NOTA DE PRENSA
O portavoz de Mar do Grupo Parlamentario Popular, José Manuel Balseiro, amosa a súa preocupación pola precariedade na que opera este servizo esencial, entre outras funcións, na loita contra o narcotráfico
O PPdeG IMPULSA UNHA INICIATIVA PARA QUE O GOBERNO CENTRAL REFORCE OS MEDIOS DO SERVIZO DE VIXILANCIA ADUANEIRA EN GALICIA
* A Proposición non de Lei faise eco das “múltiples voces que denuncian a falta de recursos e as deficiencias” no Servizo sen que desde o Goberno central “se estean a desenvolver as medidas oportunas para corrixilo”
* A iniciativa fai fincapé en aspectos como a operatividade das embarcacións, a cobertura aérea do litoral e a eliminación da precariedade do persoal que traballa no Servizo.
Santiago, 20 de agosto de 2009.- O Partido Popular de Galicia rexistrou no Parlamento galego unha iniciativa a través da que insta á Xunta a demandar do Goberno central que desenvolva as xestións oportunas para reforzar os medios materiais e humanos do Servizo de Vixilancia Aduaneira en Galicia. O portavoz de Mar do Grupo Parlamentario Popular, José Manuel Balseiro, amosa a súa preocupación pola precariedade na que opera este servizo esencial, entre outras funcións, na loita contra o narcotráfico.
A Proposición non de Lei rexistrada polos populares faise eco das “múltiples voces –fundamentalmente organizacións sindicais e traballadores deste servizo- que, desde hai varios anos veñen denunciando a falta de recursos e as deficiencias” nos medios de Vixilancia Aduaneira, todo iso sen que desde o Goberno central “se estean a desenvolver as medidas oportunas para corrixilo”. Entre as deficiencias denunciadas polos propios traballadores, Balseiro subliña que en tres das seis bases marítimas que o Servizo de Vixilancia Aduaneira ten en Galicia (Vilagarcía, Muros, Ribadeo, A Coruña, Marín e Vigo), as embarcacións superan os 24 anos de antigüidade e están a sufrir continuas avarías “que non son reparadas en tempo e forma”. Así mesmo, engade que o helicóptero que opera na zona norte “dispón dunha autonomía moi limitada”, todo iso pese a ser esencial nos labores de vixilancia que desenvolve este Servizo.
O voceiro popular considera “máis que evidente” que a falta de operatividade de gran parte dos medios e a dificultade que atopan os traballadores adscritos á Vixilancia Aduaneira impide que poidan desenvolver a súa actividade con normalidade “reduce dun xeito significativo” a eficacia dos medios de titularidade pública dispostos en Galicia co fin de loitar contra a acción dos ilegais, mafias ou o narcotráfico.
DESIDIA DA ADMINISTRACIÓN CENTRAL
José Manuel Balseiro, en todo caso, insiste en destacar o labor dos profesionais que traballan neste Servizo, un organismo de carácter policial dependente do Departamento de Aduanas e Impostos Especiais da Axencia Tributaria, dentro do Ministerio de Economía e Facenda que, durante o ano 2008, logrou a incautación de máis de 200.000 quilogramos de drogas e participou en múltiples operacións marítimas. Sen embargo, o Grupo Popular entende que este Servizo presenta deficiencias “que persisten porque a Administración central está a traballar con desidia e falta de interese á hora de desenvolver as xestións oportunas para corrixilas”.
A iniciativa do PPdeG fai fincapé en aspectos como a operatividade das embarcacións, a cobertura aérea do litoral e a eliminación da precariedade do persoal que traballa na Vixilancia Aduaneira. Así, plantexa un reforzamento que pase pola modernización ou substitución das embarcacións que así o precisen pola súa situación ou especial obsolescencia; o incremento das horas de autonomía de voo que actualmente teñen os helicópteros adscritos ao servizo para operacións de vixilancia, patrulla, persecución e interceptación no litoral galego; e a suplencia do persoal para dar cobertura ás baixas por situacións de xubilación, incapacidade temporal ou excedencias.
