A deputada do BNG no Congreso, Rosana Pérez, presentou este luns na Cámara Baixa unha proposición non de lei e unha iniciativa parlamentar para instar á Ministra de Fomento a instalar dispositivos anti-néboa tecnoloxicamente máis avanzados na autovía A-8, entre os municipios de Mondoñedo e Abadín onde se produciu o sábado pasado un terríbel accidente de tráfico.
A deputada do BNG demanda da Ana Pastor que se instalen canto antes fórmulas técnicas que permitan a visibilidade nunha zona caracterizada por constantes e persistentes néboas que impiden ou dificultan a condución, e que constitúe un serio risco para as vidas de condutores. Asemade, Rosana Pérez empraza a Fomento a extremar a vixianza e o control no tramo da A-8, onde apenas nuns meses se rexistraron varios accidentes como o acontecido o sábado 26 de xullo no que se viron implicados 35 vehículos, houbo que lamentar a morte dunha muller e se produciron 49 feridos.
E nun terceiro punto da proposición non de lei, a deputada nacionalista plantexa que “en atención a este problema, e a fin de ofrecer unha alternativa segura aos condutores e condutoras, se aprobe un plan de mellora de estradas estatais como a N-634 e a N-642 ao seu paso pola comarca de A Mariña”.
Fomento ten que procurar unha solución segura e efectiva ante un problema estructural
Rosana Pérez recolle nas súas iniciativas parlamentares os dados sobre o espectacular accidente do sábado pasado á altura de O Alto do Fiouco. “A espesa néboa que envolvía a zona parece ter sido a causa do choque en cadea no que decenas de vehículos quedaron atrapados”. A deputada do BNG pon de manifesto que no se trata dun problema ocasional ou imprevisto, “é unha zona caracterizada por habituais bancos de néboa cuxa espesura pode chegar a anular por completo a visibilidade”.
De feito, moitos condutores sinalaron que a falla de visibilidade era tal que nin sequera se percibían as luces especiais para a néboa situadas por Fomento sobre a bionda. Para Rosana Pérez “isto é a proba de que esas balizas son insuficientes para afrontar un problema que é estrutural”.
De feito, subliña que este tramo foi inaugurado en febreiro pasado e xa aos dous meses se producía o primeiro accidente de tráfico con implicación de vehículos pesados. A deputada do BNG considera que “a gravidade da situación esixe por parte de Fomento unha solución definitiva a un problema de índole natural e consustancial ao lugar descrito. Por eso, coidamos que Fomento debe estudar outro tipo de dispositivos anti néboa máis avanzados tecnoloxicamente e que melloren a visibilidade e a seguridade”.
Para a deputada do BNG a solución non pode ser a de someter a A-8 a continuos corte de tráfico porque unha “das súas razóns de existir é a de ter sido configurada como alternativa a outra perigosa estrada, a N-634. A N-634, lembra, está chea de puntos negros e deficiencias, “entón, é obrigar aos condutores a escoller entre unha estrada estatal deficiente e unha A-8 perigosa por ter bancos de néboa espesa”.
“Se o futuro da A-8 vai consistir en continuos cortes de tráfico que volven a situar aos usuarios na N-634, habería que concluír cal é a súa utilidade porque se investiu carto público nunha autovía que debe poder ser utilizada sen problema”.
Estivo enmarcado dentro dos actos do 25N. Tamén foi unha xornada na que crearon e tiraron de imaxinación co violeta como protagonista, cor símbolo da loita contra a violencia de xénero.
O presunto autor arrincou supostamente o toldo exterior dun establecemento comercial situado neste termo municipal na madrugada do 31 de agosto. A persoa investigada e as dilixencias policiais foron remitidas á Autoridade Xudicial.
Previamente traballou no Hospital de Burela. Beatriz, ainda que orixinaria da Coruña asentouse na Mariña cando veu a traballar a Burela, onde formou a sua familia e onde finalmente se xubilou. A cea foi no Hotel restaurante Nordés, á que asistiron 60 persoas. Recibiu agasallos nos que participaron máis de 100 persoas que coincidiron con ela na Residencia de Maiores de Burela. Deixa unha enorme pegada pola sua labor profesional e humana.
A A.C. Francisco Lanza organiza este venres, 29 de novembro ás 20.30h, na Casa do Viejo Pancho, unha charla coloquio sobre a situación dos medios de comunicación e as relacións destes co poder. Estará impartida por Luis Álvarez Pousa, director da revista "Tempos Novos" e profesor na Facultade de Ciencias da Comunicación da USC. Presentará o acto, Farruco Graña, presidente da ACFL.
Na súa representación estivo o seu Presidente, José Veiga, apoiado pola Alcaldesa, María Loureiro, compañeiros da Xunta de Confrarías e Monseñor Fernando García Cadiñanos, Bispo de Mondoñedo-Ferrol que á súa vez contaba coa compañía do Párroco D. Xosé Ramón Escourido Basanta.
Reclamaron unha xuntanza urxente para abordar a situación da fábrica e maior implicación dos goberntos estatal e autonómico.
Os seus editores, Carlos Baliñas Pérez (USC) e Carlos Andrés González Paz (IEGPS), acompañados pola directora do Museo Provincial de Lugo, Aurelia Balseiro, explicaron o contido do libro, que constitúe unha revisión diacrónica da traxectoria histórica da vila de Castro d’Ouro desde a Idade do Ferro ata finais do Antigo Réxime e que reúne os relatorios presentados por expertos de recoñecida traxectoria investigadora durante as “Xornadas de Estudos Históricos”, (2 e 3 de outubro de 2020, centro sociocultural de Alfoz), con motivo do octinxentésimo aniversario da vila de Castro d´Ouro (1220-2020).
