. Unha reunión entrañable, porque había bastante tempo que a familia non se reunía.
Aproveitouse despois para ver o partido entre Almería e Dépor lembrando "as peñas irmáns que hai polo territorio estatal". A peña burelá agarda repetir nova cita antes do remate da actual tempada coa intención de celebrar éxitos dos distintos equipos que compoñen a estrutura do RC Deportivo.
A Garda Civil imputa en calidade de investigada a unha veciña de San Miguel de Reinante de 38 anos de idade como suposta autora dun delito de simulación de delito. A persoa investigada denuncio en dependencias oficiais dous cargos indebidos na súa conta bancaria. Iniciouse entón unha investigación policial comprobando documentalmente que os cargos se corresponden con dúas cotas dun préstamo ao consumo contratado pola investigada e ingresado na súa propia conta. Supostamente a persoa investigada pretendía que a entidade bancaria devolvéselle os importes das cotas domiciliadas tras formular a denuncia ante a Garda Civil. As dilixencias policiais foron remitidas á Autoridade Xudicial
Destacou a súa importancia para preservar a memoria histórica e recoñecer o esforzo das xeracións que converteron o porto de Celeiro nun referente pesqueiro. Puxo en valor o rico patrimonio mariñeiro e cultural da Mariña, facendo fincapé “que esta exposición é unha oportunidade para recoñecer o esforzo e a dedicación das persoas que ao longo de cen anos contribuíron ao crecemento e consolidación do porto celeirense”. A mostra, situada na sede da confraría, inclúe maquetas de barcos, fotografías, vídeos históricos, pinturas dos patróns maiores e obxectos singulares como a acta fundacional e maquinaria antiga. A visita complétase cun percorrido por espazos emblemáticos como a lonxa e o porto. Os actos do centenario culminarán coas XXVIII Xornadas Técnicas de Difusión do Sector Pesqueiro, un referente anual do sector.
Este evento anual destaca pola súa coidada selección musical e por ofrecer unha experiencia única na localidade lucense de Vilalba. Tras o éxito da pasada edición, que superou os 6.000 asistentes e contou con actuacións destacadas como as de Iván Ferreiro, Dorian e El Columpio Asesino, o FIV segue apostando por grandes nomes do indie nacional. As primeiras confirmacións do cartel serán anunciadas nas vindeiras semanas, mantendo a emoción e as expectativas para esta nova cita.
