A MARIÑA .-As xestións realizadas deron lugar á positiva resolución desta situación, aseguran desde o SLG, e “sobre as 14,30hrs.do mediodía de hoxe vén de facerse efectiva a retoma da recollida nas dúas explotacións de A Mariña lucense afectadas pola suspensión imposta por Jesús Lence”.
Nota de Prensa
Primeira vitoria dunha batalla que será longa.
O problema do prezo segue presente, para estas e para todas as explotacións do País
Dende o Sindicato Labrego Galego confirmamos que sobre as 14,30hrs.do mediodía de hoxe vén de facerse efectiva a retoma da recollida nas dúas explotacións d´A Mariña lucense afectadas pola suspensión imposta por Jesús Lence ante a tentativa destas explotacións de negociaren un prezo para o leite que lles permita vivir do seu traballo.
As xestións realizadas deron lugar á positiva resolución desta situación, pola que o SLG quere amosar a súa máis fonda ledicia, ao tempo que agradecemos o grande número de mostras de apoio que se nos fixeron chegar a nós e, sobor de todo, ás familias afectadas.
Non obstante, e unha vez parada a espiral de gastos que levaría a pechar a estas dúas explotacións nuns días, dende o Sindicato Labrego Galego valoramos que esta loita non pode ter nin un día de tregua, xa que os baixos prezos establecidos para o leite en todo o País encamíñaas, ao igual que ao resto do sector, cara o peche.
Mesmo as medidas de choque que a Administración galega se comprometera a habilitar, e que todo o sector agardabamos coñecer onte, reveláronse inexistentes tras a reunión mantida onte pola Mesa do Leite, onde ficou claro que o único que vai a haber é o adiantamento dun diñeiro que xa era noso. Nin axudas directas -que inda “están estudando”- nin os créditos do IGAPE, van ser concedidas ás explotacións.
Da morte súbita á lenta agonía. De non acadarmos que as persoas que producen leite obteñan a cambio un prezo que lles permita vivir desta actividade, o sector leiteiro da Galiza -ao igual que está a pasar no resto de Europa, onde gandeiros e gandeiras de Alemaña, Bélxica, Portugal, Suíza e Francia estiveron levando a cabo, ao igual que o SLG, fortes mobilizacións polo prezo-, está a ser estrangulado polas leis do libre comercio neoliberal, aquelas deseñadas para as grandes empresas en troques de para as persoas.
Reclamaron unha xuntanza urxente para abordar a situación da fábrica e maior implicación dos goberntos estatal e autonómico.
Os seus editores, Carlos Baliñas Pérez (USC) e Carlos Andrés González Paz (IEGPS), acompañados pola directora do Museo Provincial de Lugo, Aurelia Balseiro, explicaron o contido do libro, que constitúe unha revisión diacrónica da traxectoria histórica da vila de Castro d’Ouro desde a Idade do Ferro ata finais do Antigo Réxime e que reúne os relatorios presentados por expertos de recoñecida traxectoria investigadora durante as “Xornadas de Estudos Históricos”, (2 e 3 de outubro de 2020, centro sociocultural de Alfoz), con motivo do octinxentésimo aniversario da vila de Castro d´Ouro (1220-2020).
Esta familia naceu arredor de cinco irmáns: Paco, Esperanza, Toñito, Juan José (Sé) e Joaquín. Tocoulles vivir tempos difíciles na xuventude, véndose obrigados algúns deles a emigrar. Na reunión estiveron presentes os tres que se ven na foto: Esperanza, Sé e Joaquín, xunto con fillos, sobriños, etc. Unha reunión entrañable, porque había bastante tempo que a familia non se reunía.
Aproveitouse despois para ver o partido entre Almería e Dépor lembrando "as peñas irmáns que hai polo territorio estatal". A peña burelá agarda repetir nova cita antes do remate da actual tempada coa intención de celebrar éxitos dos distintos equipos que compoñen a estrutura do RC Deportivo.
A Garda Civil imputa en calidade de investigada a unha veciña de San Miguel de Reinante de 38 anos de idade como suposta autora dun delito de simulación de delito. A persoa investigada denuncio en dependencias oficiais dous cargos indebidos na súa conta bancaria. Iniciouse entón unha investigación policial comprobando documentalmente que os cargos se corresponden con dúas cotas dun préstamo ao consumo contratado pola investigada e ingresado na súa propia conta. Supostamente a persoa investigada pretendía que a entidade bancaria devolvéselle os importes das cotas domiciliadas tras formular a denuncia ante a Garda Civil. As dilixencias policiais foron remitidas á Autoridade Xudicial
Destacou a súa importancia para preservar a memoria histórica e recoñecer o esforzo das xeracións que converteron o porto de Celeiro nun referente pesqueiro. Puxo en valor o rico patrimonio mariñeiro e cultural da Mariña, facendo fincapé “que esta exposición é unha oportunidade para recoñecer o esforzo e a dedicación das persoas que ao longo de cen anos contribuíron ao crecemento e consolidación do porto celeirense”. A mostra, situada na sede da confraría, inclúe maquetas de barcos, fotografías, vídeos históricos, pinturas dos patróns maiores e obxectos singulares como a acta fundacional e maquinaria antiga. A visita complétase cun percorrido por espazos emblemáticos como a lonxa e o porto. Os actos do centenario culminarán coas XXVIII Xornadas Técnicas de Difusión do Sector Pesqueiro, un referente anual do sector.
Este evento anual destaca pola súa coidada selección musical e por ofrecer unha experiencia única na localidade lucense de Vilalba. Tras o éxito da pasada edición, que superou os 6.000 asistentes e contou con actuacións destacadas como as de Iván Ferreiro, Dorian e El Columpio Asesino, o FIV segue apostando por grandes nomes do indie nacional. As primeiras confirmacións do cartel serán anunciadas nas vindeiras semanas, mantendo a emoción e as expectativas para esta nova cita.
