RIBADEO (FNC) .- Mañá xoves reúnense varias comisións informativas previas ao pleno que se celebrará o vindeiro luns 18 de maio e nas que se abordarán cuestións importantes. Segundo explica o alcalde, Fernando Suárez, “unha é a subvención que propoñemos para o plan concertado de servizos sociais deste ano, este acordo que anualmente facemos para que a Xunta nos subvencione parte desa importante aportación municipal e deste eixo básico no que é a distribución de fondos durante o ano en materia de servizos sociais. Si cabe este ano máis incrementada porque finalmente grazas á aprobación deste regulamento de funcionamento do Hospital Asilo de Ribadeo pois podemos metelo, para ver si a Xunta este ano nos da por primeira na historia vez algún tipo de axuda directa a este centro dentro destes plans concertados”.
O rexedor engade que “o gasto global para todos os servizos sociais estimámolo nuns 900.000 euros ao ano, a aportación municipal será de 507.000 e lle pedimos á Xunta 384.000 euros. Aquí queremos consolidar o que a Xunta fixo en todos estes anos nos que realizou un esforzo importante de cara á ampliación de servizos de axuda a domicilio. Algo que nos permitiu duplicar o persoal que tiñamos en axuda a domicilio pasando de 5 a 10 persoas. E agora trátase de consolidar tamén as axudas en vivenda comunitaria, en xantar sobre rodas, en actividades de prevención de dependencia e ao mesmo tempo meter tamén os gastos da residencia municipal, que si ben está xestionada por unha congregación relixiosa, realmente a titularidade última tamén recae no Concello”.
Taller de emprego
No pleno do luns daráse conta das solicitudes formuladas para pedir un novo taller de emprego entre os concellos de Ribadeo e de Castropol. Suárez Barcia sinala que “será un taller de ámbito autonómico onde queremos meter os arranxos da escola de Vilaselán, os do teleclube de Couxela, amaños no forte de San Damián, no cemiterio e mesmo no parque municipal. Para facer todo isto precisaríamos dos módulos que xa temos de albañilería, pintura, axuda a domicilio, carpintería, forestal ou xardinería. Pensamos que son suficientes estes cinco módulos para desenvolver todas estas actividades e esperamos que o ministerio nos revalide a Castropol e Ribadeo a posibilidade de ter un novo taller de emprego”.
Esta familia naceu arredor de cinco irmáns: Paco, Esperanza, Toñito, Juan José (Sé) e Joaquín. Tocoulles vivir tempos difíciles na xuventude, véndose obrigados algúns deles a emigrar. Na reunión estiveron presentes os tres que se ven na foto: Esperanza, Sé e Joaquín, xunto con fillos, sobriños, etc. Unha reunión entrañable, porque había bastante tempo que a familia non se reunía.
Aproveitouse despois para ver o partido entre Almería e Dépor lembrando "as peñas irmáns que hai polo territorio estatal". A peña burelá agarda repetir nova cita antes do remate da actual tempada coa intención de celebrar éxitos dos distintos equipos que compoñen a estrutura do RC Deportivo.
A Garda Civil imputa en calidade de investigada a unha veciña de San Miguel de Reinante de 38 anos de idade como suposta autora dun delito de simulación de delito. A persoa investigada denuncio en dependencias oficiais dous cargos indebidos na súa conta bancaria. Iniciouse entón unha investigación policial comprobando documentalmente que os cargos se corresponden con dúas cotas dun préstamo ao consumo contratado pola investigada e ingresado na súa propia conta. Supostamente a persoa investigada pretendía que a entidade bancaria devolvéselle os importes das cotas domiciliadas tras formular a denuncia ante a Garda Civil. As dilixencias policiais foron remitidas á Autoridade Xudicial
Destacou a súa importancia para preservar a memoria histórica e recoñecer o esforzo das xeracións que converteron o porto de Celeiro nun referente pesqueiro. Puxo en valor o rico patrimonio mariñeiro e cultural da Mariña, facendo fincapé “que esta exposición é unha oportunidade para recoñecer o esforzo e a dedicación das persoas que ao longo de cen anos contribuíron ao crecemento e consolidación do porto celeirense”. A mostra, situada na sede da confraría, inclúe maquetas de barcos, fotografías, vídeos históricos, pinturas dos patróns maiores e obxectos singulares como a acta fundacional e maquinaria antiga. A visita complétase cun percorrido por espazos emblemáticos como a lonxa e o porto. Os actos do centenario culminarán coas XXVIII Xornadas Técnicas de Difusión do Sector Pesqueiro, un referente anual do sector.
Este evento anual destaca pola súa coidada selección musical e por ofrecer unha experiencia única na localidade lucense de Vilalba. Tras o éxito da pasada edición, que superou os 6.000 asistentes e contou con actuacións destacadas como as de Iván Ferreiro, Dorian e El Columpio Asesino, o FIV segue apostando por grandes nomes do indie nacional. As primeiras confirmacións do cartel serán anunciadas nas vindeiras semanas, mantendo a emoción e as expectativas para esta nova cita.
Nesta actuación, que serve de antesala para conmemorar o 25N, Día Internacional da Eliminación da Violencia contra a Muller, a coñecida maga realiza unha defensa da igualdade a través da maxia. O espectáculo é para todos os públicos e celebrarase na Casa dá Cultura de Cariño a partir das 18:30 horas. Conta con entrada libre e gratuíta ata completar aforo, polo que todos os interesados poderán acudir sen ter que realizar unha reserva previa.
Foi recibido no Concello polo alcalde, Dani Vega quen explicou que “dentro das visitas que estamos tendo en Ribadeo, recibimos ao Comandante Naval da Coruña e de Ferrol, o capitán de Fragata Javier García, que nos expuxo todo o tipo de propostas e de colaboracións que vamos ter con eles. E desde logo parécenos unha proposta interesante para tamén ter unha relación cos institutos, cos centros educativos e tamén co traballo que realiza en toda esta zona, desde Ribadeo ata A Coruña”. Vega engadiu: “nosoutros dentro da colaboración que estamos tendo con todas as administracións, creo que é positivo seguir nesta liña”.
