CERVO .- A falta de licencia por parte de de Costas e da Diputación “obrigou á paralización de parte das obras que se están a levar adiante para a construción do novo saneamento de San Ciprián” según indican desde o Concello de Cervo. A paralización afecta a “traballos que se estaban a desenvolver no parque Raiña Sofía, nun espazo afectado por Costas, e na avenida da Veiga, máis en concreto, nun treito de titularidade provincial”
Nota de Prensa
A DEMORA NO OUTORGAMENTO DAS LICENZAS DE COSTAS E DA DEPUTACIÓN –ADMINISTRACIÓNS REXIDAS POLOS SOCIALISTAS- OBRIGA A PARALIZAR PARTE DAS OBRAS DO NOVO SANEAMENTO DE SAN CIPRIÁN
* O Concello de Cervo sospeita que detrás destes atrancos administrativos está a man negra do PSOE que tal e como fixo con anterioridade desde a Xunta pretende boicotear toda actuación promovida polo Goberno municipal sen importarlle que, como no caso do novo saneamento, beneficie a un gran número de veciños.
* O Executivo cervense entende que estamos ante un caso de falta de vontade política para acelerar todos os trámites administrativos por parte das administracións socialistas, situación que constrasta co feito desde Portos de Galicia que en poucos días tiña outorgada a licenza para o inicio das obras de saneamento nos espazos da súa competencia.
* Existe un dato curioso: Quen sufraga a obra é o Ministerio de Medio Ambiente, a mesma administración da que depende o departamento estatal de Costas que agora require a paralización das obras.
Cervo, 25 de agosto de 2009.- A demora no outorgamento das oportunas licenzas por parte da Dirección Xeral de Sostibilidade da Costa e da Deputación Provincial de Lugo –ambas administracións rexidas polo PSOE- obrigou á paralización de parte das obras que se están a levar adiante para a construción do novo saneamento de San Ciprián. A suspensión destas actuacións, que ten un carácter provisional ata contar coas respectivas autorizacións, abrangue exclusivamente aos traballos que se estaban a desenvolver no parque Raiña Sofía –sito nun espazo afectado por Costas- e na Avenida da Veiga, máis en concreto, nun treito de titularidade provincial.
Desde o Goberno municipal sospeitan que detrás destes atrancos administrativos está a man negra dos socialistas que tal e como fixeron con anterioridade desde a Xunta bipartita pretenden boicotear toda actuación promovida polo Goberno municipal sen importarlle que, como no caso do novo saneamento, beneficie a un gran número de veciños. De calquera xeito, desde o Executivo cervense entenden que estamos ante un caso de falta de vontade política que deberan ter estas administracións socialistas para acelerar todos os trámites burocráticos. De feito, estas demoras constrastan co comportamento que están a ter outras administracións, como é o caso da autonómica: Portos de Galicia outorgou os seus respectivos permisos en poucos días, para que puideran desenvolverse os traballos previstos no peirao de San Ciprián.
MEDIO AMBIENTE PARALIZA A MEDIO AMBIENTE
Desde o Concello de Cervo subliñan un dato moi curioso: Quen sufraga a obra do novo saneamento, o Ministerio de Medio Ambiente, Medio Rural e Mariño, é a mesma administración da que depende o departamento que require a paralización das obras. A Dirección Xeral de Sostibilidade da Costa forma parte da estrutura orgánica deste Ministerio e, debido aos seus atrancos burocráticos as obras non poden continuar segundo as previsións temporais coas que se iniciou o proxecto. “Está claro que, no Goberno central terán que aclararse e deixar de actuar en contra dos seus propios actos”
No Executivo municipal sorprende moito menos a actitude obstrucionista da Deputación provincial xa que non se afasta da tónica xeral de boicot que se vén desenvolvendo desde este organismo nos últimos anos. Mostra disto e a negativa do Goberno provincial a executar a ampliación do Museo do Mar, os atrasos nas tarefas de limpeza e desbroce das estradas de titularidade provincial ou das praias e feitos como o acontecido o ano pasado cando este organismo provincial mantiña durante meses a principal vía de comunicación entre as localidades de Rúa e San Román, sen asfaltar, en terra, e con obstáculos como tendidos da electricidade en medio da vía ou enormes fochancas que tiveron que ser reparadas provisionalmente con medios municipais.
Esta “mala fe” coa que actúan desde a Deputación ten pouco sentido tendo en conta que precisamente dous concelleiros locais teñen importantes responsabilidades nas mesmas administracións que agora atrancan unha obra de vital importancia para os veciños de San Ciprián.
