Lourenzá, 14 de agosto de 2014. O BNG de Lourenzá decidiu presentar este xoves durante o pleno da corporación unha moción polo procedemento de urxencia na que esixiu se depuraran todas aquelas responsabilidades políticas existentes na xestión do proxecto denominado como “Museo e Centro de Interpretación da Cultura dos Pazos Galegos”. Deste xeito o BNG de Lourenzá esixiu a dimisión dos cargos políticos implicados no proxecto.
Un cúmulo de incongruencias de principio a fin
Na opinión dos nacionalistas laurentinos a polémica que rodea este proxecto xa se remonta á propia adxudicación da redacción do mesmo e á adxudicación da dirección de obra, resolta a favor dunha técnico casualmente filla do concelleiro de obras de Lourenzá á vez que se preguntan como puido ser posíbel que no proceso de selección e adxudicación non tiveran máis peso factores como o prezo, ou sobre todo a experiencia previa neste tipo de obras, pois compre recordar que o Pazo de Tovar está catalogado como BIC (Ben de Interese Cultural).
Despois de seren xa rexeitadas polo AGADER as alegacións presentadas por parte do concello, iníciase agora un proceso xudicial que non pode garantir o éxito para o noso concello tendo en conta os artigos do Regulamento da Lei de Subvencións de Galiza (RLSG) que constituen o marco legal de referencia para este caso. Os erros cometidos na xestión, tanto administrativa como técnica do proxecto, xa implican, no mellor dos casos a perda de 6.000 € que o concello irremediablemente terá que asumir con fondos propios, iso sin contar cos gastos que se podan derivar do proceso xudicial aberto.
Segundo o concelleiro e portavoz do BNG local, César Docampo: “Cronolóxicamente resulta imcomprensibel como unha obra que tiña o prazo límite no 30 de xuño do 2013, e do que posteriormente se pediu unha prórroga ate o 31 de xullo do 2013, que foi concedida, poda estar sen concluir na súa totalidade na data do 22 de novembro do 2013, que é cando se realizou a visita final de control de investimento, a cal repercutiu na apertura do expediente de “Declaración da perda do dereito ao cobramento” por parte do AGADER. Resulta ademáis de todo sorprendente que nin a dirección de obra nin o propio promotor da mesma, isto é, o concello de Lourenzá, advertisen por exemplo na falla dos carteis, un aspecto inacabado cando estes figuraban expresa e literalmente no proxecto que nun principio o AGADER decidiu finanzar”.
O BNG esixe que sexan os responsábeis políticos os que asuman economicamente a perda da subvención.
Do mesmo xeito o BNG esixiu que sexan os políticos responsábeis da posíbel perda da subvención os que asuman economicamente a perda total ou parcial desta subvención de 98.000 euros ao quedar suficientemente demostrado que esta se produciu pola deixadez das súas obrigas como cargos electos e asalariados deste concello.
O goberno local tenta amordazar ao BNG convertendo un pleno ordinario en extraordinario para impedir o debate dun asunto do que non queren falar.
Os dirixentes do PP de Lourenzá volveron empregar a súa maioría absoluta para evitar o debate deste asunto, convertendo o que debía ser un pleno ordinario nun extraordinario que imposibilita a presentación de iniciativas á oposición, nesta ocasión para impedir o debate sobre un tema no que teñen graves responsabilidades. Unha vez máis a alcaldesa e o seu grupo gobernan o concello a modo de semi deuses aos que non se lles pode pedir explicación de ningún tipo, e propiciando desta maneira que calquera político de turno empregue o concello e os seus recursos como “cortijo” persoal dos seus desexos caprichosos ou mesmo como escola de luxo para as prácticas dos seus fillos e familiares.
Tras superar a primeira rolda deste luns na que participaron 31 asociacións, este martes loitará polo título á Mellor Tapa/Pincho de España.
Nado en Barakaldo mais vivindo en Vilgarcía desde hai moitos anos, o artista era tamén o autor das famosas Marías da alameda de Compostela.
Esta iniciativa, deseñada para todas as idades pero especialmente dirixida ás persoas maiores, comezará o 1 de febreiro en Baleo e desenvolverase os sábados en horario de 18:00 a 21:00, ofrecendo un espazo de encontro e diversión para toda a comunidade.
O operativo policial iniciouse o pasado sábado cando, tras levar a cabo a identificación do presunto autor por unha requisitoria xudicial en vigor de detención, comparecencia e ingreso en centro penal por un delito polo que fora condenado con anterioridade, procedeuse á aprehensión duns 200 gramos de suposta cocaína, uns 700 gramos de suposto haxix, unha báscula de precisión e uns plásticos utilizados para a confección de envoltorios para distribución e venda polo miúdo de substancias estupefacientes. As dilixencias policiais foron postas ao dispor do Xulgado de Instrución nº 1 de Mondoñedo e a persoa detida ingresou no centro penal de Bonxe.
Sábado moi animado no local social de Lieiro da man do Dúo Dilema que portagonizaron un novo Guateque de Arruguiñas coa colaboración da asociación de veciños Nosa Señora de Lieiro.
Sucedeu ás 06:30 horas deste domingo na Avenida de Arcadio Pardiñas, o forte vento desprendeu varias chapas dun tellado que acabaron sobre as vías do tren, facéndoas intransitables. A circulación ferroviaria foi interrompida no tramo afectado, aínda que non estaba prevista ningunha circulación ata máis avanzada a mañá. Para atender esta emerxencia, desde o 112 Galicia mobilizáronse os Bombeiros de Barreiros, a Garda Civil, a Policía Local e os efectivos de Protección.
Con motivo desta celebración, acercáronse ao seu domicilio a alcaldesa, Efigenia Maseda, acompañada polo Concelleiro de Educación, Igualdade e Participación, Eliseo Lorenzo, como representantes do Concello, para agasallala cunha placa e un ramo de flores. A alcaldesa afirma que “é un privilexio ter no noso concello persoas con tanta experiencia na vida”. Dende o Concello de Alfoz, desexámoslle que goce dun moi feliz aniversario.
