Burela, 7 de marzo de 2014. O alcalde de Burela, José Mª González Barcia, visitou este venres xunto aos técnicos da Autoridad Portuaria de Ferrol-San Cibrao os restos do faro que hai uns días foi practicamente destruído polo mar. A estrutura está solta e no seu interior están seccionadas todas as varas de ferro que o sostiñan. O tronco do faro deberá ser eliminado para instalar unha baliza de sinalización provisional, mentres se redacta o proxecto de construción dun novo faro o máis similar posible ao existente ata o pasado luns.
O rexedor contou que “a estrutura que se pode contemplar está solta e apoiada na base do faro soamente por unha cuña e no seu interior están absolutamente seccionadas todas as varas de ferro que axudaban a conformar a estrutura do faro de Burela. Para os técnicos resulta sorprendente a calidade tanto do formigón como do ferro usados, quedaron moi sorprendidos de que coas técnicas que había 50 anos se puidese facerse unhas construción coma esta”.
José Mª González Barcia dixo que “a partires de agora e despois de velo in situ toca adoptar algunha decisión ao respecto, toca ver qué é o que se fai cunha mole dunhas 150 toneladas de peso, que ten unha base duns 4 metros e unha altura duns 6 metros. Eses son os restos que alí quedaron”.
O alcalde indicou que “se adoptará a decisión de eliminar o que queda de faro, refírome ao tronco que está na situación na que está, despois á estrutura feita sobre o pedra non se lle vai tocar. Estanse a barallar distintas alternativas desde seccionalo alí mesmo, ata voalo, pero terán que ser os técnicos os que o decidan despois dos datos recollidos sobre as características da roca onde se asenta o faro, as características do fondo, a profundidade de auga… eles valorarán as distintas alternativas posibles a levar adiante”.
O rexedor burelés sinalou que “a conclusión é que a estrutura que hai alí non vale. Xa nestes días eu sempre din a miña opinión, de profano, de que os restos que quedaron alí non serven para nada. Cando se retire a estrutura que queda alí de pé, se procederá á colocación dunha baliza de cinco metros de altura por medio metro de diámetro para facer as mesmas funcións que realizaba o faro existente ata o pasado luns, cando o mar o fixo desaparecer. Tamén de xeito simultáneo se traballará na redacción dun proxecto de obra para reconstruír o faro da forma máis exacta posible ao que había ata hai uns días”.
González Barcia subliñou que “se lle dará a maior axilidade posible a buscar a solución para retirar a infraestrutura existente agora mesmo e a partires de aquí se axilizará a colocación da baliza que recupere a sinal do faro. E con celeridade se fará tamén o proxecto do novo faro”.
O alcalde de Burela advirte que “si os dous primeiros traballos, a retirada dos restos existentes e a colocación da nova baliza provisional, se pode facer en cuestións de semanas a obra do que será o faro novo levará máis tempo. Non quero con isto crear falsas expectativas de que isto se fará en cuestión de dous meses, non, isto é un proxecto que ten que seguir os pasos establecidos pola normativa legal vixente, a súa contratación da obra tamén ten que seguir estes pasos e que ninguén pense que o faro novo vai estar listo en dous ou tres meses, xa que vai levar un pouco máis. O que si é certo é que existe o compromiso firme da Autoridad Portuaria de Ferrol-San Cibrao e de Puertos del Estado, dos seus presidentes José Villarino e José Llorca, respectivamente, e tamén por parte da propia ministra de Fomento, Ana Pastor, de que Burela conte cun faro o máis exacto posible ao existente ata hai uns días”.
Estivo enmarcado dentro dos actos do 25N. Tamén foi unha xornada na que crearon e tiraron de imaxinación co violeta como protagonista, cor símbolo da loita contra a violencia de xénero.
O presunto autor arrincou supostamente o toldo exterior dun establecemento comercial situado neste termo municipal na madrugada do 31 de agosto. A persoa investigada e as dilixencias policiais foron remitidas á Autoridade Xudicial.
Previamente traballou no Hospital de Burela. Beatriz, ainda que orixinaria da Coruña asentouse na Mariña cando veu a traballar a Burela, onde formou a sua familia e onde finalmente se xubilou. A cea foi no Hotel restaurante Nordés, á que asistiron 60 persoas. Recibiu agasallos nos que participaron máis de 100 persoas que coincidiron con ela na Residencia de Maiores de Burela. Deixa unha enorme pegada pola sua labor profesional e humana.
A A.C. Francisco Lanza organiza este venres, 29 de novembro ás 20.30h, na Casa do Viejo Pancho, unha charla coloquio sobre a situación dos medios de comunicación e as relacións destes co poder. Estará impartida por Luis Álvarez Pousa, director da revista "Tempos Novos" e profesor na Facultade de Ciencias da Comunicación da USC. Presentará o acto, Farruco Graña, presidente da ACFL.
Na súa representación estivo o seu Presidente, José Veiga, apoiado pola Alcaldesa, María Loureiro, compañeiros da Xunta de Confrarías e Monseñor Fernando García Cadiñanos, Bispo de Mondoñedo-Ferrol que á súa vez contaba coa compañía do Párroco D. Xosé Ramón Escourido Basanta.
Reclamaron unha xuntanza urxente para abordar a situación da fábrica e maior implicación dos goberntos estatal e autonómico.
Os seus editores, Carlos Baliñas Pérez (USC) e Carlos Andrés González Paz (IEGPS), acompañados pola directora do Museo Provincial de Lugo, Aurelia Balseiro, explicaron o contido do libro, que constitúe unha revisión diacrónica da traxectoria histórica da vila de Castro d’Ouro desde a Idade do Ferro ata finais do Antigo Réxime e que reúne os relatorios presentados por expertos de recoñecida traxectoria investigadora durante as “Xornadas de Estudos Históricos”, (2 e 3 de outubro de 2020, centro sociocultural de Alfoz), con motivo do octinxentésimo aniversario da vila de Castro d´Ouro (1220-2020).
