CERVO.- O Concello de Cervo solicitou á Deputación Provincial de Lugo a instalación daquelas medidas que permitan incrementar a seguridade viaria nas estradas de titularidade provincial que existen no termo municipal. Concretamente reclamou a construción de pasos de peóns elevados fronte ao novo centro de saúde de San Ciprián, situado ao carón da estación de FEVE, e en varios puntos do concello como é o caso da estrada de Sargadelos en Figueirido ou os puntos de maior perigosidade da rúa Xosé Álvarez da capital municipal.
NOTA DE PRENSA
O primeiro edil cervense entende que é conveniente que todas as administracións traballen conxuntamente para evitar sustos innecesarios e accidentes “que despois teñamos que lamentar” e por iso está a xestionar coas distintas administracións con competencias nas vías e estradas do municipio medidas que contribúan a reducir riscos
O CONCELLO RECLAMA Á DEPUTACIÓN A INSTALACIÓN DE MEDIDAS QUE PERMITAN INCREMENTAR A SEGURIDADE VIARIA NAS ESTRADAS DE TITULARIDADE PROVINCIAL
* Cervo remitiu ao organismo provincial unha misiva, reiterada nos pasados días, a través das que pide a instalación de varios pasos de peóns elevados nas inmediacións do novo Centro de Saúde de San Ciprián, xa que tras a súa apertura “existe unha maior afluencia peonil na zona”.
* O Executivo que preside Alfonso Villares tamén traslada á Deputación Provincial as demandas de varios veciños, que reclaman a instalación de bandas rugosas na estrada que une Cervo e Figueirido, e nos puntos máis conflitivos da rúa Xosé Álvarez da capital municipal.
* A mellora na seguridade viaria é unha preocupación recorrente do Executivo que preside Alfonso Villares e, neste obxectivo, efectuou varias xestións ante distintos organismos como Fomento e Costas para a instalación de medidas de protección.
Cervo, 13 de agosto de 2008.- O Concello de Cervo solicitou á Deputación Provincial de Lugo a instalación daquelas medidas que permitan incrementar a seguridade viaria nas estradas de titularidade provincial que existen no termo municipal. Máis en concreto, o Executivo que preside o popular Alfonso Villares reclamou a construción de pasos de peóns elevados fronte ao novo centro de saúde de San Ciprián, situado ao carón da estación de FEVE, e en varios puntos do concello como é o caso da estrada de Sargadelos en Figueirido ou os puntos de maior perigosidade da rúa Xosé Álvarez da capital municipal.
Segundo informaron desde o Goberno municipal estas medidas teñen por obxecto reducir os riscos que existen nestas vías, “xa ben sexa pola proximidade a edificios de gran afluencia peonil -como é o caso de centro de saúde sancibrense- ou pola proximidade a vivendas ou vías nas que de xeito habitual os vehículos circulan superando amplamente a limitación de velocidade”.
“Entendemos que é necesario traballar para evitar sustos innecesarios e accidentes que despois teñamos que lamentar. Para iso, a mellor estratexia é implicar ás distintas administracións con competencias sobre as nosas estradas. Que entre todos cooperemos na instalación daquelas medidas que redunden nunha mellora da seguridade viaria e, polo tanto, da seguridade de todos os veciños”
CENTRO DE SAÚDE DE SAN CIPRIAN
Tras a apertura do novo Centro de Saúde de San Ciprián moitas persoas se vén na necesidade de cruzar a estrada LU-P-1510, de titularidade provincial, para acceder ás súas instalacións e acudir ás consultas dos médicos. É por iso que o Concello de Cervo entende como necesario a construción nesta zona de varios pasos de peóns a distinto nivel, elevados sobre o cruce da calzada, así como aquelas outras que consideren pertinentes os técnicos do Servizo Provincial de Vías e Obras
Esta reclamación efectuouse a través do envío de varias cartas ao organismo provincial: A primeira delas con data do 30 de xullo do presente ano e a última delas nos pasados días reiterando a petición ao non ter recibido resposta.
En todo caso desde o Concello de Cervo explicaron que esta petición “non é nova” pois xa se tiña efectuada en pasados anos ao organismo provincial. Máis en concreto tras a solicitude dun grupo de veciños das vivendas próximas a esta estrada, “que observaban como moitos vehículos non respectan a limitación de velocidade máxima nesta vía, que é 50 quilómetros por hora”.
CERVO E FIGUEIRIDO
Tamén forma parte da reclamación dun grupo de veciños de Figueirido e da propia capital municipal, a necesidade de asumir con urxencia a instalación dalgún tipo de medida que permita controlar os excesos de velocidade dos vehículos que transitan pola estrada de Sargadelos -entre Cervo e a nacional 642 – e pola rúa Xosé Álvarez.
Segundo explican desde o Concello de Cervo nestas vías de titularidade provincial téñense producidos varios accidentes e situacións que entrañan grave perigo para os veciños e outras persoas que por alí transitan -a última fronte a vivenda número 9 da rúa Xosé Álvarez- o aconsella estudar a implantación de medidas que aumenten a seguridade viaria. De feito, o propio Concello de Cervo de xeito provisional instalou unha banda rugosa neste punto, “a expensas da solución técnica máis axeitada que determine o servizo de Vías e Obras da Deputación Provincial.”
