CERVO .- O Partido Popular insiste en recalcar e documenta que o BNG non apoiou a súa proposta de apertura do dique norte do porto de Alcoa, en novembro do ano pasado no Congreso dos Deputados. Os populares pedían que se incluíse “nos orzamentos xerais do Estado de 300.000 euros destinados ao proxecto de apertura ao tráfico xeral desta infraestrutura”.
Nota de Prensa
Jose Manuel Balseiro Orol
Deputado autonómico
Grupo Parlamentario Popular (PPdeG)
NOTA DE PRENSA
Os populares emprazan a que “esta vez si” os deputados e senadores nacionalistas apoien a emenda do Grupo Parlamentario Popular nas Cortes xerais a través da que reclamarán que no 2009 lévese adiante esta actuación
O PP ACREDITA QUE O BNG REXEITOU, FAI MENOS DUN ANO, A APERTURA DO DIQUE NORTE DE ALCOA
O 8 de novembro de 2007 o Bloque Nacionalista Galego non apoiou unha iniciativa do Grupo Parlamentario Popular no Congreso dos Deputados na que se reclamaba a inclusión nos orzamentos xerais do Estado de 300.000 euros destinados ao proxecto de apertura ao tráfico xeral desta infraestrutura.
A Mariña, 04 de setembro de 2008.- O Partido Popular da Mariña vén de acreditar que o Bloque Nacionalista Galego fai menos dun ano rexeitou a posibilidade de abrir o dique norte de Alcoa. Máis en concreto, o 8 de novembro de 2007 someteuse a votación de todos os deputados na Comisión de Orzamentos do Congreso unha emenda do Grupo Parlamentario Popular a través da que se reclamaba a inclusión nas contas estatais de 300.000 euros que serían destinados ao proxecto para a “apertura ao tráfico xeral do dique norte de Alcoa” e “actuacións para a súa adaptación ao tráfico comercial” (sic.). O Partido Popular quedouse só defendendo esta iniciativa xa que ningún Grupo Parlamentario, tampouco os deputados nacionalistas galegos, apoiaron a emenda.
Desde o PPdeG subliñan a maiores a importancia do veto do Bloque Nacionalista Galego a esta emenda dos populares xa que, na lexislatura pasada, o apoio aos orzamentos xerais por parte do BNG “foi decisivo para que as contas de Zapatero saíran adiante”. En consecuencia, “se o BNG tivera a vontade de facelo, podería ter obrigado ao Goberno socialista de Madrid a incluír dentro das súas propostas de actuación a apertura do dique norte de Alcoa. “Pero claro, por entón, as reivindicacións dos cidadáns desta comarca non eran prioritarias e o BNG non tivo problema en pregarse aos intereses do PSOE”
Finalmente, dende o PP lembran que o BNG tamén foi decisivo á hora de impedir a reprobación da Ministra de Fomento, Magdalena Álvarez. O seu Ministerio é o organismo competente para levar adiante a apertura ao tráfico xeral do dique norte que, na actualidade, infrautiliza a empresa ALCOA ao dedicalo única e exclusivamente ao abrigo de embarcacións. “Unha vez máis o BNG puido esixir esta apertura, e unha vez máis considerou que non era preferente”
O BNG DIXO NON NO PARLAMENTO DE GALICIA
Algo similar aconteceu no Parlamento de Galicia onde os votos conxuntos do PSOE e máis do BNG impediron que prosperara unha proposición non de lei do Grupo Parlamentario Popular -a instancia do deputado autonómico José Manuel Balseiro- na que reclamaban a inclusión dentro das actuacións do Plan de Reequilibrio Territorial de Galicia da apertura do dique norte de Alcoa. Socialistas e nacionalistas rexeitaron a petición do PPdeG impedindo que saíra aprobada . Tal circunstancia aconteceu no seo da Comisión 3ª, de Economía, Facenda e Orzamentos da Cámara galega, celebrada o 21 de febreiro de 2007.
Se ben é certo que, con posterioridade a esta data, o 16 de abril de 2008, todas as forzas políticas no Parlamento de Galicia votaron unanimemente en favor dunha proposición non de lei do Grupo Popular pola que se instaba á Xunta de Galicia a que apoiara diante do Goberno central o inicio das negociacións oportunas co Grupo Alcoa para abrir ao tráfico comercial xeral o porto comercial de San Cibrao. Mais a pesar disto, a petición do PPdeG nun inicio era moito máis ambiciosa, reclamaban a inclusión dunha partida orzamentaria específica nas contas estatais e a propia creación da autoridade portuaria de Lugo “única provincia con mar en toda España”. Extremos aos que o BNG e o PSOE se opuxeron. Loxicamente o PPdeG “coa vontade de chegar a un consenso, e que fora posible acadar un acordo unánime, aceptou manter a primeira das peticións: lograr a apertura ao tráfico xeral deste porto mariñán”.
EMPRAZAN AO BNG A VOTAR A FAVOR DA EMENDA DO PP
En todo caso desde o Partido Popular insisten en felicitarse porque o BNG teña agora rectificado a súa posición actual e, finalmente, amósese disposta a condicionar o seu apoio aos orzamentos do Estado á inclusión deste proxecto. O PP vaia aínda máis lonxe e empraza aos deputados e senadores da formación nacionalista a apoiar a emenda que o Grupo Parlamentario presentará para incluír este proxecto nas contas estatais de 2009. “Deste xeito garantirase que exista diñeiro suficiente para levar adiante esta apertura xa o ano que ven. Chegou a hora de que pasen das palabras aos feitos”
Anexo documental:
5 de novembro de 2007
Boletín Oficial das Cortes Xerais- Congreso dos Deputados
Serie A. Núm 149-7 (Páxina 1564)
Emenda Número 2.826
O Grupo Parlamentario Popular do Congreso propón unha emenda aos Orzamentos Xerais do Estado para que se inclúa unha partida destinada ao proxecto de apertura ao tráfico do dique norte de Alcoa, así como para sufragas as actuacións necesarias para a súa adaptación ao tráfico en xeral.
