NOTA DE PRENSA
O GPPP pídelle a Besteiro que renuncie ó cargo si se considera incapaz de asumir as súas responsabilidades como Presidente da Deputación
* Os populares consideran inconsistente a excusa que deu onte no pleno para evitar dar explicacións sobre a Residencia Miño porque dende principios de ano dispón de informes técnicos sobre a situación na que se atopaban estas dependencias
* Califican de inaceptable que non se considere responsable do que acontece co patrimonio da administración provincial
Lugo, a 1 de xullo de 2009.- O Grupo provincial do Partido Popular califica de excusa inconsistente que o Presidente da Deputación non dé explicacións sobre o acontecido na Residencia Miño nin sobre a cancelación do contratado para dotar de ascensores ás casas consistoriais de Lourenzá e Mondoñedo amparándose na necesidade de contar cos correspondentes informes técnicos porque éstes xa existen, elaborados ademais por persoal da administración provincial.
Lamentan os populares que José Ramón Gómez Besteiro afirme categóricamente que non se sinte responsable da situación na que se atopa a Residencia Miño porque, segundo sinalan, non se trata de achacarlle nada acontecido con anterioridade a súa toma de posesión como Presidente do ente provincial, pero a partir de aí, precisamente polo cargo que ostenta, debe dar conta do estado no que se atopa o patrimonio da Deputación. Por elo, ó entender dos populares, se Gómez Besteiro non é capaz de asumir as súas responsabilidades debería deixar o seu cargo.
O GPPP solicitou por escrito, o pasado 12 de xuño, información sobre a Residencia Miño, así como acceso a toda a documentación existente, da que, por certo, aínda non recibiu resposta. Polo tanto, non parece de recibo que o Presidente da Deputación alegue descoñecemento sobre o asunto para evitar responder onte no pleno á pregunta formulada neste senso polos populares.
Así, para o GPPP esta actitude amosa que Gómez Besteiro despreocúpase totalmente do patrimonio provincial que debe salvaguardar aínda despois de que, como é o caso da Residencia Miño, fora obxecto de destrozos ou se tivera producido nela un incendio. Feitos que aconteceron durante o último ano e que, segundo algunhas estimacións feitas ó respecto, costaría reparalas ó redor de medio millón de euros.
Lembran os populares que a principios de agosto de 2008 persoal da Deputación presentou a primeira denuncia en comisaría debido precisamente a que se constatara que alguén entrara no edificio. O 10 de xaneiro deste ano tamén persoal da administración provincial elaborou un informe sobre o que estaba a acontecer no inmoble, ó que seguiu outro no mes de febreiro no que tamén se poñía de manifesto o estado que presentaba o edificio.
O Presidente da Deputación de Lugo, ó entender dos populares, nin le nin se preocupa, a tenor do que dixo onte no pleno, por nada e non é, por tanto, competente para seguir asumindo as responsabilidades que lle veñen derivadas do seu cargo.
ASCENSORES.-
No que atinxe ó descoñecemento alegado por Gómez Besteiro para evitar respostar sobre a anulado proxecto de dotación de ascensores nos consistorios de Lourenzá e Monterroso, os populares tamén consideran que non está fundamentado.
Así, suliñan que no caso de Lourenzá, por exemplo, o Concello recibiu un escrito da Deputación, con data de saída de 21 de maio, no que se daba pormenorizada conta de todo o proceso de contratación da obra, así coma da rescisión do contrato coa empresa adxudicataria da execución da mesma. Facíase referencia, de feito, o acordo adoptado pola xunta de goberno na súa reunión do pasado 24 de abril á que, por certo, aínda que resulta raro, asistiu o Presidente da Deputación.
Cómo, conclúen os populares, pode alegar entón o Sr. Gómez Besteiro descoñecemento sobre estos asuntos.
Esta familia naceu arredor de cinco irmáns: Paco, Esperanza, Toñito, Juan José (Sé) e Joaquín. Tocoulles vivir tempos difíciles na xuventude, véndose obrigados algúns deles a emigrar. Na reunión estiveron presentes os tres que se ven na foto: Esperanza, Sé e Joaquín, xunto con fillos, sobriños, etc. Unha reunión entrañable, porque había bastante tempo que a familia non se reunía.
Aproveitouse despois para ver o partido entre Almería e Dépor lembrando "as peñas irmáns que hai polo territorio estatal". A peña burelá agarda repetir nova cita antes do remate da actual tempada coa intención de celebrar éxitos dos distintos equipos que compoñen a estrutura do RC Deportivo.
A Garda Civil imputa en calidade de investigada a unha veciña de San Miguel de Reinante de 38 anos de idade como suposta autora dun delito de simulación de delito. A persoa investigada denuncio en dependencias oficiais dous cargos indebidos na súa conta bancaria. Iniciouse entón unha investigación policial comprobando documentalmente que os cargos se corresponden con dúas cotas dun préstamo ao consumo contratado pola investigada e ingresado na súa propia conta. Supostamente a persoa investigada pretendía que a entidade bancaria devolvéselle os importes das cotas domiciliadas tras formular a denuncia ante a Garda Civil. As dilixencias policiais foron remitidas á Autoridade Xudicial
Destacou a súa importancia para preservar a memoria histórica e recoñecer o esforzo das xeracións que converteron o porto de Celeiro nun referente pesqueiro. Puxo en valor o rico patrimonio mariñeiro e cultural da Mariña, facendo fincapé “que esta exposición é unha oportunidade para recoñecer o esforzo e a dedicación das persoas que ao longo de cen anos contribuíron ao crecemento e consolidación do porto celeirense”. A mostra, situada na sede da confraría, inclúe maquetas de barcos, fotografías, vídeos históricos, pinturas dos patróns maiores e obxectos singulares como a acta fundacional e maquinaria antiga. A visita complétase cun percorrido por espazos emblemáticos como a lonxa e o porto. Os actos do centenario culminarán coas XXVIII Xornadas Técnicas de Difusión do Sector Pesqueiro, un referente anual do sector.
Este evento anual destaca pola súa coidada selección musical e por ofrecer unha experiencia única na localidade lucense de Vilalba. Tras o éxito da pasada edición, que superou os 6.000 asistentes e contou con actuacións destacadas como as de Iván Ferreiro, Dorian e El Columpio Asesino, o FIV segue apostando por grandes nomes do indie nacional. As primeiras confirmacións do cartel serán anunciadas nas vindeiras semanas, mantendo a emoción e as expectativas para esta nova cita.
Nesta actuación, que serve de antesala para conmemorar o 25N, Día Internacional da Eliminación da Violencia contra a Muller, a coñecida maga realiza unha defensa da igualdade a través da maxia. O espectáculo é para todos os públicos e celebrarase na Casa dá Cultura de Cariño a partir das 18:30 horas. Conta con entrada libre e gratuíta ata completar aforo, polo que todos os interesados poderán acudir sen ter que realizar unha reserva previa.
Foi recibido no Concello polo alcalde, Dani Vega quen explicou que “dentro das visitas que estamos tendo en Ribadeo, recibimos ao Comandante Naval da Coruña e de Ferrol, o capitán de Fragata Javier García, que nos expuxo todo o tipo de propostas e de colaboracións que vamos ter con eles. E desde logo parécenos unha proposta interesante para tamén ter unha relación cos institutos, cos centros educativos e tamén co traballo que realiza en toda esta zona, desde Ribadeo ata A Coruña”. Vega engadiu: “nosoutros dentro da colaboración que estamos tendo con todas as administracións, creo que é positivo seguir nesta liña”.
