Estúa cobra tanto de asesor do BNG na Deputación como os 3 edís con dedicación parcial do Concello de Cervo xuntos
Cervo, 12 de xullo de 2012-O asesor do BNG na Deputación e edil do grupo municipal nacionalista de Cervo, Xosé Antón Estúa, percibe ao ano 24.000 euros polo seu cargo de asesor, tanto como os 3 edís que contan con dedicación parcial no Concello de Cervo xuntos. Polo tanto, para a edil de Facenda, Tania González, “antes de criticar as dedicacións dos concelleiros, persoas con competencias de goberno e cuxas decisións repercuten na vida dun pobo, o señor asesor debería mirarse a si mesmo e o seu soldo, e valorar se a súa función o merece”.
“O asesor do BNG na Deputación non coñece a palabra verdade” asegura Gozález, xa que “coa reorganización do goberno e coa entrada de Pilar Armada no goberno local, o gasto político redúcese en 11.200 euros”. Para a edil, “o señor asesor busca e rebusca entre os documentos para tentar atopar datos que prexudiquen ao goberno, e como non encontra, inventa e terxiversa”.
Ao mesmo tempo, González asegura que “o señor asesor se caracteriza por ser protagonista do que el mesmo critica”. Estúa “pasou meses arremetendo contra as figuras dos asesores, cando el mesmo é asesor, o único que hai no Concello de Cervo; e agora critica as dedicacións dos edís, cando el mesmo cobra como tres concelleiros xuntos” engade a responsable de Facenda. “Coas súas declaracións só demostra que é un asesor que non sabe nin asesorarse a si mesmo” explica a edil, “porque se fose un bo profesional sabería que cando non se leva razón é mellor calar”.
Aínda así, a edil non se amosa sorprendida pola “falta de dilixencia” do asesor á hora de desenvolver o seu traballo, porque “xa nos ten acostumados a auténticos desastres en materia de asesoramento á Deputación”. Un dos exemplos máis recentes foi “a brillante idea de publicar un anuncio criticando o crédito da Unión Europea á banca española baixo o selo da Vicepresidencia Primeira da Deputación” de xeito que “o BNG utilizou de forma partidista medios institucionais que só se deben utilizar para cuestións de goberno e xestión administrativa”. Para González “non se pode agardar moito dun asesor como Estúa, que recomenda semellante disparate”.
Na iniciativa participaron arredor de 500 rapaces e rapazas de secundaria de oito institutos da Mariña. Arias destacou a posibilidade que supuxo para o alumnado poder achegarse a esta modalidade deportiva e agradeceu “a colaboración continuada que prestan neste tipo de actividades”.
Celébranse ata o mércores no CFEA Pedro Murias. O programa inclúe tamén showcookings, presentacións e interesantes charlas como a ofrecida este martes sobre a posible produción de viño na Mariña.
Unha obra contemporánea orientada a público adulto. Venda de entradas: de luns a xoves, no teléfono 982560162, en horario, de 9 a 14,00 horas, ou no correo electrónico rbg.cultura@viveiro.es, e tamén na taquilla do teatro 1 hora antes da función.
Estivo enmarcado dentro dos actos do 25N. Tamén foi unha xornada na que crearon e tiraron de imaxinación co violeta como protagonista, cor símbolo da loita contra a violencia de xénero.
O presunto autor arrincou supostamente o toldo exterior dun establecemento comercial situado neste termo municipal na madrugada do 31 de agosto. A persoa investigada e as dilixencias policiais foron remitidas á Autoridade Xudicial.
Previamente traballou no Hospital de Burela. Beatriz, ainda que orixinaria da Coruña asentouse na Mariña cando veu a traballar a Burela, onde formou a sua familia e onde finalmente se xubilou. A cea foi no Hotel restaurante Nordés, á que asistiron 60 persoas. Recibiu agasallos nos que participaron máis de 100 persoas que coincidiron con ela na Residencia de Maiores de Burela. Deixa unha enorme pegada pola sua labor profesional e humana.
A A.C. Francisco Lanza organiza este venres, 29 de novembro ás 20.30h, na Casa do Viejo Pancho, unha charla coloquio sobre a situación dos medios de comunicación e as relacións destes co poder. Estará impartida por Luis Álvarez Pousa, director da revista "Tempos Novos" e profesor na Facultade de Ciencias da Comunicación da USC. Presentará o acto, Farruco Graña, presidente da ACFL.
