BURELA (FNC) .- A concelleira de Cultura, Neves Cando, presentou esta mañá a axenda cultural para este verán que inclúe música, arte e diferentes actividades para os máis novos. Unha ampla oferta que arrinca esta fin de semana.
A edil nacionalista explicou que “comezamos este venres día 17 coa programación cultural cunha nova aposta pola actuación na rúa e ao aire libre, trátase de disfrutar da maxia a cargo de Cristian Magic ás 17.30 horas na Praia urbana de O Portelo porque queremos achegar a maxia aos máis pequenos e ao público en xeral no entorno por excelencia do verán como é a praia. Ésta non será a única actuación ao aire libre dirixida ao público máis novo porque o venres día 31 de xullo contaremos cunha mostra do Novo Circo Galego a cargo de Peter Pank ás sete da tarde na praza da Mariña e xa en agosto, teremos tres novas citas, o mércores 12 malabares e humor con Roi Sixto ás sete da tarde tamén na praza da Mariña, o venres 21 circo con manualidades ás sete e o venres 28 o Circo de Siganí e compañía á mesma hora e no mesmo lugar”. Cando engadiu que “remataremos este ciclo para os máis pequenos o venres 11 de setembro ás sete da tarde na praza da Mariña con Ringo Rango de Pistacatro Productora e por último, para os máis pequenos temos unha novidade este ano que vai ser unha sesión de cinema na Caixiña de Mistos sobre rodas: As mellores películas que trata de promover o cinema entre os máis novos nun proxecto itinerante que percorre a xeografía galega. Non se trata só de ver unha película senón de potenciar o seu valor didáctico e lúdico a través do soporte do cinema que invita a soñar e a través de diferentes actividades que se van a desenvolver mentres que os nenos e nenas esperan á súa vez para entrar na caixiña de mistos. Esta cita será o martes 4 de agosto durante todo o día de 11:00 a 13:00 e de 16:00 a 21:00 na praia urbana de Burela”.
Adultos
A responsable de cultura anunciou que “para o público adulto a oferta cultural é basicamente musical pero variada e de bastante calidade. Comezamos este sábado 18 co concerto de Alejandro Vargas Trío Oriental ás 21:00 da noite no auditorio da Casa de Cultura. O prestixioso pianista cubano ofrecerá unha clase maxistral como remate do Seminario de Jazz que se está a celebrar en Burela e pola noite dará un concerto co seu grupo. Alejandro Vargas é un dos pianistas, compositores e intérpretes de jazz máis sobresaíntes da nova xeración de músicos cubanos e presentará aquí en Burela o seu disco Trapiche que mestura motivos tradicionais con solucións máis frescas”. Neves Cando segue a relatar que “o venres 31 de xullo, cambiando de ritmos, teremos unha cita, por xentileza de Caixanova coa Orquestra Sinfónica de Acordeóns de Bilbao ás 21.30 da noite. A orquestra, que é unha das mellores de Europa no seu xénero, deleitaranos cos seus máis de 20 acordeonistas con música de tódolos estilos e épocas. Por último remataremos o verán cultural con dúas actuacións ben distintas, a primeira delas será o venres 7 de agosto coa Mostra Folclórica Internacional que este ano nos acercará música de Rusia e da India e o venres 18 de setembro teremos a estrea oficial da Coral da Residencia de Maiores do noso pobo”.
Exposicións
Neves Cando anunciou que “completaremos a oferta cultural coas exposicións na nosa Sala de Arte. A primeira delas está adicada á Historia Fotográfica da Sociedade Deportiva de Burela e presentaremos tamén a 19ª edición de Galicia en foco. O fotoxornalismo galego. En agosto, poderemos gozar da escultura de Juan Vila e dos gravados do Museo Provincial de Lugo e remataremos en setembro con debuxo e pintura da ANPA do Colexio Virxe do Carme”.
Esta familia naceu arredor de cinco irmáns: Paco, Esperanza, Toñito, Juan José (Sé) e Joaquín. Tocoulles vivir tempos difíciles na xuventude, véndose obrigados algúns deles a emigrar. Na reunión estiveron presentes os tres que se ven na foto: Esperanza, Sé e Joaquín, xunto con fillos, sobriños, etc. Unha reunión entrañable, porque había bastante tempo que a familia non se reunía.
Aproveitouse despois para ver o partido entre Almería e Dépor lembrando "as peñas irmáns que hai polo territorio estatal". A peña burelá agarda repetir nova cita antes do remate da actual tempada coa intención de celebrar éxitos dos distintos equipos que compoñen a estrutura do RC Deportivo.
A Garda Civil imputa en calidade de investigada a unha veciña de San Miguel de Reinante de 38 anos de idade como suposta autora dun delito de simulación de delito. A persoa investigada denuncio en dependencias oficiais dous cargos indebidos na súa conta bancaria. Iniciouse entón unha investigación policial comprobando documentalmente que os cargos se corresponden con dúas cotas dun préstamo ao consumo contratado pola investigada e ingresado na súa propia conta. Supostamente a persoa investigada pretendía que a entidade bancaria devolvéselle os importes das cotas domiciliadas tras formular a denuncia ante a Garda Civil. As dilixencias policiais foron remitidas á Autoridade Xudicial
Destacou a súa importancia para preservar a memoria histórica e recoñecer o esforzo das xeracións que converteron o porto de Celeiro nun referente pesqueiro. Puxo en valor o rico patrimonio mariñeiro e cultural da Mariña, facendo fincapé “que esta exposición é unha oportunidade para recoñecer o esforzo e a dedicación das persoas que ao longo de cen anos contribuíron ao crecemento e consolidación do porto celeirense”. A mostra, situada na sede da confraría, inclúe maquetas de barcos, fotografías, vídeos históricos, pinturas dos patróns maiores e obxectos singulares como a acta fundacional e maquinaria antiga. A visita complétase cun percorrido por espazos emblemáticos como a lonxa e o porto. Os actos do centenario culminarán coas XXVIII Xornadas Técnicas de Difusión do Sector Pesqueiro, un referente anual do sector.
Este evento anual destaca pola súa coidada selección musical e por ofrecer unha experiencia única na localidade lucense de Vilalba. Tras o éxito da pasada edición, que superou os 6.000 asistentes e contou con actuacións destacadas como as de Iván Ferreiro, Dorian e El Columpio Asesino, o FIV segue apostando por grandes nomes do indie nacional. As primeiras confirmacións do cartel serán anunciadas nas vindeiras semanas, mantendo a emoción e as expectativas para esta nova cita.
Nesta actuación, que serve de antesala para conmemorar o 25N, Día Internacional da Eliminación da Violencia contra a Muller, a coñecida maga realiza unha defensa da igualdade a través da maxia. O espectáculo é para todos os públicos e celebrarase na Casa dá Cultura de Cariño a partir das 18:30 horas. Conta con entrada libre e gratuíta ata completar aforo, polo que todos os interesados poderán acudir sen ter que realizar unha reserva previa.
Foi recibido no Concello polo alcalde, Dani Vega quen explicou que “dentro das visitas que estamos tendo en Ribadeo, recibimos ao Comandante Naval da Coruña e de Ferrol, o capitán de Fragata Javier García, que nos expuxo todo o tipo de propostas e de colaboracións que vamos ter con eles. E desde logo parécenos unha proposta interesante para tamén ter unha relación cos institutos, cos centros educativos e tamén co traballo que realiza en toda esta zona, desde Ribadeo ata A Coruña”. Vega engadiu: “nosoutros dentro da colaboración que estamos tendo con todas as administracións, creo que é positivo seguir nesta liña”.