INVESTIMENTO DE 4,8 MILLÓNS DE EUROS
As obras do novo saneamento de San Ciprián comezaron nas pasadas semanas e contemplan un investimento superior aos 4,8 millóns de euros que, de cumprirse as previsións, deberán executarse nun prazo máximo de seis meses. Os traballos serán acometidos pola UTE formada polas empresas Estraco e Gia e inclúen a construción dun parque de tormentas soterrado, novas canalizacións e a construción dunha Estación Depuradora no polígono industrial de Cuiña. A maiores das evidentes melloras na xestión das augas pluviais e residuais, poderán evitarse as avarías que se producen como consecuencia da obsolescencia da rede actual e contribuirán a evitarse inundacións. Desde o Goberno municipal non ocultan a súa inquietude polos atrancos administrativos que se están a producir, tendo en conta ademais que se trata dunha obra moi demandada, e reclaman a implicación e a vontade favorable de todas as administracións para a pronta finalización do novo saneamento.
Esta familia naceu arredor de cinco irmáns: Paco, Esperanza, Toñito, Juan José (Sé) e Joaquín. Tocoulles vivir tempos difíciles na xuventude, véndose obrigados algúns deles a emigrar. Na reunión estiveron presentes os tres que se ven na foto: Esperanza, Sé e Joaquín, xunto con fillos, sobriños, etc. Unha reunión entrañable, porque había bastante tempo que a familia non se reunía.
A Garda Civil imputa en calidade de investigada a unha veciña de San Miguel de Reinante de 38 anos de idade como suposta autora dun delito de simulación de delito. A persoa investigada denuncio en dependencias oficiais dous cargos indebidos na súa conta bancaria. Iniciouse entón unha investigación policial comprobando documentalmente que os cargos se corresponden con dúas cotas dun préstamo ao consumo contratado pola investigada e ingresado na súa propia conta. Supostamente a persoa investigada pretendía que a entidade bancaria devolvéselle os importes das cotas domiciliadas tras formular a denuncia ante a Garda Civil. As dilixencias policiais foron remitidas á Autoridade Xudicial
Aproveitouse despois para ver o partido entre Almería e Dépor lembrando "as peñas irmáns que hai polo territorio estatal". A peña burelá agarda repetir nova cita antes do remate da actual tempada coa intención de celebrar éxitos dos distintos equipos que compoñen a estrutura do RC Deportivo.
Destacou a súa importancia para preservar a memoria histórica e recoñecer o esforzo das xeracións que converteron o porto de Celeiro nun referente pesqueiro. Puxo en valor o rico patrimonio mariñeiro e cultural da Mariña, facendo fincapé “que esta exposición é unha oportunidade para recoñecer o esforzo e a dedicación das persoas que ao longo de cen anos contribuíron ao crecemento e consolidación do porto celeirense”. A mostra, situada na sede da confraría, inclúe maquetas de barcos, fotografías, vídeos históricos, pinturas dos patróns maiores e obxectos singulares como a acta fundacional e maquinaria antiga. A visita complétase cun percorrido por espazos emblemáticos como a lonxa e o porto. Os actos do centenario culminarán coas XXVIII Xornadas Técnicas de Difusión do Sector Pesqueiro, un referente anual do sector.
Este evento anual destaca pola súa coidada selección musical e por ofrecer unha experiencia única na localidade lucense de Vilalba. Tras o éxito da pasada edición, que superou os 6.000 asistentes e contou con actuacións destacadas como as de Iván Ferreiro, Dorian e El Columpio Asesino, o FIV segue apostando por grandes nomes do indie nacional. As primeiras confirmacións do cartel serán anunciadas nas vindeiras semanas, mantendo a emoción e as expectativas para esta nova cita.
Nesta actuación, que serve de antesala para conmemorar o 25N, Día Internacional da Eliminación da Violencia contra a Muller, a coñecida maga realiza unha defensa da igualdade a través da maxia. O espectáculo é para todos os públicos e celebrarase na Casa dá Cultura de Cariño a partir das 18:30 horas. Conta con entrada libre e gratuíta ata completar aforo, polo que todos os interesados poderán acudir sen ter que realizar unha reserva previa.
Foi recibido no Concello polo alcalde, Dani Vega quen explicou que “dentro das visitas que estamos tendo en Ribadeo, recibimos ao Comandante Naval da Coruña e de Ferrol, o capitán de Fragata Javier García, que nos expuxo todo o tipo de propostas e de colaboracións que vamos ter con eles. E desde logo parécenos unha proposta interesante para tamén ter unha relación cos institutos, cos centros educativos e tamén co traballo que realiza en toda esta zona, desde Ribadeo ata A Coruña”. Vega engadiu: “nosoutros dentro da colaboración que estamos tendo con todas as administracións, creo que é positivo seguir nesta liña”.
