Lugo, 3 de xaneiro de 2013.- O deputado do Grupo Parlamentario Popular, José Manuel Balseiro, quixo salientar este venres que, por primeira vez desde 2007, Lugo remata o ano con menos parados dos que iniciou o exercicio 2013.
En xaneiro na nosa provincia contabilizábanse 29.295 persoas sen emprego, fronte ás 27.615 desempregados rexistrados en decembro deste mesmo ano, isto é, unha redución do 5.73%.
O deputado popular cualifica positivamente este cambio na tendencia que se viña rexistrando ata o de agora e indican que, pese a crise, as 1.680 persoas que durante o 2013 abandonaron as listas do paro, demostran que algo está empezando a cambiar a mellor no mercado laboral.
SEN TRIUNFALIMOS SI HAI RAZÓNS PARA A ESPERANZA
Balseiro insiste en que o número de parados segue a ser elevado “e polo tanto non se pode falar de triunfalismo”, e lembra neste sentido o leve repunte do paro no último mes (do 0,64%), aínda que sinala que as tendencias a nivel interanual ofrecen unha imaxe moito máis positiva, xa que a provincia de Lugo pecha o 2013 cun 1,16% menos de desempregados con respecto a decembro do ano 2012, é dicir, o paro diminúe en 324 persoas.
Jose Manuel Balseiro dixo que os populares lucenses seguirán traballando, con máis forza, se cabe para que as listas do paro continúen baixando e sinala que ser capaces de pechar o ano 2013 con menos paro do que había cando comezou é unha razón para crer nun futuro mellor.
LAMENTA A ACTITUDE DA DEPUTACIÓN DE LUGO
Con todo o deputado popular, Jose Manuel Balseiro, lamentou a nula colaboración da Deputación de Lugo na loita contra o desemprego xa que desde esta institución se están a promover plans discriminatorios e electoralistas que, por exemplo, non chegan a todos os concellos da provincia ou, a diferenza do que fan o resto dos entes provinciais, desde a institución que preside Jose Ramón Gómez Besteiro, non se asinan convenios coa Xunta para poñer en marcha programas de contratación de desempregados.
Balseiro puxo como exemplo que mentres a Deputación de Lugo destina dous millóns de euros para realizar 80 contratacións en só en 11 concellos dos 67 que ten a nosa provincia, en Pontevedra, a Deputación promove 2.500 contratacións (12 por concello), investindo máis de 20 millóns de euros, e chegando a todos os concellos sen excepción, con independencia do partido que goberne as alcaldías. Ou, no caso de A Coruña, a Deputación nesa provincia puxo en marcha un plan para promover 189 contratacións en todos os seus concellos de menos 20.000 habitantes.
A Garda Civil imputa en calidade de investigada a unha veciña de San Miguel de Reinante de 38 anos de idade como suposta autora dun delito de simulación de delito. A persoa investigada denuncio en dependencias oficiais dous cargos indebidos na súa conta bancaria. Iniciouse entón unha investigación policial comprobando documentalmente que os cargos se corresponden con dúas cotas dun préstamo ao consumo contratado pola investigada e ingresado na súa propia conta. Supostamente a persoa investigada pretendía que a entidade bancaria devolvéselle os importes das cotas domiciliadas tras formular a denuncia ante a Garda Civil. As dilixencias policiais foron remitidas á Autoridade Xudicial
Aproveitouse despois para ver o partido entre Almería e Dépor lembrando "as peñas irmáns que hai polo territorio estatal". A peña burelá agarda repetir nova cita antes do remate da actual tempada coa intención de celebrar éxitos dos distintos equipos que compoñen a estrutura do RC Deportivo.
Destacou a súa importancia para preservar a memoria histórica e recoñecer o esforzo das xeracións que converteron o porto de Celeiro nun referente pesqueiro. Puxo en valor o rico patrimonio mariñeiro e cultural da Mariña, facendo fincapé “que esta exposición é unha oportunidade para recoñecer o esforzo e a dedicación das persoas que ao longo de cen anos contribuíron ao crecemento e consolidación do porto celeirense”. A mostra, situada na sede da confraría, inclúe maquetas de barcos, fotografías, vídeos históricos, pinturas dos patróns maiores e obxectos singulares como a acta fundacional e maquinaria antiga. A visita complétase cun percorrido por espazos emblemáticos como a lonxa e o porto. Os actos do centenario culminarán coas XXVIII Xornadas Técnicas de Difusión do Sector Pesqueiro, un referente anual do sector.
Este evento anual destaca pola súa coidada selección musical e por ofrecer unha experiencia única na localidade lucense de Vilalba. Tras o éxito da pasada edición, que superou os 6.000 asistentes e contou con actuacións destacadas como as de Iván Ferreiro, Dorian e El Columpio Asesino, o FIV segue apostando por grandes nomes do indie nacional. As primeiras confirmacións do cartel serán anunciadas nas vindeiras semanas, mantendo a emoción e as expectativas para esta nova cita.
Nesta actuación, que serve de antesala para conmemorar o 25N, Día Internacional da Eliminación da Violencia contra a Muller, a coñecida maga realiza unha defensa da igualdade a través da maxia. O espectáculo é para todos os públicos e celebrarase na Casa dá Cultura de Cariño a partir das 18:30 horas. Conta con entrada libre e gratuíta ata completar aforo, polo que todos os interesados poderán acudir sen ter que realizar unha reserva previa.
Foi recibido no Concello polo alcalde, Dani Vega quen explicou que “dentro das visitas que estamos tendo en Ribadeo, recibimos ao Comandante Naval da Coruña e de Ferrol, o capitán de Fragata Javier García, que nos expuxo todo o tipo de propostas e de colaboracións que vamos ter con eles. E desde logo parécenos unha proposta interesante para tamén ter unha relación cos institutos, cos centros educativos e tamén co traballo que realiza en toda esta zona, desde Ribadeo ata A Coruña”. Vega engadiu: “nosoutros dentro da colaboración que estamos tendo con todas as administracións, creo que é positivo seguir nesta liña”.
Realizouse en dúas sesións, unha teórica e outra práctica. Na práctica contouse coa colaboración dos mestres Eloy Roces, Félix Bargados, Ángel Areas, Francisco Martins e Lino Gómez Feito. Nel actualizou a súa titulación de Xuíz de Tribunal Nacional de Graos o profesor do Club Shitokai Asturias Galicia, Julián Martín. Pola tarde celebrouse o exame de Cinto Negro ata 8º Dan. Os karatekas pertencentes ao Club de Karate de Ribadeo obtiveron os seguintes graos: Miguel Sanz Delgado, Cinto Negro 2º Dan. Janet Villarino Vizoso, Cinto Negro 1º Dan. Ambos coa idade mínima no seu Grao.
