Trasbar, 29 de outubro de 2013.- A Asociación de veciños do burgo de Trasbar vén de organizar un taller de risoterapia que vai dirixido ao público en xeral, sempre que sexan maiores de 16 anos.
A terapia da risa é unha técnica psicoterapéutica que consiste na práctica de rir para aproveitar os moitos beneficios anímicos e de saúde. É pois un complemento ás terapias tradicionais que se asenta sobre catro piares básicos: risa e sorriso, ximnasia da risa, bo sentido do humor e pensamentos positivos.
As emocións positivas podemos canalizalas cara á prevención, o tratamento e o afrontamento transformándoas en armas que se nos axuden a resolver problemas relacionados co crecemento persoal e o desenvolvemento, sobrepoñéndonos aos momentos difíciles e saíndo fortalecidos deles, obtendo así unha mellor calidade de vida.
Asistir a un taller destas características é moi beneficioso para o organismo. Falamos de beneficios físicos (exercicio, masaxe, limpeza, osixenación, analxésico…), psicolóxicos (elimina o estrés, alivia a depresión, mellora a autoestima…) e sociais (carácter contaxioso, mellora das relacións interpersoais…).
Desenvolvemento do taller.
O taller de risoterapia comezará o vindeiro martes, día 5 de novembro e terá lugar no Local social de Trasbar todos os martes ás 19.30 h, durante tres meses.
A sesión completa do taller da risa consta de seis partes coas que se garante o bo desenvolvemento da actividade.
A primeira fase é a introdución teórica e o enfoque da sesión, na que se introducen os conceptos básicos da risa, dos seus beneficios e dos obxectivos establecidos. A segunda fase é de quentamento e desbloqueo, para relaxar a mente e quentar o corpo e entrar de cheo nas dinámicas e os xogos que culminan na ximnasia da risa, onde a risa e a gargallada cobran protagonismo, dando paso a unha fase de interiorización e relaxación. Rematamos o taller coa fase de avaliación e peche.
Xa que moitas das fases van ter lugar no chan, recomendamos ás persoas que asistan que vaian provistos de roupa cómoda, zapatillas e unha esteira, unha toalla ou un coxín.
Lugar e prazo de inscrición
Este taller está dirixido a todas aquelas persoas maiores de 16 anos que teñan ganas ou necesidade de rir. Poderán inscribirse no Local social de Trasbar ou a través do correo electrónico da Asociación (burgodetrasbar@yahoo.es). O prazo de inscrición remata o vindeiro domingo, día 3 de novembro.
O prezo para os socios é de 10 € ao mes e para non socios 15 € ao mes.
Na iniciativa participaron arredor de 500 rapaces e rapazas de secundaria de oito institutos da Mariña. Arias destacou a posibilidade que supuxo para o alumnado poder achegarse a esta modalidade deportiva e agradeceu “a colaboración continuada que prestan neste tipo de actividades”.
Celébranse ata o mércores no CFEA Pedro Murias. O programa inclúe tamén showcookings, presentacións e interesantes charlas como a ofrecida este martes sobre a posible produción de viño na Mariña.
Unha obra contemporánea orientada a público adulto. Venda de entradas: de luns a xoves, no teléfono 982560162, en horario, de 9 a 14,00 horas, ou no correo electrónico rbg.cultura@viveiro.es, e tamén na taquilla do teatro 1 hora antes da función.
Estivo enmarcado dentro dos actos do 25N. Tamén foi unha xornada na que crearon e tiraron de imaxinación co violeta como protagonista, cor símbolo da loita contra a violencia de xénero.
O presunto autor arrincou supostamente o toldo exterior dun establecemento comercial situado neste termo municipal na madrugada do 31 de agosto. A persoa investigada e as dilixencias policiais foron remitidas á Autoridade Xudicial.
Previamente traballou no Hospital de Burela. Beatriz, ainda que orixinaria da Coruña asentouse na Mariña cando veu a traballar a Burela, onde formou a sua familia e onde finalmente se xubilou. A cea foi no Hotel restaurante Nordés, á que asistiron 60 persoas. Recibiu agasallos nos que participaron máis de 100 persoas que coincidiron con ela na Residencia de Maiores de Burela. Deixa unha enorme pegada pola sua labor profesional e humana.
A A.C. Francisco Lanza organiza este venres, 29 de novembro ás 20.30h, na Casa do Viejo Pancho, unha charla coloquio sobre a situación dos medios de comunicación e as relacións destes co poder. Estará impartida por Luis Álvarez Pousa, director da revista "Tempos Novos" e profesor na Facultade de Ciencias da Comunicación da USC. Presentará o acto, Farruco Graña, presidente da ACFL.
