A Consellería de Educación enviou unha circular ás inspeccións provinciais coa instrución de agrupar nunha soia aula os alumnos de varios cursos. Segundo os sindicatos isto suporía a redución de 200 unidades escolares en toda Galicia. Uns días despois a Consellería prometeu aos sindicatos que se terían en contas casos especiais e que a redución sería menor. Hoxe publícase no DOG as prazas que xa non saíran no concurso de traslados; concurso que previsiblemente saíra despois das eleccións europeas, e, posiblemente, en setembro verase a magnitude do recorte nos dereitos educativos para os nenos e nenas do rural.
Esta decisión suporía para as zonas rurais unha tremenda redución dos servizos educativos e influiría de forma determinante para aumentar o seu despoboamento. Xa que as familias terían que aproximarse ás cidades para que os seu fillos poidan exercer o dereito democrático e constitucional dunha educación de calidade. Privaríase os alumnos da liberdade de elección e crearíase unha inxusta discriminación entre os nenos do rural e os das zonas urbanas. ¿Como se compaxinará isto coa posibilidade de elección de lingua para o ensino? ¿Ou é que ese dereito só o poderán exercer os señoritos das vilas e cidades?. Outra vez as vítimas sempre son os máis necesitados.
Por outra banda redúcense drasticamente os postos de traballo no ensino, apartándonos cada día máis dos obxectivos propostos pola OCDE e as recomendacións dos informes PISA. Isto supón que o futuro da educación en Galicia distanciase cada día máis dos modelos europeos.
Este tipo de iniciativas poñen ás claras, coa forza dos feitos, cal é o plan de aforro de Feijoo: sacarlle aos pobres para darllelo aos ricos. Porque mentres se dan axudas multimillonarias para mercar coches, e para domesticar a prensa; ou se lle regalan 2,2 millóns de euros ao home máis rico do mundo, é dicir a Bill Gates; pola contra racanease axudas para os gandeiros, fálase de privatizar a sanidade e redúcense gastos en educación. ¿Saben que cos millóns de euros que se lle regala a Microsoft e á prensa poderíanse manter as unidades educativas que se van pechar durante anos?
Un caso paradigmático en A Mariña é o de Cervo. Un concello que leva máis de dez anos perdendo poboación e agora preténdese reducir catro unidades no conxunto dos colexios do municipio e posiblemente a reunificación dos dous colexios de San Cibrao a cambio de terreos urbanizables. Deste xeito o concello deixa de ser atractivo por falta de servizos sociais básicos axeitados e haberá un transvase de habitantes cara os concellos veciños.
En calquera dos casos haberá que ver cal vai ser a posicións dos diferentes partidos e organizacións sociais para reclamar dereitos como cidadáns de primeira. E tamén haberá que observar as actitudes que toman os diferentes alcaldes, tendo que decidir entre a defensa do ben común para todos os veciños ou os intereses partidistas e particulares de cada un deles.
Di o Evanxeo que “polos feitos habédelos coñecer”. Na campaña electoral houbo moitas promesas e moita demagoxia. Agora é o tempo das realidades, que “unha cousa é falar e outra dar trigo”.
Esta familia naceu arredor de cinco irmáns: Paco, Esperanza, Toñito, Juan José (Sé) e Joaquín. Tocoulles vivir tempos difíciles na xuventude, véndose obrigados algúns deles a emigrar. Na reunión estiveron presentes os tres que se ven na foto: Esperanza, Sé e Joaquín, xunto con fillos, sobriños, etc. Unha reunión entrañable, porque había bastante tempo que a familia non se reunía.
A Garda Civil imputa en calidade de investigada a unha veciña de San Miguel de Reinante de 38 anos de idade como suposta autora dun delito de simulación de delito. A persoa investigada denuncio en dependencias oficiais dous cargos indebidos na súa conta bancaria. Iniciouse entón unha investigación policial comprobando documentalmente que os cargos se corresponden con dúas cotas dun préstamo ao consumo contratado pola investigada e ingresado na súa propia conta. Supostamente a persoa investigada pretendía que a entidade bancaria devolvéselle os importes das cotas domiciliadas tras formular a denuncia ante a Garda Civil. As dilixencias policiais foron remitidas á Autoridade Xudicial
Aproveitouse despois para ver o partido entre Almería e Dépor lembrando "as peñas irmáns que hai polo territorio estatal". A peña burelá agarda repetir nova cita antes do remate da actual tempada coa intención de celebrar éxitos dos distintos equipos que compoñen a estrutura do RC Deportivo.
Destacou a súa importancia para preservar a memoria histórica e recoñecer o esforzo das xeracións que converteron o porto de Celeiro nun referente pesqueiro. Puxo en valor o rico patrimonio mariñeiro e cultural da Mariña, facendo fincapé “que esta exposición é unha oportunidade para recoñecer o esforzo e a dedicación das persoas que ao longo de cen anos contribuíron ao crecemento e consolidación do porto celeirense”. A mostra, situada na sede da confraría, inclúe maquetas de barcos, fotografías, vídeos históricos, pinturas dos patróns maiores e obxectos singulares como a acta fundacional e maquinaria antiga. A visita complétase cun percorrido por espazos emblemáticos como a lonxa e o porto. Os actos do centenario culminarán coas XXVIII Xornadas Técnicas de Difusión do Sector Pesqueiro, un referente anual do sector.
Este evento anual destaca pola súa coidada selección musical e por ofrecer unha experiencia única na localidade lucense de Vilalba. Tras o éxito da pasada edición, que superou os 6.000 asistentes e contou con actuacións destacadas como as de Iván Ferreiro, Dorian e El Columpio Asesino, o FIV segue apostando por grandes nomes do indie nacional. As primeiras confirmacións do cartel serán anunciadas nas vindeiras semanas, mantendo a emoción e as expectativas para esta nova cita.
Nesta actuación, que serve de antesala para conmemorar o 25N, Día Internacional da Eliminación da Violencia contra a Muller, a coñecida maga realiza unha defensa da igualdade a través da maxia. O espectáculo é para todos os públicos e celebrarase na Casa dá Cultura de Cariño a partir das 18:30 horas. Conta con entrada libre e gratuíta ata completar aforo, polo que todos os interesados poderán acudir sen ter que realizar unha reserva previa.
Foi recibido no Concello polo alcalde, Dani Vega quen explicou que “dentro das visitas que estamos tendo en Ribadeo, recibimos ao Comandante Naval da Coruña e de Ferrol, o capitán de Fragata Javier García, que nos expuxo todo o tipo de propostas e de colaboracións que vamos ter con eles. E desde logo parécenos unha proposta interesante para tamén ter unha relación cos institutos, cos centros educativos e tamén co traballo que realiza en toda esta zona, desde Ribadeo ata A Coruña”. Vega engadiu: “nosoutros dentro da colaboración que estamos tendo con todas as administracións, creo que é positivo seguir nesta liña”.
