NOTA DE PRENSA
O deputado popular afirma que nunca antes tantos altos cargos da Conselleria do Mar apoiaron á feira náutico pesqueira celebrada a pasada fin de semana en Burela: Asistiu o seu secretario xeral, o director xeral de Recursos, o director xeral de infraestruturas e o Presidente de Portos de Galicia, acompañados todos eles polo propio Balseiro, na súa calidade de voceiro do Mar do Grupo Parlamentario Popular.
BALSEIRO DEMANDA Á VICEPRESIDENTA DA DEPUTACIÓN “MENOS FOTOS E MÁIS TRABALLAR A FAVOR DO SECTOR PESQUEIRO LUCENSE”
* Balseiro acusa aos deputados do Executivo provincial de desatender o seu traballo, e ausentarse de múltiples Comisións de Goberno da Deputación Provincial para non perderse a oportunidade de saír nas fotos.
* Os socialistas xunto cos nacionalistas na Deputación votaron sempre en contra de todas as iniciativas promovidas en apoio do sector pesqueiro galego, despois de que os catro anos de xestión da Xunta bipartita deixara a un sector estratéxico na nosa economía á beira da ruína.
* A Consellería do Mar amosa o apoio a EXPOMAR con feitos, achegando un importante investimento para facer fronte ao seu custe, a diferenza da Deputación que pretende facelo con fotos e propaganda, pero sen desenvolver un maior esforzo para achegar máis financiamento.
A Mariña, 26 de maio de 2009.- O voceiro do Mar do Partido Popular vén de saír ao paso das declaracións efectuadas pola vicepresidenta segunda da Deputación provincial Lara Méndez, que criticou a ausencia da conselleira Rosa Quintana no acto de inauguración da feira náutico pesqueira EXPOMAR. Balseiro subliñou que a Consellería do Mar non puido acudir a esta cita porque ese mesmo día se celebrou o Consello da Xunta na cidade de Pontevedra, e polo tanto, Rosa Quintana estivo presente no máximo órgano de decisión da Xunta de Galicia como era o seu principal deber. “Traballando e tomando decisións, xunto co Presidente da Xunta de Galicia a favor do noso mar”.
AMPLO RESPALDO A EXPOMAR
En todo caso, o parlamentario popular explicou que nunca antes a feira náutico pesqueira de Burela tivo tanto respaldo por parte dos altos cargos do Executivo autonómico. “Ademais dunha importante inxección de cartos para colaborar nos gastos da feira, estiveron presentes o secretario xeral da Conselleria do Mar, o director xeral de Recursos o director xeral de Infraestruturas e o Presidente de Portos de Galicia”
MENOS FOTOS, MÁIS TRABALLO
Balseiro empraza a Lara Méndez e ao resto dos xestores da Deputación provincial a “deixarse de fotos, e poñerse a traballar a prol dos intereses do sector pesqueiro lucense”. Deste xeito censura o afán pola propaganda dos dirixentes da Deputación que incluso antepoñen o feito de facerse unha foto para a prensa por enriba do seu traballo. “A propia Lara Méndez por saír nunha foto, estivo ausente en varias das Comisións de Goberno do organismo provincial. Isto é priorizan a propaganda por enriba do traballo, algo que non deberan de facer, sobre todo, nos tempos de crise que estamos a sufrir, que esixen das administracións dedicación plena e grandes esforzos”
INICIATIVAS A FAVOR DA PESCA
O voceiro do Mar do PPdeG tamén censura que tanto o PSOE como o BNG nas súas responsabilidades na Deputación, voten en contra “unha e outra vez de todas as iniciativas destinadas a favorecer ao sector pesqueiro galego que se lles propoñen”. De feito a entente do bipartito impediu que prosperaran as peticións que o PP fai para que a Deputación se comprometa a traballar a favor dun sector, o da pesca en Lugo, que pasou de ser en 2005 unha área estratéxica na economía galega a, catro anos despois, e como consecuencia da mala xestión bipartita, un sector á beira da ruína.
FEITOS NON FOTOS
Segundo o PPdeG a Consellería do Mar amosa o apoio a EXPOMAR con feitos, achegando un importante investimento para facer fronte ao seu custe, a diferenza da Deputación que pretende facelo con fotos e propaganda, pero sen desenvolver un maior esforzo para achegar máis financiamento.
