O CONCELLO PORÁ EN MARCHA O PROXECTO TOMANDO DAS RENDAS PARA FOMENTAR O AUTOEMPREGO E O EMPRENDEMENTO ENTRE AS MULLERES. A PRIMEIRA DAS XORNADAS TERÁ LUGAR O VINDEIRO 6 DE XULLO. AS INTERESADAS XA PODEN ANOTARSE.
Ribadeo, 5 de xuño de 2012. O Concello de Ribadeo, a través das Concellarías de Desenvolvemento Local, Mocidade e Novas Tecnoloxías e o Centro de Información ás Mulleres, en colaboración coa Axencia para a Modernización Tecnolóxica de Galicia (AMTEGA), porán en marcha o proxecto Tomando as rendas, co que se pretende fomentar o autoemprego e o emprendemento entre as mulleres.
O proxecto constará de 3 fases: unha primeira que será unha xornada de sensibilización e captación, outra de formación en novas tecnoloxías e xestión de empresa e unha terceira fase de elaboración do plan de empresa.
A través deste proxecto as participantes disporán dos servizos de:
-Formación específica sobre o emprendemento e plan de empresa.
-Titorización e acompañamento permanente sobre o plan de empresa .
-Formación presencial en capacitación dixital a través da posta en marcha dun itinerario dixital adaptado ás necesidades das participantes.
-Posibilidade de participar nunha rede social.
En definitiva, quérese con esta formación que as usuarias participantes estean preparadas para afrontar os retos que supón a elaboración dun Plan de empresa e a xestión do seu negocio , así como reflexionar e aprender como madurar as ideas de negocio.
A primeira xornada levárase a cabo o 6 de xullo e terá lugar no Telecentro a través de videocolaboración. En total poderán participar ata 10 mulleres con motivación para emprender.Esta primeira sesión será unha xornada informativa sobre o proxecto.
Aquelas mulleres que desexen participar poderán apuntarse na Área de Desenvolvemento Local: 982 128 650 ou adl@ribadeo.org, no Telecentro de Ribadeo: 982 120 732 ou telecentro@ribadeo.org e no CIM: 982 120 732 ou cim@ribadeo.org
O presunto autor arrincou supostamente o toldo exterior dun establecemento comercial situado neste termo municipal na madrugada do 31 de agosto. A persoa investigada e as dilixencias policiais foron remitidas á Autoridade Xudicial.
Previamente traballou no Hospital de Burela. Beatriz, ainda que orixinaria da Coruña asentouse na Mariña cando veu a traballar a Burela, onde formou a sua familia e onde finalmente se xubilou. A cea foi no Hotel restaurante Nordés, á que asistiron 60 persoas. Recibiu agasallos nos que participaron máis de 100 persoas que coincidiron con ela na Residencia de Maiores de Burela. Deixa unha enorme pegada pola sua labor profesional e humana.
A A.C. Francisco Lanza organiza este venres, 29 de novembro ás 20.30h, na Casa do Viejo Pancho, unha charla coloquio sobre a situación dos medios de comunicación e as relacións destes co poder. Estará impartida por Luis Álvarez Pousa, director da revista "Tempos Novos" e profesor na Facultade de Ciencias da Comunicación da USC. Presentará o acto, Farruco Graña, presidente da ACFL.
Na súa representación estivo o seu Presidente, José Veiga, apoiado pola Alcaldesa, María Loureiro, compañeiros da Xunta de Confrarías e Monseñor Fernando García Cadiñanos, Bispo de Mondoñedo-Ferrol que á súa vez contaba coa compañía do Párroco D. Xosé Ramón Escourido Basanta.
Reclamaron unha xuntanza urxente para abordar a situación da fábrica e maior implicación dos goberntos estatal e autonómico.
Os seus editores, Carlos Baliñas Pérez (USC) e Carlos Andrés González Paz (IEGPS), acompañados pola directora do Museo Provincial de Lugo, Aurelia Balseiro, explicaron o contido do libro, que constitúe unha revisión diacrónica da traxectoria histórica da vila de Castro d’Ouro desde a Idade do Ferro ata finais do Antigo Réxime e que reúne os relatorios presentados por expertos de recoñecida traxectoria investigadora durante as “Xornadas de Estudos Históricos”, (2 e 3 de outubro de 2020, centro sociocultural de Alfoz), con motivo do octinxentésimo aniversario da vila de Castro d´Ouro (1220-2020).
Esta familia naceu arredor de cinco irmáns: Paco, Esperanza, Toñito, Juan José (Sé) e Joaquín. Tocoulles vivir tempos difíciles na xuventude, véndose obrigados algúns deles a emigrar. Na reunión estiveron presentes os tres que se ven na foto: Esperanza, Sé e Joaquín, xunto con fillos, sobriños, etc. Unha reunión entrañable, porque había bastante tempo que a familia non se reunía.
