Barreiros, 15 de xaneiro de 2015. O Museo Etnográfico da Fonsagrada decidiu manter aberta ao público ata finais de xaneiro a exposición Represaliados, pertencente ao artista barreirense Celso Dourado. Fíxoo despois de valorar positivamente a ampla acollida de público que a mostra obtivo dende que foi inaugurada, a comezos do pasado mes de novembro. A exposición consta de dez cadros que repasan a historia do Comandante Moreno, que xunto a outros doce homes formaron parte do Batallón Galicia e foron asasinados e enterrados no ano 1937nunha fosa común no Alto do Acevo (A Fonsagrada). Os seus corpos foron exhumados finalmente no ano 2007, un acto que serviu de inspiración a Celso Dourado para comezar a traballar na obra que permanece exposta agora na terceira planta deste Museo Comarcal, en horario de 12.00 a 14.00 horas de martes a venres e de 17:00 a 19:00 horas as fins de semana.
Celso Dourado mostrouse “satisfeito co éxito de asistencia de público que tivo a exposición e emocionado coa ampliación de datas que decidiu levar a cabo o Museo Etnográfico para manter a mostra durante todo o mes de xaneiro”. O artista recordou ademais que “este é unha obra moi forte e impactante na que utilizo cores para darlle maior realismo aos feitos. O Concello púxose en contacto comigo por propia iniciativa para traela á Fonsagrada e dende o primeiro momento pedíronme que non puxera data de remate, xa que pretendían que estivese no museo todo o tempo que se puidese. Eu calculaba que seguramente pasase alí as festas de Nadal, e agora soubemos que estará ata finais do presente mes de xaneiro”.
Unha persoa esqueceu unha pota no lume. Queimouse todo o contido do recipiente e a vivenda encheuse de fume, por iso deberon intervir os Bombeiros de Viveiro, para poder ventilar e garantir a habitabilidade. Ninguén resultou ferido. Tampouco dúas mascotas que estaban dentro do inmoble. Quen avisou ao 112 Galicia ás 13:30 horas de hoxe eran os propios afectados, que vían saír fume da súa casa, situada na Rúa Grande, en Celeiro.
Este colectivo organiza, un ano máis, o V Encontro de Camións, que terá lugar na Alameda ortegana este venres e sábado. O encontro serviu para presentar a camiseta oficial desta quinta edición.
Este xoves gardouse un minuto de silencio ante a Casa do Concello, como xesto símbólico en solidariedade coas familias das persoas falecidas e desaparecidas, e con todas as persoas que resultaron vítimas, dun ou doutro xeito, da devastadora DANA que afectou sobre todo, á Comunidade Valenciana e a Castela A Mancha. As bandeiras tamén locen a media asta en sinal de loito.
Os feitos delituosos tiveron lugar o pasado día 18 de outubro, no interior dun establecemento comercial de Ribadeo, cando supostamente a persoa investigada aproveitando un descoido da propietaria do local subtraeu dous aneis dun expositor. No marco da investigación logrouse recuperar un dos obxectos subtraídos, continuando xestións para localizar e recuperar o outro. As dilixencias policiais e a persoa investigada foron postos ao dispor xudicial.
O pasado sábado, 26 de outubro, tivo lugar na Pousada do Almacén en Cervo unha emotiva xuntaza do antigo alumnado do Cole de Cervo dende a xeración de 1977 ata 2006 para homenaxear a súa mestra Lila, con motivo da súa xubilación, estando acompañada polo seu inseparable Toño (tamén mestre no Centro). Lila foi unha carismática mestra que impartíu no Colexio Público de Cervo dende comezos da década dos 90 ata xuño pasado. Máis de 70 persoas asistiron á cea e unhas 110 participaron nos distintos agasallos entregados ao remate cos respectivos discursos. A homenaxe continuou logo no Muíño para rememorar anécdotas dos tempos mozos das persoas asistentes.
A edil Begoña Sanjurjo explicou que “foi unha xornada de convivencia e desconexión do mundanal ruído”. E contou que “a meteoroloxía deixounos desfrutar da contorna do balneario e da área recreativa da Carballeira en Parga, onde comemos”. A concelleira de Igualdade dixo que “foi unha experiencia que nos deixou gañas de repetir”.
Destinado ao público infantil e familiar a partir dos 3 anos. O espectáculo trata a temática da memoria, da vellez, da demencia, da soidade e da dura e esixente tarefa de coidar as persoas maiores e enfermas. Será ás 18 horas.
