RIBADEO (FNC) .- O alcalde de Ribadeo, Fernando Suárez, quéixase do recorte que sufriron as axudas que a Xunta lles concede aos concellos a través dos plans de cooperación local para a contratación temporal de persoal. Ribadeo pediu partidas para contratar a 31 persoas e recibe para 22, que son 10 socorristas e 12 membros para o grupo municipal de intervención rápida. O rexedor sinala que “a partir de aquí podería ser aproximadamente como noutras ocasións, aínda que en anos anteriores os gobernos da Xunta lle deron a Ribadeo máis persoal nestes programas de cooperación. Temos pedido brigadas de medio ambiente, técnicos de turismo, técnicos de apoio a intervención e a secretaría, dinamizadores para o telecentro, apoio á biblioteca, condutores de vehículos municipais, técnicos de actividades deportivas, brigadas de limpeza de praias e de todo eso que pedimos non se nos deu nada”.
Fernando Suárez sinala que “isto igual se podería entender porque se puidera argumentar que a situación económica non é boa e que teñen que atender a moitos concellos e algún argumento máis dese tipo. O que máis que molestar nos preocupa é que no que ten que ver co GMIR reduciron o tempo de duración desta prestación de nove a seis meses e medio, que descontando as vacacións se quedan en escasamente seis meses de traballo real e efectivo”. O alcalde pensa que “esto é moi grave porque o GMIR ten un cometido fundamental no que ten que ver coa seguridade pública e cidadá, coa excarcelación en accidentes de tráfico… e penso que os responsables actuais da Xunta e en concreto da Consellería de Traballo non lle están a facer ningún favor a todos os concellos aos que lles están a reducir sistematicamente o tempo de duración dos grupos municipais de intervención rápida. Confío en que quizáis estean a tempo de rectificar, pero penso que coa seguridade non se xoga e desde logo que estas actuacións que comezan a vislumbrarse desde o novo goberno da Xunta non tranquilizan á xente”.
Esta familia naceu arredor de cinco irmáns: Paco, Esperanza, Toñito, Juan José (Sé) e Joaquín. Tocoulles vivir tempos difíciles na xuventude, véndose obrigados algúns deles a emigrar. Na reunión estiveron presentes os tres que se ven na foto: Esperanza, Sé e Joaquín, xunto con fillos, sobriños, etc. Unha reunión entrañable, porque había bastante tempo que a familia non se reunía.
Aproveitouse despois para ver o partido entre Almería e Dépor lembrando "as peñas irmáns que hai polo territorio estatal". A peña burelá agarda repetir nova cita antes do remate da actual tempada coa intención de celebrar éxitos dos distintos equipos que compoñen a estrutura do RC Deportivo.
A Garda Civil imputa en calidade de investigada a unha veciña de San Miguel de Reinante de 38 anos de idade como suposta autora dun delito de simulación de delito. A persoa investigada denuncio en dependencias oficiais dous cargos indebidos na súa conta bancaria. Iniciouse entón unha investigación policial comprobando documentalmente que os cargos se corresponden con dúas cotas dun préstamo ao consumo contratado pola investigada e ingresado na súa propia conta. Supostamente a persoa investigada pretendía que a entidade bancaria devolvéselle os importes das cotas domiciliadas tras formular a denuncia ante a Garda Civil. As dilixencias policiais foron remitidas á Autoridade Xudicial
Destacou a súa importancia para preservar a memoria histórica e recoñecer o esforzo das xeracións que converteron o porto de Celeiro nun referente pesqueiro. Puxo en valor o rico patrimonio mariñeiro e cultural da Mariña, facendo fincapé “que esta exposición é unha oportunidade para recoñecer o esforzo e a dedicación das persoas que ao longo de cen anos contribuíron ao crecemento e consolidación do porto celeirense”. A mostra, situada na sede da confraría, inclúe maquetas de barcos, fotografías, vídeos históricos, pinturas dos patróns maiores e obxectos singulares como a acta fundacional e maquinaria antiga. A visita complétase cun percorrido por espazos emblemáticos como a lonxa e o porto. Os actos do centenario culminarán coas XXVIII Xornadas Técnicas de Difusión do Sector Pesqueiro, un referente anual do sector.
Este evento anual destaca pola súa coidada selección musical e por ofrecer unha experiencia única na localidade lucense de Vilalba. Tras o éxito da pasada edición, que superou os 6.000 asistentes e contou con actuacións destacadas como as de Iván Ferreiro, Dorian e El Columpio Asesino, o FIV segue apostando por grandes nomes do indie nacional. As primeiras confirmacións do cartel serán anunciadas nas vindeiras semanas, mantendo a emoción e as expectativas para esta nova cita.
Nesta actuación, que serve de antesala para conmemorar o 25N, Día Internacional da Eliminación da Violencia contra a Muller, a coñecida maga realiza unha defensa da igualdade a través da maxia. O espectáculo é para todos os públicos e celebrarase na Casa dá Cultura de Cariño a partir das 18:30 horas. Conta con entrada libre e gratuíta ata completar aforo, polo que todos os interesados poderán acudir sen ter que realizar unha reserva previa.
Foi recibido no Concello polo alcalde, Dani Vega quen explicou que “dentro das visitas que estamos tendo en Ribadeo, recibimos ao Comandante Naval da Coruña e de Ferrol, o capitán de Fragata Javier García, que nos expuxo todo o tipo de propostas e de colaboracións que vamos ter con eles. E desde logo parécenos unha proposta interesante para tamén ter unha relación cos institutos, cos centros educativos e tamén co traballo que realiza en toda esta zona, desde Ribadeo ata A Coruña”. Vega engadiu: “nosoutros dentro da colaboración que estamos tendo con todas as administracións, creo que é positivo seguir nesta liña”.
