O PSdeG afirmou este mércores que a conselleira de Traballo, Beatriz Mato, “ou minte, ou non ten memoria”, porque a Deputación de Lugo solicitou de maneira reiterada reunións institucionais urxentes con Feijóo durante dous anos –entre 2010 e 2011- para falar do desenvolvemento da rede provincial de residencias e centros de día públicos, e o presidente da Xunta “nin sequera se dignou a responder”. Finalmente, lembrou a deputada autonómica Concepción Burgo, en decembro de 2011 foi a conselleira Mato a que recibiu ó presidente da Deputación “para comunicarlle a negativa do Goberno galego a concertar prazas nos seus centros, a pesar de que prometera facelo en dúas ocasións, unha delas 6 días antes das eleccións municipais, e alegando o sorprendente argumento de que este tipo de dotacións sociais non son necesarias, nin prioritarias na provincia de Lugo”.
Despois dese encontro coa titular de Traballo, a Deputación seguiu pedindo reunións con Feijóo “para falar do futuro da provincia: do centro de recría, de servizos sociais, emprego, infraestruturas, e tamén das residencias”. “Xa van 10 peticións en 7 anos e non hai resposta algunha”. “Como é posible que agora a conselleira diga que a Deputación non contou coa Xunta para planificar as residencias? É unha falacia inaceptable”, aseverou Burgo.
A parlamentaria esixe á dereita de Feijóo que explique ós lucenses “os verdadeiros motivos” polos que rexeita a iniciativa emprendida pola Deputación, “un proxecto público sólido, cun orzamento dispoñible de 15 millóns de euros, que xerará emprego, e que conta co apoio de Concellos da provincia de todas as cores políticas”, pois “os argumentos cos que trata de xustificarse están a caer polo seu propio peso, xa non valen”.
Deste xeito, argumentou a deputada socialista, “é mentira, como xa quedou demostrado, que a Deputación non quixera consensuar e planificar coa Xunta a rede provincial de residencias, xa que pediu durante dous anos reunións con Feijóo para abordala iniciativa, e nunca tivo resposta”, pero tampouco é certo, engadiu, que “as residencias non sexan necesarias, nin prioritarias, como se atreveu a dicir a conselleira Mato, cando Lugo é a provincia máis envellecida de Galicia e a que menos prazas residenciais ten”. O propio Goberno galego “estao a demostrar ó seguir concertando prazas en centros privados e ó comprometer investimentos para a construción de centros de maiores en varios concellos da provincia, como Foz, Palas ou Baleira”. Os veciños de Lugo “merecen saber por que esas residencias si, e no caso das que impulsa a Deputación, que lle pon enriba da mesa os terreos e o orzamento para a súa construción, nin sequera se digna a falar delas e fai todo o posible para boicotealas”.
“Investimentos serios si, non un brinde ó sol”
Neste senso, Burgo quixo recalcar que o PSdeG “aplaude calquera compromiso de investimento cunhas dotacións sociais que, ó contrario da conselleira, consideramos que imprescindibles para o benestar dos lucenses, iso si, sempre e cando sexan compromisos serios e reais, non un brinde ó sol para tapar a súa mala xestión, para lavarse a cara, que finalmente queden en nada, sexan insuficientes para rematar as obras ou garantir o seu funcionamento, ou, como adoitan facer, acaben por empaquetar a outras administracións unhas competencias que son súas, obrigándolles a facer esforzos económicos inasumibles”. A deputada referiuse ó caso de Foz, para cuxa residencia Traballo soamente prevé 500.000 euros, “que chegarán pouco máis que para o movemento de terras”, e o de Palas e Baleira, nos que a consellería non concretou aínda “quen terá que asumir a xestión”.
Máis discriminación
A actitude “discriminatoria” da Xunta cos proxectos provinciais “non se queda aquí”, pois Feijóo “segue sen responder a ningunha das solicitudes de entrevista que lle leva realizado a Deputación dende o cambio de goberno, hai 7 anos, para falar do futuro da provincia, temas tan importantes como o primeiro centro de recría público en España, consensuar o cofinanciamento dos servizos sociais en todos os Concellos lucenses e a posta en marcha das políticas activas de emprego, a emigración, a caída demográfica ou o medio rural; a reindustrialización e facer unha política realista de transferencia da rede viaria pública”. Burgo insta ó Goberno de Feijóo a establecer un diálogo coa Deputación para impulsar actuacións en favor do progreso da provincia.
Na iniciativa participaron arredor de 500 rapaces e rapazas de secundaria de oito institutos da Mariña. Arias destacou a posibilidade que supuxo para o alumnado poder achegarse a esta modalidade deportiva e agradeceu “a colaboración continuada que prestan neste tipo de actividades”.
Celébranse ata o mércores no CFEA Pedro Murias. O programa inclúe tamén showcookings, presentacións e interesantes charlas como a ofrecida este martes sobre a posible produción de viño na Mariña.
Unha obra contemporánea orientada a público adulto. Venda de entradas: de luns a xoves, no teléfono 982560162, en horario, de 9 a 14,00 horas, ou no correo electrónico rbg.cultura@viveiro.es, e tamén na taquilla do teatro 1 hora antes da función.
Estivo enmarcado dentro dos actos do 25N. Tamén foi unha xornada na que crearon e tiraron de imaxinación co violeta como protagonista, cor símbolo da loita contra a violencia de xénero.
O presunto autor arrincou supostamente o toldo exterior dun establecemento comercial situado neste termo municipal na madrugada do 31 de agosto. A persoa investigada e as dilixencias policiais foron remitidas á Autoridade Xudicial.
Previamente traballou no Hospital de Burela. Beatriz, ainda que orixinaria da Coruña asentouse na Mariña cando veu a traballar a Burela, onde formou a sua familia e onde finalmente se xubilou. A cea foi no Hotel restaurante Nordés, á que asistiron 60 persoas. Recibiu agasallos nos que participaron máis de 100 persoas que coincidiron con ela na Residencia de Maiores de Burela. Deixa unha enorme pegada pola sua labor profesional e humana.
A A.C. Francisco Lanza organiza este venres, 29 de novembro ás 20.30h, na Casa do Viejo Pancho, unha charla coloquio sobre a situación dos medios de comunicación e as relacións destes co poder. Estará impartida por Luis Álvarez Pousa, director da revista "Tempos Novos" e profesor na Facultade de Ciencias da Comunicación da USC. Presentará o acto, Farruco Graña, presidente da ACFL.
