Comeza en San Cibrao o curso de palillar no que participan 13 mulleres
As alumnas acoden a clases os venres pola tarde, onde durante dúas horas aprenden ou melloran as súas destrezas cos palillos
Cervo, 7 de febreiro de 2013-O curso de palillar organizado pola Concellería de Igualdade xa comezou. Nesta actividade, posta en marcha como complemento ao X Encontro de Palilleiras, participan 13 mulleres, que se reúnen todos os venres na Casa da Cultura de San Cibrao entre as 18:00 e as 20:00 horas.
Modesta Lombardero, profesional con anos de experiencia, é a encargada de impartir as clases nas que as alumnas aprenden esta arte tradicional ou melloran as súas técnicas ao tempo que comparten unhas horas de lecer.
Este curso gratuíto ponse en marcha por terceiro ano consecutivo co obxectivo de “achegar esta práctica artesanal á poboación” e ao mesmo tempo “facela visible e mantela viva como patrimonio inmaterial do noso concello e cunha longa tradición”, explica a edil de Igualdade, Pilar Armada. “O día do Encontro podemos ver a destreza e a rapidez coa que manexan os palillos as máis profesionais, pero con este curso o alumnado experimenta esa sensación coas súas propias mans”, engade Armada.
Namentres, a organización do X Encontro de Palilleiras continúa. A Concellería de Igualdade vén traballando dende hai semanas na elaboración do programa así como na preparación de todos os detalles. Ao mesmo tempo, as dúas palilleiras implicadas na organización, Modesta Lombardero e Mariluz Méndez, comezarán a distribuír dípticos informativos deste evento nos encontros e xuntanzas de palilleiras aos que acudan.
Na iniciativa participaron arredor de 500 rapaces e rapazas de secundaria de oito institutos da Mariña. Arias destacou a posibilidade que supuxo para o alumnado poder achegarse a esta modalidade deportiva e agradeceu “a colaboración continuada que prestan neste tipo de actividades”.
Celébranse ata o mércores no CFEA Pedro Murias. O programa inclúe tamén showcookings, presentacións e interesantes charlas como a ofrecida este martes sobre a posible produción de viño na Mariña.
Unha obra contemporánea orientada a público adulto. Venda de entradas: de luns a xoves, no teléfono 982560162, en horario, de 9 a 14,00 horas, ou no correo electrónico rbg.cultura@viveiro.es, e tamén na taquilla do teatro 1 hora antes da función.
Estivo enmarcado dentro dos actos do 25N. Tamén foi unha xornada na que crearon e tiraron de imaxinación co violeta como protagonista, cor símbolo da loita contra a violencia de xénero.
O presunto autor arrincou supostamente o toldo exterior dun establecemento comercial situado neste termo municipal na madrugada do 31 de agosto. A persoa investigada e as dilixencias policiais foron remitidas á Autoridade Xudicial.
Previamente traballou no Hospital de Burela. Beatriz, ainda que orixinaria da Coruña asentouse na Mariña cando veu a traballar a Burela, onde formou a sua familia e onde finalmente se xubilou. A cea foi no Hotel restaurante Nordés, á que asistiron 60 persoas. Recibiu agasallos nos que participaron máis de 100 persoas que coincidiron con ela na Residencia de Maiores de Burela. Deixa unha enorme pegada pola sua labor profesional e humana.
A A.C. Francisco Lanza organiza este venres, 29 de novembro ás 20.30h, na Casa do Viejo Pancho, unha charla coloquio sobre a situación dos medios de comunicación e as relacións destes co poder. Estará impartida por Luis Álvarez Pousa, director da revista "Tempos Novos" e profesor na Facultade de Ciencias da Comunicación da USC. Presentará o acto, Farruco Graña, presidente da ACFL.
