Marcial Sanjurjo solicita a Gómez Besteiro que auxilie ao concello de Ourol na adecuación do vial de Sabucedo
Ourol, 6 de febreiro de 2013.- O rexedor de Ourol, Marcial Sanjurjo Fernández, dirixiuse ao presidente da Deputación de Lugo, José Ramón Gómez Besteiro, a través dun escrito no que solicita ao ente provincial que auxilie ao Concello na adecuación do vial do lugar de Sabucedo.
O popular explica que o mal tempo e as choivas ocasionaron o pasado mes que un desprendemento se levara consigo parte dun vial no lugar de Sabucedo, provocando o aillamento de dúas familias. Ante esta situación, o Concello habilitou un camiño alternativo que lle supuxo un custo de 15.000 euros.
O Concello de Ourol está a traballar na procura dunha solución que solvente esta situación pero dada a dificultade que ten o municipio para afrontar o custe desta adecuación, Marcial Sanjurjo solicita e defende a colaboración doutras administracións públicas.
Así, o rexedor local pídelle a Gómez Besteiro que, en exercicio das súas competencias, colabore co municipio ao igual que se comprometeu a facer con outros concellos para dar solución a unha circunstancia que, todo apunta, a que é idéntica.
Tendo en conta este compromiso con outro municipio e no marco das súas competencias de asistencia, cooperación xurídica, económica e técnicas cos municipios, o popular pídelle á Deputación que auxilie ao concello de Ourol, e que esta colaboración permita dar unha resposta inmediata e definitiva, co obxecto de lograr o restablecemento da circulación segura sobre este vial.
Na iniciativa participaron arredor de 500 rapaces e rapazas de secundaria de oito institutos da Mariña. Arias destacou a posibilidade que supuxo para o alumnado poder achegarse a esta modalidade deportiva e agradeceu “a colaboración continuada que prestan neste tipo de actividades”.
Celébranse ata o mércores no CFEA Pedro Murias. O programa inclúe tamén showcookings, presentacións e interesantes charlas como a ofrecida este martes sobre a posible produción de viño na Mariña.
Unha obra contemporánea orientada a público adulto. Venda de entradas: de luns a xoves, no teléfono 982560162, en horario, de 9 a 14,00 horas, ou no correo electrónico rbg.cultura@viveiro.es, e tamén na taquilla do teatro 1 hora antes da función.
Estivo enmarcado dentro dos actos do 25N. Tamén foi unha xornada na que crearon e tiraron de imaxinación co violeta como protagonista, cor símbolo da loita contra a violencia de xénero.
O presunto autor arrincou supostamente o toldo exterior dun establecemento comercial situado neste termo municipal na madrugada do 31 de agosto. A persoa investigada e as dilixencias policiais foron remitidas á Autoridade Xudicial.
Previamente traballou no Hospital de Burela. Beatriz, ainda que orixinaria da Coruña asentouse na Mariña cando veu a traballar a Burela, onde formou a sua familia e onde finalmente se xubilou. A cea foi no Hotel restaurante Nordés, á que asistiron 60 persoas. Recibiu agasallos nos que participaron máis de 100 persoas que coincidiron con ela na Residencia de Maiores de Burela. Deixa unha enorme pegada pola sua labor profesional e humana.
A A.C. Francisco Lanza organiza este venres, 29 de novembro ás 20.30h, na Casa do Viejo Pancho, unha charla coloquio sobre a situación dos medios de comunicación e as relacións destes co poder. Estará impartida por Luis Álvarez Pousa, director da revista "Tempos Novos" e profesor na Facultade de Ciencias da Comunicación da USC. Presentará o acto, Farruco Graña, presidente da ACFL.
