O Club Kayak de Foz obtivo a segunda praza na primeira regata provincial correspondente á Copa Deputación de Lugo 2014 disputada o sábado nas augas do Miño.
Dende o club destacan a “floxa participación de regatistas comparada con anos anteriores que se puido deber ó adianto das datas que coinciden coa época de estudos e que veñen precedidas de poucos adestramentos debido ás poucas horas de luz”.
Aínda así, o Club Kayak de Foz fíxose coa segundo posición grazas aos títulos dos seus regatistas: María Fernández, primeira en K-1 benxamín feminino de 1.500 metros; Iago García, Iván García e Isaac Menéndez, cuarto, quinto e oitavo na mesma categoría masculino; Anxo Balea, Francisco Rubio, Pablo López, Brais Martín e Santiago Pérez, primeiro, segundo, terceiro, sétimo e novena en K-1 alevín masculino de 1.500 metros; e Paola García e Lidia Menéndez, segunda e terceira en alevín feminino.
Así mesmo, na categoría alevín B Mateo Rivas e Enrique Valle fixéronse coa cuarta e quinta praza; mentres que Xoel García se proclamaba campión en infantil B de K-1 3000 metros. Na categoría A Juan Rivas, Alexis Navas, Noel García e Paco Andrey Fernández, alcanzaron a segunda, terceira, sexta e sétima praza do torneo.
En K-1 cadete (5000 metros), Jesús Alarcón e Mayra Alarcón fixéronse coa sexta e cuarta praza en masculino e feminino, respectivamente. E, en xuvenil, Javier Vila, Xoán García e Alberto Femenias chegaron á meta na sexta, sétima e oitava praza.
Entre os veteranos, Ángel Antonio Gómez marcou a oitava posición en K-1 5000 metros e, na categoría sénior, Ramón Lanzós e Ignacio Romillo remataron a proba na duodécima e décimo terceira posición.
Deste xeito, o Club Kayak de Foz fíxose coa segunda praza por clubs con 1829 puntos, por detrás do Club Fluvial de Lugo con 1875. Completa o podio o club Piragüismo de Lugo; mentres que pechan a clasificación outros tres clubs da Mariña: Club Piragüismo Viveiro, Club Deportivo San Ciprián e Club Piragüismo Altruan de Ribadeo.
*Foto: El blog de Thornado.
Na iniciativa participaron arredor de 500 rapaces e rapazas de secundaria de oito institutos da Mariña. Arias destacou a posibilidade que supuxo para o alumnado poder achegarse a esta modalidade deportiva e agradeceu “a colaboración continuada que prestan neste tipo de actividades”.
Celébranse ata o mércores no CFEA Pedro Murias. O programa inclúe tamén showcookings, presentacións e interesantes charlas como a ofrecida este martes sobre a posible produción de viño na Mariña.
Unha obra contemporánea orientada a público adulto. Venda de entradas: de luns a xoves, no teléfono 982560162, en horario, de 9 a 14,00 horas, ou no correo electrónico rbg.cultura@viveiro.es, e tamén na taquilla do teatro 1 hora antes da función.
Estivo enmarcado dentro dos actos do 25N. Tamén foi unha xornada na que crearon e tiraron de imaxinación co violeta como protagonista, cor símbolo da loita contra a violencia de xénero.
O presunto autor arrincou supostamente o toldo exterior dun establecemento comercial situado neste termo municipal na madrugada do 31 de agosto. A persoa investigada e as dilixencias policiais foron remitidas á Autoridade Xudicial.
Previamente traballou no Hospital de Burela. Beatriz, ainda que orixinaria da Coruña asentouse na Mariña cando veu a traballar a Burela, onde formou a sua familia e onde finalmente se xubilou. A cea foi no Hotel restaurante Nordés, á que asistiron 60 persoas. Recibiu agasallos nos que participaron máis de 100 persoas que coincidiron con ela na Residencia de Maiores de Burela. Deixa unha enorme pegada pola sua labor profesional e humana.
A A.C. Francisco Lanza organiza este venres, 29 de novembro ás 20.30h, na Casa do Viejo Pancho, unha charla coloquio sobre a situación dos medios de comunicación e as relacións destes co poder. Estará impartida por Luis Álvarez Pousa, director da revista "Tempos Novos" e profesor na Facultade de Ciencias da Comunicación da USC. Presentará o acto, Farruco Graña, presidente da ACFL.