Importe 300.000 euros.
O 8 de novembro de 2007 esta emenda non prospera ao obter unicamente o apoio do Grupo Popular. O BNG rexeita polo tanto a posibilidade de levar adiante este proxecto.
21 de febreiro de 2008
Boletín Oficial do Parlamento de Galicia
(Páxina 75951)
O Parlamento de Galicia defende unha proposición non de lei no Parlamento de Galicia para que, nas previsións contidas no Plan de Reequilibrio Territorial de Galicia se incorpore a apertura do dique norte de Alcoa ao tráfico xeral
A iniciativa foi rexeitada cos votos en contra do bipartito.
16 de abril de 2008
Boletín Oficial do Parlamento de Galicia
(Páxina 78116)
O Parlamento de Galicia aproba unha proposición non de lei do Grupo Parlamentario Popular co seguinte contido:
O Parlamento de Galicia insta á Xunta de Galicia a que apoie expresamente diante do Goberno central o inicio das negociacións oportunas co Grupo Alcoa para abrir ao tráfico comercial xeral o porto comercial de San Cibrao.
O acordo final modifica en aras do consenso e a unanimidade a petición do PPdeG que era moito máis ambiciosa ao reclamar:
Que se consignara unha partida específica nos orzamentos de 2008 para facer fronte ás obras necesarias
Que se desenvolveran as xestións oportunas diante das institucións competentes para crear a autoridade Portuaria de Lugo, única provincia sen autoridade portuaria propia
Esta familia naceu arredor de cinco irmáns: Paco, Esperanza, Toñito, Juan José (Sé) e Joaquín. Tocoulles vivir tempos difíciles na xuventude, véndose obrigados algúns deles a emigrar. Na reunión estiveron presentes os tres que se ven na foto: Esperanza, Sé e Joaquín, xunto con fillos, sobriños, etc. Unha reunión entrañable, porque había bastante tempo que a familia non se reunía.
A Garda Civil imputa en calidade de investigada a unha veciña de San Miguel de Reinante de 38 anos de idade como suposta autora dun delito de simulación de delito. A persoa investigada denuncio en dependencias oficiais dous cargos indebidos na súa conta bancaria. Iniciouse entón unha investigación policial comprobando documentalmente que os cargos se corresponden con dúas cotas dun préstamo ao consumo contratado pola investigada e ingresado na súa propia conta. Supostamente a persoa investigada pretendía que a entidade bancaria devolvéselle os importes das cotas domiciliadas tras formular a denuncia ante a Garda Civil. As dilixencias policiais foron remitidas á Autoridade Xudicial
Aproveitouse despois para ver o partido entre Almería e Dépor lembrando "as peñas irmáns que hai polo territorio estatal". A peña burelá agarda repetir nova cita antes do remate da actual tempada coa intención de celebrar éxitos dos distintos equipos que compoñen a estrutura do RC Deportivo.
Destacou a súa importancia para preservar a memoria histórica e recoñecer o esforzo das xeracións que converteron o porto de Celeiro nun referente pesqueiro. Puxo en valor o rico patrimonio mariñeiro e cultural da Mariña, facendo fincapé “que esta exposición é unha oportunidade para recoñecer o esforzo e a dedicación das persoas que ao longo de cen anos contribuíron ao crecemento e consolidación do porto celeirense”. A mostra, situada na sede da confraría, inclúe maquetas de barcos, fotografías, vídeos históricos, pinturas dos patróns maiores e obxectos singulares como a acta fundacional e maquinaria antiga. A visita complétase cun percorrido por espazos emblemáticos como a lonxa e o porto. Os actos do centenario culminarán coas XXVIII Xornadas Técnicas de Difusión do Sector Pesqueiro, un referente anual do sector.
Este evento anual destaca pola súa coidada selección musical e por ofrecer unha experiencia única na localidade lucense de Vilalba. Tras o éxito da pasada edición, que superou os 6.000 asistentes e contou con actuacións destacadas como as de Iván Ferreiro, Dorian e El Columpio Asesino, o FIV segue apostando por grandes nomes do indie nacional. As primeiras confirmacións do cartel serán anunciadas nas vindeiras semanas, mantendo a emoción e as expectativas para esta nova cita.
Nesta actuación, que serve de antesala para conmemorar o 25N, Día Internacional da Eliminación da Violencia contra a Muller, a coñecida maga realiza unha defensa da igualdade a través da maxia. O espectáculo é para todos os públicos e celebrarase na Casa dá Cultura de Cariño a partir das 18:30 horas. Conta con entrada libre e gratuíta ata completar aforo, polo que todos os interesados poderán acudir sen ter que realizar unha reserva previa.
Foi recibido no Concello polo alcalde, Dani Vega quen explicou que “dentro das visitas que estamos tendo en Ribadeo, recibimos ao Comandante Naval da Coruña e de Ferrol, o capitán de Fragata Javier García, que nos expuxo todo o tipo de propostas e de colaboracións que vamos ter con eles. E desde logo parécenos unha proposta interesante para tamén ter unha relación cos institutos, cos centros educativos e tamén co traballo que realiza en toda esta zona, desde Ribadeo ata A Coruña”. Vega engadiu: “nosoutros dentro da colaboración que estamos tendo con todas as administracións, creo que é positivo seguir nesta liña”.
