O PROXECTO BUXIGANGA DA ÁREA DE CULTURA DA DEPUTACIÓN RECIBE O II PREMIO DA FEGATEA Á ANIMACIÓN TEATRAL
Antonio Veiga e Mario Outeiro recolleron este galardón de carácter honorífico que se convoca bianualmente e que foi concecido a esta iniciativa do ente provincial pola súa repercusión no eido da cultura teatral
“Con este premio, Buxiganga, que pon a estructura dunha administración pública ao servizo do pobo, recibe un recoñecemento que esperamos sirva de alicerce ao resto de institucións do país para que se impliquen do mesmo xeito no teatro amador”
Lugo, 9 de decembro de 2012. O vicepresidente da Deputación de Lugo, o nacionalista Antonio Veiga, mailo delegado de Cultura e Turismo da Deputación de Lugo, o nacionalista Mario Outeiro, foron os encargados de recoller o galardón que a Federación Galega de Teatro Afeccionado (FEGATEA) concedeu, na súa segunda edición, ao Proxecto Teatral Buxiganga, promovido pola área de Cultura do ente provincial. O premio foi entregado pola presidenta da Federación, Chelo Pampillón, nun acto que tivo lugar no Salón Teatro de Santiago de Compostela, na tarde de hoxe.
A FEGATEA, que agrupa arredor de 60 grupos de teatro afeccionado e asociacións culturais de toda Galiza, convoca este galardón de carácter honorífico bianualmente, e nesta ocasión, a súa Xunta directiva decidiu outorgarlle este premio á animación teatral ao Proxecto Buxiganga, pola súa repercusión no eido da cultura teatral, en xeral, e do teatro afeccionado na provincia de Lugo, en particular.
A concesión deste premio supón un recoñecemento a un traballo que se remonta ao ano 2009 e cuxo último obxectivo é achegar o teatro a poboacións pequenas que acostuman a quedar fóra dos circuítuos habituais da programación cultural, fomentando así a creación de novas asociacións e grupos de teatro afeccionado. Un proxecto que, ademais, pretende estimular a formación ofrecendo cursos para afeccionados impartidos por actrices e actores galegos de gran prestixio, e accións formativas para persoas que se adican profesionalmente a isto, algo que xurdiu como novidade nesta edición.
Durante a súa intervención, Antonio Veiga explicou que “no eido cultural, Lugo, como boa provincia de interior, queda fóra do Eixo Atlántico, salvo puntos e lugares concretos, polo que estábamos un pouco adormecidos até fai ben pouco. Nos últimos anos, cando todos ían cara atrás, co noso pulo comezamos a ter actividades que até ese momento eran impensábeis, como é o caso de Buxiganga. En Lugo todo semellaba máis difícil, quizais por iso este proxecto teña moito máis mérito”.
“Buxiganga – continuou o vicepresidente- é un proxecto integral, completo, pero sobre todo é saúde; saúde dun pobo que está moi vivo e que non quere que lle quiten o que lle pertence, un pobo que sen cultura perdería moitos anos de vida, que en moitos sitios xa os está a perder como se dunha praga se tratase. Por iso, vos agradecemos este premio á Fegatea e a todas aquelas persoas que formades parte de Buxiganga, porque vós mellor que ninguén coñecedes a realidade do país, o difícil da existencia de proxectos coma o noso que deben e teñen que continuar así como unha sanidade ou unha educación universal e gratuíta”.
Pola súa banda, Mario Outeiro sinalou que “con este premio, Buxiganga, que é un proxecto que pretende achegar o teatro a todo o mundo e que pon a estructura dunha administración pública ao servizo do pobo, recibe un recoñecemento que esperamos sirva de alicerce ao resto de institucións do país para que se impliquen do mesmo xeito no teatro amador”.
Na iniciativa participaron arredor de 500 rapaces e rapazas de secundaria de oito institutos da Mariña. Arias destacou a posibilidade que supuxo para o alumnado poder achegarse a esta modalidade deportiva e agradeceu “a colaboración continuada que prestan neste tipo de actividades”.
Celébranse ata o mércores no CFEA Pedro Murias. O programa inclúe tamén showcookings, presentacións e interesantes charlas como a ofrecida este martes sobre a posible produción de viño na Mariña.
Unha obra contemporánea orientada a público adulto. Venda de entradas: de luns a xoves, no teléfono 982560162, en horario, de 9 a 14,00 horas, ou no correo electrónico rbg.cultura@viveiro.es, e tamén na taquilla do teatro 1 hora antes da función.
Estivo enmarcado dentro dos actos do 25N. Tamén foi unha xornada na que crearon e tiraron de imaxinación co violeta como protagonista, cor símbolo da loita contra a violencia de xénero.
O presunto autor arrincou supostamente o toldo exterior dun establecemento comercial situado neste termo municipal na madrugada do 31 de agosto. A persoa investigada e as dilixencias policiais foron remitidas á Autoridade Xudicial.
Previamente traballou no Hospital de Burela. Beatriz, ainda que orixinaria da Coruña asentouse na Mariña cando veu a traballar a Burela, onde formou a sua familia e onde finalmente se xubilou. A cea foi no Hotel restaurante Nordés, á que asistiron 60 persoas. Recibiu agasallos nos que participaron máis de 100 persoas que coincidiron con ela na Residencia de Maiores de Burela. Deixa unha enorme pegada pola sua labor profesional e humana.
A A.C. Francisco Lanza organiza este venres, 29 de novembro ás 20.30h, na Casa do Viejo Pancho, unha charla coloquio sobre a situación dos medios de comunicación e as relacións destes co poder. Estará impartida por Luis Álvarez Pousa, director da revista "Tempos Novos" e profesor na Facultade de Ciencias da Comunicación da USC. Presentará o acto, Farruco Graña, presidente da ACFL.
