LUGO .- O Deputado de Recursos Humanos, Formación e Réxime Interior, Melchor Roel, presentou este mércores o Curso para o desenvolvemento da xestión local dirixido a Alcaldes/as, Concelleiros/as e Deputados/as provinciais, que se desenvolverá do 14 de setembro ó 16 de decembro. Melchor Roel afirmou que “o obxectivo desta iniciativa é facilitar ós cargos electos os coñecementos necesarios para que poidan levar a cabo unha xestión eficaz na súa alcaldía ou concellería, o que redundará, sen dúbida, en beneficio dos veciños”.
Melchor Roel sinalou que habitualmente “incidimos na formación dos empregados públicos para que se adapten á nova lexislación co obxectivo de mellorar ó servizo ós cidadáns, pero con esta nova actividade o que pretendemos é que os que saímos elexidos polos veciños esteamos o mellor formados posible para a xestión municipal”.
Segundo o responsable provincial, “todos os que nos presentamos a unhas eleccións facémolo para defender, coa maior honestidade posible, unha forma de xestionar a sociedade e de entender ideoloxicamente como deben ser os nosos Concellos, pero se ademais estamos formados, darase un grande paso adiante”.
Urbanismo e economía
O Deputado avanzou que o curso, organizado dentro da programación formativa do organismo provincial coa colaboración coa Escola para as Adminsitracións Públicas de Caixanova, abordará cuestións tan importantes para os municipios como a súa xestión económico-financieira,“algo fundamental, tendo en conta a situación financieira que atravesan os Concellos”. Segundo apuntou, “é necesario que os responsbles locais, independentemente da área que xestionen, adquiran os coñecementos básicos para entender de forma integral o presuposto ou as distintas ferramentas que hai para acadar o financiamento de proxectos públicos”.
Outro dos contidos destados polo responsable provincial de Formación é o relativo ó urbanismo e á xestión do territorio. “Neste caso, é necesario que os responsables políticos coñezan, por exemplo, as novidades e oportunidades da nova Lei do Solo ou as liñas necesarias para que o desenvolvemento urbanístico local sexa sostible”.
7 módulos
O curso está dividido en 7 módulos. Ademais dos de urbanismo e xestión económico-financieira, tamén se inclúen os seguintes:
– Gobernanza local: ten por obxectivo que os cargos electos coñezan de forma minuciosa os piares do sistema democrático municipal.
– Habilidades persoais e directivas para a dirección de equipos e persoas: estudaranse cuestións como a xestión efectiva do tempo ou do talento dos recursos humanos.
– Estratexia e organización aplicada na xestión local: os participanets analizarán e definirán a estratexia da súa concellería e do conxunto de concellerías que forman a Entidade Local .
– Comunicación e mercadotecnia dos servizos públicos: abordaranse cuestións como a creación dunha marca-concello ou a comunicación efectiva ó cidadán.
– Xestión pública de calidade: incidirá na planificación, implantación e control de calidade na prestación dos servizos así como das novas tecnoloxías aplicadas ó sector público.
Prazo de solicitude
O curso, de 112 horas, conta con 30 prazas. Os interesados poderán presentar a súa solicitude ata o 3 de setembo, un prazo que se ampliará ata o 12 dese mes no caso de que non se cubran todas as prazas no prazo inicial. As inscricións faranse por estricto orde de entrada no rexistro da Deputación.
A bases e o modelo de solicitude están colgados na páxina web da Deputación (www.deputacionlugo.org), no apartado adicado á Formación, que está incluído en “Areas de actuación” e “Recursos Humanos, Formación e Réxime Interior”.
Reclamaron unha xuntanza urxente para abordar a situación da fábrica e maior implicación dos goberntos estatal e autonómico.
Os seus editores, Carlos Baliñas Pérez (USC) e Carlos Andrés González Paz (IEGPS), acompañados pola directora do Museo Provincial de Lugo, Aurelia Balseiro, explicaron o contido do libro, que constitúe unha revisión diacrónica da traxectoria histórica da vila de Castro d’Ouro desde a Idade do Ferro ata finais do Antigo Réxime e que reúne os relatorios presentados por expertos de recoñecida traxectoria investigadora durante as “Xornadas de Estudos Históricos”, (2 e 3 de outubro de 2020, centro sociocultural de Alfoz), con motivo do octinxentésimo aniversario da vila de Castro d´Ouro (1220-2020).
Esta familia naceu arredor de cinco irmáns: Paco, Esperanza, Toñito, Juan José (Sé) e Joaquín. Tocoulles vivir tempos difíciles na xuventude, véndose obrigados algúns deles a emigrar. Na reunión estiveron presentes os tres que se ven na foto: Esperanza, Sé e Joaquín, xunto con fillos, sobriños, etc. Unha reunión entrañable, porque había bastante tempo que a familia non se reunía.
Aproveitouse despois para ver o partido entre Almería e Dépor lembrando "as peñas irmáns que hai polo territorio estatal". A peña burelá agarda repetir nova cita antes do remate da actual tempada coa intención de celebrar éxitos dos distintos equipos que compoñen a estrutura do RC Deportivo.
A Garda Civil imputa en calidade de investigada a unha veciña de San Miguel de Reinante de 38 anos de idade como suposta autora dun delito de simulación de delito. A persoa investigada denuncio en dependencias oficiais dous cargos indebidos na súa conta bancaria. Iniciouse entón unha investigación policial comprobando documentalmente que os cargos se corresponden con dúas cotas dun préstamo ao consumo contratado pola investigada e ingresado na súa propia conta. Supostamente a persoa investigada pretendía que a entidade bancaria devolvéselle os importes das cotas domiciliadas tras formular a denuncia ante a Garda Civil. As dilixencias policiais foron remitidas á Autoridade Xudicial
Destacou a súa importancia para preservar a memoria histórica e recoñecer o esforzo das xeracións que converteron o porto de Celeiro nun referente pesqueiro. Puxo en valor o rico patrimonio mariñeiro e cultural da Mariña, facendo fincapé “que esta exposición é unha oportunidade para recoñecer o esforzo e a dedicación das persoas que ao longo de cen anos contribuíron ao crecemento e consolidación do porto celeirense”. A mostra, situada na sede da confraría, inclúe maquetas de barcos, fotografías, vídeos históricos, pinturas dos patróns maiores e obxectos singulares como a acta fundacional e maquinaria antiga. A visita complétase cun percorrido por espazos emblemáticos como a lonxa e o porto. Os actos do centenario culminarán coas XXVIII Xornadas Técnicas de Difusión do Sector Pesqueiro, un referente anual do sector.
Este evento anual destaca pola súa coidada selección musical e por ofrecer unha experiencia única na localidade lucense de Vilalba. Tras o éxito da pasada edición, que superou os 6.000 asistentes e contou con actuacións destacadas como as de Iván Ferreiro, Dorian e El Columpio Asesino, o FIV segue apostando por grandes nomes do indie nacional. As primeiras confirmacións do cartel serán anunciadas nas vindeiras semanas, mantendo a emoción e as expectativas para esta nova cita.