SEGURIDADE VIARIA: PREOCUPACIÓN RECORRENTE
A mellora da seguridade viaria é unha preocupación recorrente do Goberno municipal presidido polo popular Alfonso Villares. Xa no seu momento dotouse de bandas rugosas aquelas interseccións e zonas de vía de titularidade municipal que presentaban maior rigorosidade. A medida -de carácter provisional- serviu para controlar con maior acerto a velocidade do tránsito dos distintos vehículos.
SUBSTITUCIÓN DAS BANDAS RUGOSAS
Nunha segunda fase, o rexedor cervense mantivo varios contactos coas distintas administracións con competencia nas vías e estradas do seu municipio para xestionar a posta en marcha de varias medidas que permitan garantir a seguridade viaria con carácter definitivo. Neste obxectivo logrou que a o departamento estatal de Costas asumira a construción dunha serie de paso de peóns elevados na localidade de San Ciprián. Así un total de 9 están a ser construídos nesta localidade e outros estarán en obras cando rematen os meses estivais “para incidir o mínimo posible na mobilidade de vehículos e persoas nestas épocas de maior afluencia turística.” Os novos pasos de peóns elevados substituirán paulatinamente ás bandas rugosas instaladas con carácter provisional
Xunto a iso, o Alcalde de Cervo, Alfonso Villares tamén reclamou ao Ministerio de Fomento que instale unha pasarela peonil na localidade de Cervo, para reducir o perigo ao que se ven sometidas aquelas persoas que teñen que cruzar a estrada N 642
UN SAÚDO.- CONCELLO DE CERVO
Esta familia naceu arredor de cinco irmáns: Paco, Esperanza, Toñito, Juan José (Sé) e Joaquín. Tocoulles vivir tempos difíciles na xuventude, véndose obrigados algúns deles a emigrar. Na reunión estiveron presentes os tres que se ven na foto: Esperanza, Sé e Joaquín, xunto con fillos, sobriños, etc. Unha reunión entrañable, porque había bastante tempo que a familia non se reunía.
A Garda Civil imputa en calidade de investigada a unha veciña de San Miguel de Reinante de 38 anos de idade como suposta autora dun delito de simulación de delito. A persoa investigada denuncio en dependencias oficiais dous cargos indebidos na súa conta bancaria. Iniciouse entón unha investigación policial comprobando documentalmente que os cargos se corresponden con dúas cotas dun préstamo ao consumo contratado pola investigada e ingresado na súa propia conta. Supostamente a persoa investigada pretendía que a entidade bancaria devolvéselle os importes das cotas domiciliadas tras formular a denuncia ante a Garda Civil. As dilixencias policiais foron remitidas á Autoridade Xudicial
Aproveitouse despois para ver o partido entre Almería e Dépor lembrando "as peñas irmáns que hai polo territorio estatal". A peña burelá agarda repetir nova cita antes do remate da actual tempada coa intención de celebrar éxitos dos distintos equipos que compoñen a estrutura do RC Deportivo.
Destacou a súa importancia para preservar a memoria histórica e recoñecer o esforzo das xeracións que converteron o porto de Celeiro nun referente pesqueiro. Puxo en valor o rico patrimonio mariñeiro e cultural da Mariña, facendo fincapé “que esta exposición é unha oportunidade para recoñecer o esforzo e a dedicación das persoas que ao longo de cen anos contribuíron ao crecemento e consolidación do porto celeirense”. A mostra, situada na sede da confraría, inclúe maquetas de barcos, fotografías, vídeos históricos, pinturas dos patróns maiores e obxectos singulares como a acta fundacional e maquinaria antiga. A visita complétase cun percorrido por espazos emblemáticos como a lonxa e o porto. Os actos do centenario culminarán coas XXVIII Xornadas Técnicas de Difusión do Sector Pesqueiro, un referente anual do sector.
Este evento anual destaca pola súa coidada selección musical e por ofrecer unha experiencia única na localidade lucense de Vilalba. Tras o éxito da pasada edición, que superou os 6.000 asistentes e contou con actuacións destacadas como as de Iván Ferreiro, Dorian e El Columpio Asesino, o FIV segue apostando por grandes nomes do indie nacional. As primeiras confirmacións do cartel serán anunciadas nas vindeiras semanas, mantendo a emoción e as expectativas para esta nova cita.
Nesta actuación, que serve de antesala para conmemorar o 25N, Día Internacional da Eliminación da Violencia contra a Muller, a coñecida maga realiza unha defensa da igualdade a través da maxia. O espectáculo é para todos os públicos e celebrarase na Casa dá Cultura de Cariño a partir das 18:30 horas. Conta con entrada libre e gratuíta ata completar aforo, polo que todos os interesados poderán acudir sen ter que realizar unha reserva previa.
Foi recibido no Concello polo alcalde, Dani Vega quen explicou que “dentro das visitas que estamos tendo en Ribadeo, recibimos ao Comandante Naval da Coruña e de Ferrol, o capitán de Fragata Javier García, que nos expuxo todo o tipo de propostas e de colaboracións que vamos ter con eles. E desde logo parécenos unha proposta interesante para tamén ter unha relación cos institutos, cos centros educativos e tamén co traballo que realiza en toda esta zona, desde Ribadeo ata A Coruña”. Vega engadiu: “nosoutros dentro da colaboración que estamos tendo con todas as administracións, creo que é positivo seguir nesta liña”.
