NOTA DE PRENSA
Os nacionalistas esixen un Plano específico de emprego para as auxiliares de Alcoa
O BNG esixe a Comisión Europea que suspenda o expediente contra Alcoa pola G-4
San Cibrao,1-Xuño-08. O Bloque Nacionalista Galego mantivo na mañá de hoxe unha xuntanza con representantes do Comité de Empresa de Alcoa onde analizaron diferentes aspectos que teñen haber coa situación que atravesa a empresa alumineira.
Neste sentido o candidato do BNG ao Parlamento Europeo, Cosme Pombo, fixo referencia a situación que se cría na factoría co novo marco tarifario unha vez suprimida a tarifa G-4 así como ameaza de multa que pesa sobre a factoría por parte da Comisión Europea ao entender a mesma que a tarifa G-4 significaba unha axuda estatal.
No tocante ao primeiro aspecto os representantes do BNG deron conta da definición do novo marco tarifario para as empresas que teñen a consideración de grandes consumidores eléctricos aprobadas vai para quince días no Congreso dos deputados e que responde en boa medida as demandas que no seu momento foran formuladas pola Consellaría de Innovación e Industria e que tiveron translación ao Congreso dos deputados por parte dos representantes nacionalistas.Neste sentido Pombo valorou como unha boa noticia o contar cun marco tarifario que garante a continuación da actividade económica no complexo de San Cibrao que a dia de hoxe representa o principal centro de traballo de Lugo e que representa o 30% do PIB da Provincia.
Os nacionalistas, asemade, criticaron que por parte da Comisión Europea non se procedese a arquivar o expediente de sanción aberto pola Comisión Europea a Alcoa polas tarifas eléctricas de 2005 posto que a G-4 non pode ter a consideración de axuda estatal tal como plantexaba a Comisión. A este respecto Cosme Pombo afirmou que como establece o artigo 87, apartado 1 do Tratado da CE, para que unha axuda sexa estatal “debe implicar recursos estatais”. Porén o caso das tarifas eléctricas reguladas analizado pola Comisión non debería considerarse así porque a reducción que obteñen na súa facturación compénsase por un recargo que afrontarán estes consumidores en función do consumo que fagan durante os seguintes 14 anos e medio pola suposta avantaxe obtida en 2005.
Na mesma liña os nacionalistas denunciaron que non podemos falar de vantaxes na competencia con empresas doutros estados membros, porque existen figuras semellantes noutros estados membros que teñen menores niveis de apertura e liberalización có Estado Español, como é o caso de Italia, Dinamarca, Portugal, Irlanda, Grecia, Hungría, Chipre, Malta, Estonia, Lituania e Letonia. Neste sentido desde o BNG consideran que significa unha auténtica tomadura de pelo que a Comisión Europea pretenda expedientar a empresas por supostas axudas públicas cando día si e día tamén está a mobilizar inxentes cantidades de diñeiro para apoiar a diferentes sectores económicos como a banca ou a automoción. Xa por último o candidato do BNG Cosme Pombo comprometeu que o BNG plantexara na Cámara de Estrasburgo na próxima lexislatura unha iniciativa para que a Comisión proceda a arquivar o expediente aberto.
O BNG mantivo unha xuntanza na tarde de hoxe con Delegados das Empresas auxiliares, nas que analizaron a problemática que se está a vivir nas mesmas como consecuencia da ausencia de carga de traballo e a conseguinte perda de emprego e precarización das condicións laborais. Os nacionalistas que expresaron a súa solidariedade coa reivindicación dos mesmos comprometéronse a elevar as súas reivindicacións as diferentes administracións e denunciaron que non poden ser os traballadores quen paguen a consecuencia dunha crise que eles non provocaron. Nesta liña voltaron a esixir un Plano de Emprego para os case 200 traballadores das auxiliares que perderon o seu emprego no último ano e criticaron que o Goberno da Xunta se desentendese dos mesmos a pesar do compromiso electoral do Sr.Balseiro nesta cuestión. Pombo afirmou que Balseiro e o PP xa lle demostraron aos traballadores das auxiliares de Alcoa que carecen de palabra e neste criticou que se hai un plano para o sector do automóbil na comarca de Vigo porque non existe outro semellante para o sector do metal no Mariña de Lugo.
