Os motivos deste desacordo por parte dos representantes dos traballadores foron:
1º O nulo interese na confección dun Plan de Igualdade que contemple algunha variación positiva para a integración das mulleres no mundo laboral fora do que xa di a lei.
Como exemplo o feito de que sendo a vixencia dos planes anual sexa o terceiro nun prazo de cinco anos e para o caso os tres foron implantados unilateralmente pola Empresa.
2º O deseño excluínte dos postos de traballo para produción (onde as esixencias físicas, manexo de cargas, tempos de descanso etc…) limitan a presenza de mulleres, pese a ter sido reclamado nos estudos ergonómicos que os postos se deseñasen para protexer a homes e mulleres.
3º Non facilitar a conciliación da vida familiar, non recoñecendo o dereito dos traballadores a gozar do permiso de nacemento cando se solapa coas vacacións.
4º Equiparar as parellas de feito ao matrimonio para acollerse ao permiso correspondente.
Chega para por de manifesto a ineficacia do plan de igualdade, logo de seis anos de implantación unilateral por parte da dirección, o dato obxectivo da porcentaxe de mulleres na factoría que non chega ao 5% nun cadro de persoal de 1.031 persoas. Dato que se reduce a unha porcentaxe máis residual se nos referimos ás mulleres que traballan en produción (fóra dos traballos de oficina ou función directiva).
Comisión de Igualdade.
Esta publicación, que se enmarca na serie Monografías de Cuadernos de Estudios Gallegos do Editorial CSIC, conta cunha introdución dos editores Carlos Baliñas e Carlos Andrés González. Ademais, tamén colaboraron neste traballo de investigación, que afonda na historia e na evolución do municipio mariñán dende o medievo ata a actualidade, Abel Vigo, Aurelia Balseiro, Mª Dolores Barral e Pegerto Saavedra.
Unha persoa esqueceu unha pota no lume. Queimouse todo o contido do recipiente e a vivenda encheuse de fume, por iso deberon intervir os Bombeiros de Viveiro, para poder ventilar e garantir a habitabilidade. Ninguén resultou ferido. Tampouco dúas mascotas que estaban dentro do inmoble. Quen avisou ao 112 Galicia ás 13:30 horas de hoxe eran os propios afectados, que vían saír fume da súa casa, situada na Rúa Grande, en Celeiro.
Este colectivo organiza, un ano máis, o V Encontro de Camións, que terá lugar na Alameda ortegana este venres e sábado. O encontro serviu para presentar a camiseta oficial desta quinta edición.
Este xoves gardouse un minuto de silencio ante a Casa do Concello, como xesto símbólico en solidariedade coas familias das persoas falecidas e desaparecidas, e con todas as persoas que resultaron vítimas, dun ou doutro xeito, da devastadora DANA que afectou sobre todo, á Comunidade Valenciana e a Castela A Mancha. As bandeiras tamén locen a media asta en sinal de loito.
O pasado sábado, 26 de outubro, tivo lugar na Pousada do Almacén en Cervo unha emotiva xuntaza do antigo alumnado do Cole de Cervo dende a xeración de 1977 ata 2006 para homenaxear a súa mestra Lila, con motivo da súa xubilación, estando acompañada polo seu inseparable Toño (tamén mestre no Centro). Lila foi unha carismática mestra que impartíu no Colexio Público de Cervo dende comezos da década dos 90 ata xuño pasado. Máis de 70 persoas asistiron á cea e unhas 110 participaron nos distintos agasallos entregados ao remate cos respectivos discursos. A homenaxe continuou logo no Muíño para rememorar anécdotas dos tempos mozos das persoas asistentes.
A edil Begoña Sanjurjo explicou que “foi unha xornada de convivencia e desconexión do mundanal ruído”. E contou que “a meteoroloxía deixounos desfrutar da contorna do balneario e da área recreativa da Carballeira en Parga, onde comemos”. A concelleira de Igualdade dixo que “foi unha experiencia que nos deixou gañas de repetir”.
Destinado ao público infantil e familiar a partir dos 3 anos. O espectáculo trata a temática da memoria, da vellez, da demencia, da soidade e da dura e esixente tarefa de coidar as persoas maiores e enfermas. Será ás 18 horas.