CONTRASTE COS ESFORZOS DA XUNTA EN SEGURIDADE MARÍTIMA
Finalmente a situación actual deste Servizo de responsabilidade estatal contrasta cos múltiples esforzos que se están a desenvolver desde a nova Consellería do Mar no ámbito da vixilancia marítima. De feito os novos responsables da Xunta de Galicia traballan no reforzo dos medios do Servizo de Gardacostas autonómico quen desenvolve as súas responsabilidades principais no ámbito da protección dos recursos pesqueiros e en tarefas de emerxencias e seguridade no mar. A ampliación das tripulacións dos helicópteros Pesca 1 e Pesca 2 hai que engadir a mellora nas lanchas e embarcacións de inspección e salvamento. O Grupo Popular espera un compromiso similar por parte do Goberno socialista central xa que, “deberamos remar na mesma dirección, e desenvolver un esforzo de mellora de toda esta loxística, sobre todo tendo en conta as características da costa galega e que tanto o Servizo de Gardacostas de Galicia, como o de Vixilancia Aduaneira e Salvamento Marítimo están obrigados a complementarse, coordinarse e traballar pola seguridade de todos”
Esta familia naceu arredor de cinco irmáns: Paco, Esperanza, Toñito, Juan José (Sé) e Joaquín. Tocoulles vivir tempos difíciles na xuventude, véndose obrigados algúns deles a emigrar. Na reunión estiveron presentes os tres que se ven na foto: Esperanza, Sé e Joaquín, xunto con fillos, sobriños, etc. Unha reunión entrañable, porque había bastante tempo que a familia non se reunía.
Aproveitouse despois para ver o partido entre Almería e Dépor lembrando "as peñas irmáns que hai polo territorio estatal". A peña burelá agarda repetir nova cita antes do remate da actual tempada coa intención de celebrar éxitos dos distintos equipos que compoñen a estrutura do RC Deportivo.
A Garda Civil imputa en calidade de investigada a unha veciña de San Miguel de Reinante de 38 anos de idade como suposta autora dun delito de simulación de delito. A persoa investigada denuncio en dependencias oficiais dous cargos indebidos na súa conta bancaria. Iniciouse entón unha investigación policial comprobando documentalmente que os cargos se corresponden con dúas cotas dun préstamo ao consumo contratado pola investigada e ingresado na súa propia conta. Supostamente a persoa investigada pretendía que a entidade bancaria devolvéselle os importes das cotas domiciliadas tras formular a denuncia ante a Garda Civil. As dilixencias policiais foron remitidas á Autoridade Xudicial
Destacou a súa importancia para preservar a memoria histórica e recoñecer o esforzo das xeracións que converteron o porto de Celeiro nun referente pesqueiro. Puxo en valor o rico patrimonio mariñeiro e cultural da Mariña, facendo fincapé “que esta exposición é unha oportunidade para recoñecer o esforzo e a dedicación das persoas que ao longo de cen anos contribuíron ao crecemento e consolidación do porto celeirense”. A mostra, situada na sede da confraría, inclúe maquetas de barcos, fotografías, vídeos históricos, pinturas dos patróns maiores e obxectos singulares como a acta fundacional e maquinaria antiga. A visita complétase cun percorrido por espazos emblemáticos como a lonxa e o porto. Os actos do centenario culminarán coas XXVIII Xornadas Técnicas de Difusión do Sector Pesqueiro, un referente anual do sector.
Este evento anual destaca pola súa coidada selección musical e por ofrecer unha experiencia única na localidade lucense de Vilalba. Tras o éxito da pasada edición, que superou os 6.000 asistentes e contou con actuacións destacadas como as de Iván Ferreiro, Dorian e El Columpio Asesino, o FIV segue apostando por grandes nomes do indie nacional. As primeiras confirmacións do cartel serán anunciadas nas vindeiras semanas, mantendo a emoción e as expectativas para esta nova cita.
Nesta actuación, que serve de antesala para conmemorar o 25N, Día Internacional da Eliminación da Violencia contra a Muller, a coñecida maga realiza unha defensa da igualdade a través da maxia. O espectáculo é para todos os públicos e celebrarase na Casa dá Cultura de Cariño a partir das 18:30 horas. Conta con entrada libre e gratuíta ata completar aforo, polo que todos os interesados poderán acudir sen ter que realizar unha reserva previa.
Foi recibido no Concello polo alcalde, Dani Vega quen explicou que “dentro das visitas que estamos tendo en Ribadeo, recibimos ao Comandante Naval da Coruña e de Ferrol, o capitán de Fragata Javier García, que nos expuxo todo o tipo de propostas e de colaboracións que vamos ter con eles. E desde logo parécenos unha proposta interesante para tamén ter unha relación cos institutos, cos centros educativos e tamén co traballo que realiza en toda esta zona, desde Ribadeo ata A Coruña”. Vega engadiu: “nosoutros dentro da colaboración que estamos tendo con todas as administracións, creo que é positivo seguir nesta liña”.
