LUGO .- A xunta de goberno da Deputación acordou investir preto de 2 millóns de euros no “Plan integral de sinalización viaria da provincia” que inclúe a colocación de biondas. Según indicou o voceiro do grupo socialista, Antonio Gato, “o obxectivo é mellorar a seguridade vial nas estradas da Deputación que, con 4.200 quilómetros de estradas, ten a rede provincial máis extensa de España e representa o 45 por cento da de toda Galicia”.
NOTA DE PRENSA
A Deputación investirá preto de 2 millóns de euros na sinalización das estradas provincias
– A Xunta de Goberno adxudicou o proxecto para mellorar as prácticas agrícolas e reducir o impacto dos residuos gandeiros
– Gato anunciou que se vén de contratar un estudo técnico-xurídico sobre a contratación de enerxía eléctrica que “supoñerá un aforro ós Concellos”
A Deputación investirá preto de 2 millóns de euros no primeiro Plan integral de sinalización viaria da provincia que inclúe a colocación de biondas. O voceiro do grupo provincial socialista, Antonio Gato, afirmou, trala reunión da Xunta de Goberno deste venres, que “o obxectivo é mellorar a seguridade vial nas estradas da Deputación que, con 4.200 quilómetros de estradas, ten a rede provincial máis extensa de España e representa o 45% da de toda Galicia”.
O Goberno provincial adxudicou provisionalmente estes traballos por 1.812.360. Ademais das biondas, incluirá a sinalización horizontal, vertical, instalación de balizas para neve e hitos quilométricos.
Boas prácticas agrogandeiras
A Deputación levará a cabo accións formativas dirixidas a agricultores e gandeiros para mellorar as súas prácticas agrícolas e conseguir unha diminución dos impactos da carga gandeira. Iste é o obxectivo dun proxecto incluído no programa europeo LugO2 que foi adxudicado provisionalmente por un importe de 179.293 euros. O voceiro do grupo socialista, Antonio Gato, destacou a importancia que esta iniciativa ten para o sector xa que “ten entre os seus principais obxectivos reducir as cantidades de residuos producidos e empregar o purín como fertilizante para os cultivos e a obtención de compost”. O ámbito de actuación serán as tres Reservas da Biosfera e o Courel.
Por outra banda, a Xunta de Goberno tamén deu o visto e prace á subvención de 33.881 euros da Consellería de Traballo para a realización das accións de actividades de formación, orientación e busca de emprego e aprobouse a conta xustificativa dunha obra incluída no Plan de Cooperación coas Comunidades Veciñais correspondente ó ano 2008. O presupoto do proxecto é de 12.500 euros, dos que a Deputación achegou 9.375.
Aforro ós Concellos
Antonio Gato tamén anunciou que se vén de contratar a realización dun estudo técnico-xurídico sobre as posibilidades que se derivan do Real Decreto no que se establece a liberalización do mercado eléctrico. “Comos saben, a Deputación emprendeu unha nova acción destinada ó aforro dos Concellos como é que, dentro do marco dese decreto, poidamos proceder á contratación de enerxía eléctrica a todas aquelas Entidades Locais que deleguen esa posibilidade na Deputación”.
O voceiro do grupo de goberno tamén destacou que hoxe o Boletín Oficial da Provincia publica un concurso para a contratación dos traballos de actualización dos datos catastrais dos Concellos da provincia. “Desde o momento no que se adxudique, a Deputación farase cargo da actualización dos datos do IBI. Isto permitirá aforros importantes, xa que na actualidade os Concellos realizan de forma individualizada á contratación deses traballos”, apuntou Gato Soengas
Esta familia naceu arredor de cinco irmáns: Paco, Esperanza, Toñito, Juan José (Sé) e Joaquín. Tocoulles vivir tempos difíciles na xuventude, véndose obrigados algúns deles a emigrar. Na reunión estiveron presentes os tres que se ven na foto: Esperanza, Sé e Joaquín, xunto con fillos, sobriños, etc. Unha reunión entrañable, porque había bastante tempo que a familia non se reunía.
Aproveitouse despois para ver o partido entre Almería e Dépor lembrando "as peñas irmáns que hai polo territorio estatal". A peña burelá agarda repetir nova cita antes do remate da actual tempada coa intención de celebrar éxitos dos distintos equipos que compoñen a estrutura do RC Deportivo.
A Garda Civil imputa en calidade de investigada a unha veciña de San Miguel de Reinante de 38 anos de idade como suposta autora dun delito de simulación de delito. A persoa investigada denuncio en dependencias oficiais dous cargos indebidos na súa conta bancaria. Iniciouse entón unha investigación policial comprobando documentalmente que os cargos se corresponden con dúas cotas dun préstamo ao consumo contratado pola investigada e ingresado na súa propia conta. Supostamente a persoa investigada pretendía que a entidade bancaria devolvéselle os importes das cotas domiciliadas tras formular a denuncia ante a Garda Civil. As dilixencias policiais foron remitidas á Autoridade Xudicial
Destacou a súa importancia para preservar a memoria histórica e recoñecer o esforzo das xeracións que converteron o porto de Celeiro nun referente pesqueiro. Puxo en valor o rico patrimonio mariñeiro e cultural da Mariña, facendo fincapé “que esta exposición é unha oportunidade para recoñecer o esforzo e a dedicación das persoas que ao longo de cen anos contribuíron ao crecemento e consolidación do porto celeirense”. A mostra, situada na sede da confraría, inclúe maquetas de barcos, fotografías, vídeos históricos, pinturas dos patróns maiores e obxectos singulares como a acta fundacional e maquinaria antiga. A visita complétase cun percorrido por espazos emblemáticos como a lonxa e o porto. Os actos do centenario culminarán coas XXVIII Xornadas Técnicas de Difusión do Sector Pesqueiro, un referente anual do sector.
Este evento anual destaca pola súa coidada selección musical e por ofrecer unha experiencia única na localidade lucense de Vilalba. Tras o éxito da pasada edición, que superou os 6.000 asistentes e contou con actuacións destacadas como as de Iván Ferreiro, Dorian e El Columpio Asesino, o FIV segue apostando por grandes nomes do indie nacional. As primeiras confirmacións do cartel serán anunciadas nas vindeiras semanas, mantendo a emoción e as expectativas para esta nova cita.
Nesta actuación, que serve de antesala para conmemorar o 25N, Día Internacional da Eliminación da Violencia contra a Muller, a coñecida maga realiza unha defensa da igualdade a través da maxia. O espectáculo é para todos os públicos e celebrarase na Casa dá Cultura de Cariño a partir das 18:30 horas. Conta con entrada libre e gratuíta ata completar aforo, polo que todos os interesados poderán acudir sen ter que realizar unha reserva previa.
Foi recibido no Concello polo alcalde, Dani Vega quen explicou que “dentro das visitas que estamos tendo en Ribadeo, recibimos ao Comandante Naval da Coruña e de Ferrol, o capitán de Fragata Javier García, que nos expuxo todo o tipo de propostas e de colaboracións que vamos ter con eles. E desde logo parécenos unha proposta interesante para tamén ter unha relación cos institutos, cos centros educativos e tamén co traballo que realiza en toda esta zona, desde Ribadeo ata A Coruña”. Vega engadiu: “nosoutros dentro da colaboración que estamos tendo con todas as administracións, creo que é positivo seguir nesta liña”.
