RAQUEL ARIAS INFORMA AO ALCALDE DE MONDOÑEDO QUE A MESA POLO DESENVOLVEMENTO ECONÓMICO DA ZONA CONVOCARASE NO PRIMEIRO TRIMESTRE DESTE ANO
Lugo, 5 de febreiro de 2013.- A delegada territorial, Raquel Arias, mantivo hoxe unha xuntanza co alcalde de Mondoñedo, Orlando González, na que estudaron diversos proxectos que axuden a reactivar a economía do concello.
Na reunión, que tivo lugar no despacho da representante do Executivo galego na provincia, Arias confirmou ao rexedor mindoniense que a mesa polo desenvolvemento económico da zona será convocada neste primeiro trimestre do ano.
Na xuntanza abordouse tamén a posibilidade de colaboración para dar un novo uso á antiga sede do Inem no concello, trala solicitude realizada polo concello para o uso das instalacións que ocupaba este servizo. Dáse a circunstancia de que o segundo andar do edificio está actualmente ocupado por unha escola infantil do Consorcio Galego de Benestar.
Así mesmo, Arias avaliou co alcalde de Mondoñedo a labor que está a desenvolver no municipio o obradoiro de emprego Terras do Masma, que habilitará un centro de interpretación no Barrio de Vilar. A Consellería de Traballo e Benestar inviste 211.597 euros neste proxecto, que proporciona formación e emprego a 24 traballadores desempregados e está impulsado polos concellos de Mondoñedo, Barreiros e Lourenzá.
Ao respecto, a delegada territorial incidiu en que a cooperación administrativa “é nestes momentos máis necesaria que nunca para maximizar os resultados minimizando os custes, e abordar en común proxectos de futuro para o desenvolvemento da provincia de Lugo”.
O obradoiro é exemplo, ao igual que tamén a comisión de seguimento, da sensibilidade que está a amosar o Executivo galego con Mondoñedo e coa súa contorna para o seu desenvolvemento no momento actual.
Colaboración da Xunta para melloras na vía de Orxal a Pausalido
Por outra banda, Arias abordou tamén co alcalde mindoniense a situación do vial que comunica os núcleos de Orxal e Pausalido. Cómpre lembrar que o Concello de Mondoñedo solicitou a colaboración do Goberno galego no pasado mes de decembro co fin de solucionar a problemática neste camiño, no que a existencia dun noiro dificulta a circulación.
Segundo informou Arias, a Consellería de Medio Ambiente, a pesar de que esta estrada non é de titularidade autonómica, en sinal de cooperación comprometeuse a analizar a situación e proporcionar ao concello un posible diagnóstico, para o que se levou a cabo un informe técnico do caso.
No informe xa rematado aconséllase retirar o material que invade o camiño. Esta retirada deberá facerse dende as zonas laterais, xa que a medida que se elimine material poden producirse novos avances. Tamén se recomenda que por cuestións de seguridade se sitúe a maquinaria nunha posición que posibilite unha evacuación áxil da fronte do deslizamento.
No informe tamén se indica que unha vez que se produza a retirada de material dende os laterais, debe executarse un muro de escollera, deixando unha altura superior ao nivel do terreo no seu extradorso.
Este informe explica que unha forma de proceder alternativa á solución anteriormente indicada radica en tratar de forzar de modo controlado o deslizamento mediante a inxección de auga na greta de tracción. Esta opción non evita a execución dunha escollera de protección a posteriori para garantir a seguridade na vía.
Na iniciativa participaron arredor de 500 rapaces e rapazas de secundaria de oito institutos da Mariña. Arias destacou a posibilidade que supuxo para o alumnado poder achegarse a esta modalidade deportiva e agradeceu “a colaboración continuada que prestan neste tipo de actividades”.
Celébranse ata o mércores no CFEA Pedro Murias. O programa inclúe tamén showcookings, presentacións e interesantes charlas como a ofrecida este martes sobre a posible produción de viño na Mariña.
Unha obra contemporánea orientada a público adulto. Venda de entradas: de luns a xoves, no teléfono 982560162, en horario, de 9 a 14,00 horas, ou no correo electrónico rbg.cultura@viveiro.es, e tamén na taquilla do teatro 1 hora antes da función.
Estivo enmarcado dentro dos actos do 25N. Tamén foi unha xornada na que crearon e tiraron de imaxinación co violeta como protagonista, cor símbolo da loita contra a violencia de xénero.
O presunto autor arrincou supostamente o toldo exterior dun establecemento comercial situado neste termo municipal na madrugada do 31 de agosto. A persoa investigada e as dilixencias policiais foron remitidas á Autoridade Xudicial.
Previamente traballou no Hospital de Burela. Beatriz, ainda que orixinaria da Coruña asentouse na Mariña cando veu a traballar a Burela, onde formou a sua familia e onde finalmente se xubilou. A cea foi no Hotel restaurante Nordés, á que asistiron 60 persoas. Recibiu agasallos nos que participaron máis de 100 persoas que coincidiron con ela na Residencia de Maiores de Burela. Deixa unha enorme pegada pola sua labor profesional e humana.
A A.C. Francisco Lanza organiza este venres, 29 de novembro ás 20.30h, na Casa do Viejo Pancho, unha charla coloquio sobre a situación dos medios de comunicación e as relacións destes co poder. Estará impartida por Luis Álvarez Pousa, director da revista "Tempos Novos" e profesor na Facultade de Ciencias da Comunicación da USC. Presentará o acto, Farruco Graña, presidente da ACFL.