Esta familia naceu arredor de cinco irmáns: Paco, Esperanza, Toñito, Juan José (Sé) e Joaquín. Tocoulles vivir tempos difíciles na xuventude, véndose obrigados algúns deles a emigrar. Na reunión estiveron presentes os tres que se ven na foto: Esperanza, Sé e Joaquín, xunto con fillos, sobriños, etc. Unha reunión entrañable, porque había bastante tempo que a familia non se reunía.
Aproveitouse despois para ver o partido entre Almería e Dépor lembrando "as peñas irmáns que hai polo territorio estatal". A peña burelá agarda repetir nova cita antes do remate da actual tempada coa intención de celebrar éxitos dos distintos equipos que compoñen a estrutura do RC Deportivo.
A Garda Civil imputa en calidade de investigada a unha veciña de San Miguel de Reinante de 38 anos de idade como suposta autora dun delito de simulación de delito. A persoa investigada denuncio en dependencias oficiais dous cargos indebidos na súa conta bancaria. Iniciouse entón unha investigación policial comprobando documentalmente que os cargos se corresponden con dúas cotas dun préstamo ao consumo contratado pola investigada e ingresado na súa propia conta. Supostamente a persoa investigada pretendía que a entidade bancaria devolvéselle os importes das cotas domiciliadas tras formular a denuncia ante a Garda Civil. As dilixencias policiais foron remitidas á Autoridade Xudicial
Destacou a súa importancia para preservar a memoria histórica e recoñecer o esforzo das xeracións que converteron o porto de Celeiro nun referente pesqueiro. Puxo en valor o rico patrimonio mariñeiro e cultural da Mariña, facendo fincapé “que esta exposición é unha oportunidade para recoñecer o esforzo e a dedicación das persoas que ao longo de cen anos contribuíron ao crecemento e consolidación do porto celeirense”. A mostra, situada na sede da confraría, inclúe maquetas de barcos, fotografías, vídeos históricos, pinturas dos patróns maiores e obxectos singulares como a acta fundacional e maquinaria antiga. A visita complétase cun percorrido por espazos emblemáticos como a lonxa e o porto. Os actos do centenario culminarán coas XXVIII Xornadas Técnicas de Difusión do Sector Pesqueiro, un referente anual do sector.
Este evento anual destaca pola súa coidada selección musical e por ofrecer unha experiencia única na localidade lucense de Vilalba. Tras o éxito da pasada edición, que superou os 6.000 asistentes e contou con actuacións destacadas como as de Iván Ferreiro, Dorian e El Columpio Asesino, o FIV segue apostando por grandes nomes do indie nacional. As primeiras confirmacións do cartel serán anunciadas nas vindeiras semanas, mantendo a emoción e as expectativas para esta nova cita.
Nesta actuación, que serve de antesala para conmemorar o 25N, Día Internacional da Eliminación da Violencia contra a Muller, a coñecida maga realiza unha defensa da igualdade a través da maxia. O espectáculo é para todos os públicos e celebrarase na Casa dá Cultura de Cariño a partir das 18:30 horas. Conta con entrada libre e gratuíta ata completar aforo, polo que todos os interesados poderán acudir sen ter que realizar unha reserva previa.
Foi recibido no Concello polo alcalde, Dani Vega quen explicou que “dentro das visitas que estamos tendo en Ribadeo, recibimos ao Comandante Naval da Coruña e de Ferrol, o capitán de Fragata Javier García, que nos expuxo todo o tipo de propostas e de colaboracións que vamos ter con eles. E desde logo parécenos unha proposta interesante para tamén ter unha relación cos institutos, cos centros educativos e tamén co traballo que realiza en toda esta zona, desde Ribadeo ata A Coruña”. Vega engadiu: “nosoutros dentro da colaboración que estamos tendo con todas as administracións, creo que é positivo seguir nesta liña”.