En todo caso, atribúen as críticas que a deputada provincial dirixe á Xunta ao crecente nerviosismo que está a caracterizar ao Executivo de López Besteiro . “Son conscientes de que, como o Goberno de Touriño e de Quintana, están a vivir os seus últimos tempos… pois os veciños e veciñas de Lugo, tal e como fixeron na Xunta, apostarán polo traballo, polo cambio, apostarán polo Partido Popular”.
Esta familia naceu arredor de cinco irmáns: Paco, Esperanza, Toñito, Juan José (Sé) e Joaquín. Tocoulles vivir tempos difíciles na xuventude, véndose obrigados algúns deles a emigrar. Na reunión estiveron presentes os tres que se ven na foto: Esperanza, Sé e Joaquín, xunto con fillos, sobriños, etc. Unha reunión entrañable, porque había bastante tempo que a familia non se reunía.
Aproveitouse despois para ver o partido entre Almería e Dépor lembrando "as peñas irmáns que hai polo territorio estatal". A peña burelá agarda repetir nova cita antes do remate da actual tempada coa intención de celebrar éxitos dos distintos equipos que compoñen a estrutura do RC Deportivo.
A Garda Civil imputa en calidade de investigada a unha veciña de San Miguel de Reinante de 38 anos de idade como suposta autora dun delito de simulación de delito. A persoa investigada denuncio en dependencias oficiais dous cargos indebidos na súa conta bancaria. Iniciouse entón unha investigación policial comprobando documentalmente que os cargos se corresponden con dúas cotas dun préstamo ao consumo contratado pola investigada e ingresado na súa propia conta. Supostamente a persoa investigada pretendía que a entidade bancaria devolvéselle os importes das cotas domiciliadas tras formular a denuncia ante a Garda Civil. As dilixencias policiais foron remitidas á Autoridade Xudicial
Destacou a súa importancia para preservar a memoria histórica e recoñecer o esforzo das xeracións que converteron o porto de Celeiro nun referente pesqueiro. Puxo en valor o rico patrimonio mariñeiro e cultural da Mariña, facendo fincapé “que esta exposición é unha oportunidade para recoñecer o esforzo e a dedicación das persoas que ao longo de cen anos contribuíron ao crecemento e consolidación do porto celeirense”. A mostra, situada na sede da confraría, inclúe maquetas de barcos, fotografías, vídeos históricos, pinturas dos patróns maiores e obxectos singulares como a acta fundacional e maquinaria antiga. A visita complétase cun percorrido por espazos emblemáticos como a lonxa e o porto. Os actos do centenario culminarán coas XXVIII Xornadas Técnicas de Difusión do Sector Pesqueiro, un referente anual do sector.
Este evento anual destaca pola súa coidada selección musical e por ofrecer unha experiencia única na localidade lucense de Vilalba. Tras o éxito da pasada edición, que superou os 6.000 asistentes e contou con actuacións destacadas como as de Iván Ferreiro, Dorian e El Columpio Asesino, o FIV segue apostando por grandes nomes do indie nacional. As primeiras confirmacións do cartel serán anunciadas nas vindeiras semanas, mantendo a emoción e as expectativas para esta nova cita.
Nesta actuación, que serve de antesala para conmemorar o 25N, Día Internacional da Eliminación da Violencia contra a Muller, a coñecida maga realiza unha defensa da igualdade a través da maxia. O espectáculo é para todos os públicos e celebrarase na Casa dá Cultura de Cariño a partir das 18:30 horas. Conta con entrada libre e gratuíta ata completar aforo, polo que todos os interesados poderán acudir sen ter que realizar unha reserva previa.
Foi recibido no Concello polo alcalde, Dani Vega quen explicou que “dentro das visitas que estamos tendo en Ribadeo, recibimos ao Comandante Naval da Coruña e de Ferrol, o capitán de Fragata Javier García, que nos expuxo todo o tipo de propostas e de colaboracións que vamos ter con eles. E desde logo parécenos unha proposta interesante para tamén ter unha relación cos institutos, cos centros educativos e tamén co traballo que realiza en toda esta zona, desde Ribadeo ata A Coruña”. Vega engadiu: “nosoutros dentro da colaboración que estamos tendo con todas as administracións, creo que é positivo seguir nesta liña”.
