O Consello da Xunta aprobou este xoves o anteproxecto de lei de medidas urxentes que elaborou a Xunta ante a entrada en vigor da Lei de Racionalización e Sostenibilidade da Administración Local. Esta lei busca facilitar a aplicación da nova norma estatal e garantir a eficiente prestación dos servizos públicos, evitando dúbidas e disfuncións que prexudiquen aos cidadáns.
Ante as dúbidas de interpretación suscitadas pola lei estatal da Reforma Local, os propios concellos reclamaron nos últimos meses que se clarificasen determinados supostos. Con ese obxectivo, a Xunta axilizou a elaboración da súa norma, sendo Galicia a primeira Comunidade en adaptar legalmente as previsións da reforma local no marco das súas competencias.
Este texto foi presentado á Xunta de Voceiros da Fegamp o pasado 5 de marzo polo vicepresidente da Xunta, Alfonso Rueda, e neste tempo a Federación ncorporou algunhas modificacións para dar resposta directa aos problemas que están a atopar os concellos para aplicar a reforma local. Na súa reunión de onte, a comisión Executiva da FEGAMP aprobou o informe de maneira favorable.
Entre outros asuntos, o texto establece que as competencias atribuídas polas normas autonómicas vixentes -anteriores á entrada en vigor da Lei 27/2013- continuarán exercéndose polas entidades locais e rexéndose pola dita lexislación. Ademais, a lei presta especial atención á regulación das novas competencias, distintas das propias e das atribuídas por delegación.
Outro punto destacado é a regulación dos informes -de carácter vinculante- que terá que emitir a Comunidade para o exercicio das competencias sen título específico. O texto establece a documentación que debe presentarse, o procedemento e o prazo para a emisión dos informes, que será de tres meses, reducíndose á metade nos casos de urxencia. Faise referencia tamén á necesidade de novo informe nos casos de modificacións substanciais no exercicio das competencias.
Doutra banda, regúlase a cooperación e a colaboración mediante consorcios e convenios administrativos, que poderá comprender -entre outros extremos- a axuda financeira a unha das partes para o exercicio de actividades da súa competencia ou para o exercicio polas entidades locais de competencias distintas da s atribuídas como propias ou delegadas. Así mesmo, regúlase a adaptación á Lei 27/2013 dos convenios, acordos e demais instrumentos de cooperación xa subscritos.
Educación, saúde e servizos sociais
Por último, a lei de medidas urxentes regula a asunción pola Comunidade das competencias relativas á educación, saúde e servizos sociais. Estas continuarán prestándose polos municipios mentres non se dean as condicións previstas para o seu traspaso na normativa básica e o establecemento do novo sistema de financiamento autonómico e das facendas locais previsto nesta. En todo caso, será o Consello da Xunta o que regulará as condicións do correspondente traspaso de medios económicos, materiais e persoais.
Ademais, establécese que, tendo en conta o establecido no Pacto Local, a Comunidade asumirá de forma progresiva -nun vinte por cento anual e comezando neste mesmo ano 2014- a xestión dos servizos asociados á xestión da atención primaria da saúde.
Lei da Administración Local de Galicia
Tal e como recolle o texto, a aprobación desta lei de medidas urxentes faise sen prexuízo da necesidade de revisar a Lei da Administración Local de Galicia, derivada tanto da súa necesaria adaptación á normativa básica como ao resto da lexislación posterior e aos novos retos organizativos e funcionais que se presentan actualmente ás entidades locais.
Neste sentido, dentro do prazo de seis meses desde a entrada en vigor do novo sistema de financiamento autonómico e das facendas locais, o Goberno galego presentará ao Parlamento un anteproxecto de reforma da Lei da Administración Local de Galicia, para a actualización e adaptación da normativa autonómica vixente de réxime local, que integrará a regulación prevista na Lei de medidas urxentes.
Na iniciativa participaron arredor de 500 rapaces e rapazas de secundaria de oito institutos da Mariña. Arias destacou a posibilidade que supuxo para o alumnado poder achegarse a esta modalidade deportiva e agradeceu “a colaboración continuada que prestan neste tipo de actividades”.
Celébranse ata o mércores no CFEA Pedro Murias. O programa inclúe tamén showcookings, presentacións e interesantes charlas como a ofrecida este martes sobre a posible produción de viño na Mariña.
Unha obra contemporánea orientada a público adulto. Venda de entradas: de luns a xoves, no teléfono 982560162, en horario, de 9 a 14,00 horas, ou no correo electrónico rbg.cultura@viveiro.es, e tamén na taquilla do teatro 1 hora antes da función.
Estivo enmarcado dentro dos actos do 25N. Tamén foi unha xornada na que crearon e tiraron de imaxinación co violeta como protagonista, cor símbolo da loita contra a violencia de xénero.
O presunto autor arrincou supostamente o toldo exterior dun establecemento comercial situado neste termo municipal na madrugada do 31 de agosto. A persoa investigada e as dilixencias policiais foron remitidas á Autoridade Xudicial.
Previamente traballou no Hospital de Burela. Beatriz, ainda que orixinaria da Coruña asentouse na Mariña cando veu a traballar a Burela, onde formou a sua familia e onde finalmente se xubilou. A cea foi no Hotel restaurante Nordés, á que asistiron 60 persoas. Recibiu agasallos nos que participaron máis de 100 persoas que coincidiron con ela na Residencia de Maiores de Burela. Deixa unha enorme pegada pola sua labor profesional e humana.
A A.C. Francisco Lanza organiza este venres, 29 de novembro ás 20.30h, na Casa do Viejo Pancho, unha charla coloquio sobre a situación dos medios de comunicación e as relacións destes co poder. Estará impartida por Luis Álvarez Pousa, director da revista "Tempos Novos" e profesor na Facultade de Ciencias da Comunicación da USC. Presentará o acto, Farruco Graña, presidente da ACFL.
