BARREIROS .- O delegado da Área de Deporte da Deputación de Lugo, Antonio Veiga, presentou hoxe o programa do II Torneo Iber-Celta de Fútbol Base 2009 nas dependencias do Concello de Barreiros. No acto estiveron presentes o padriño do concurso, o xogador de fútbol Juan Carlos Valerón, o rexedor da localidade, Alfonso Fuente, e o coordinador do evento e xerente de Oxem Sports, Diego Villalba Fiallega.
Nota de Prensa
A ÁREA DE DEPORTES DA DEPUTACIÓN COLABORA NO II TORNEO IBER-CELTA DE FÚTBOL BASE QUE SE CELEBRA NO CONCELLO DE BARREIROS
Antonio Veiga salientou que a súa área apoia incondicionalmente a todas entidades ou clubs que traballen en prol da promoción e do fomento
do deporte de base
LUGO, 10 de marzo de 2009. O delegado da Área de Deporte da Deputación de Lugo, Antonio Veiga, presentou hoxe o programa do II Torneo Iber-Celta de Fútbol Base 2009 nas dependencias do Concello de Barreiros. No acto estiveron presentes o padriño do concurso, o xogador de fútbol Juan Carlos Valerón, o rexedor da localidade, Alfonso Fuente, e o coordinador do evento e xerente de Oxem Sports, Diego Villalba Fiallega.
No transcurso da rolda de prensa, Antonio Veiga recalcou que a Área de Deportes presta “o seu apoio incondicional” a todas aquelas entidades ou clubs “que traballen día a día en prol da promoción e do fomento do deporte de base”. Este plan englóbase dentro dun proxecto de revalorización e potenciación de determinadas disciplinas deportivas ao longo de toda a xeografía lucense. Un xeito máis de achegar estas prácticas a todos os lucenses, poñendo especial énfase na formación dos máis novos, “as futuras promesas do noso deporte”. Nesta liña, o nacionalista lembrou que a posta en marcha deste tipo de eventos fai da Mariña Lucense e da zona máis occidental de Asturias todo un referente neste eido.
Unha categoría xuvenil e un partido para os veteranos
Este é o segundo ano que a localidade de Barreiros acolle un torneo de fútbol cunhas características semellantes baixo a modalidade de campionato cuadrangular. Como novidade, nesta segunda edición, destaca a configuración de dous grupos de competición en categoría xuvenil, tal e como comentou durante a rolda de prensa o organizador do evento, Diego Villalba Fiallega. O obxectivo desta medida é o de “achegar o deporte de alto nivel á Mariña a través das categorías de base dos clubs con representación na división de honra xuvenil”, asegurou o tamén xerente de Oxem Sports. Os partidos disputaranse nos campos das Valgas e do Cascabeiro.
Neste torneo cuadrangular participan os equipos Athletic Club de Bilbao, o R.C. Deportivo da Coruña, o Valencia C.F. e o Victoria Spot Club de Guimaraes no grupo A e os equipos Astur Vegadense F.C., o Iberia C.F., o S.D. Burela e o Viveiro C.F. no grupo B. Como actividade, de xeito complementario ao torneo, desenvolverase un campionato de veteranos no que participarán os antigos xogadores do Deportivo da Coruña, do Celta de Vigo e da selección de veteranos de Barreiros.
HORARIOS DOS PARTIDOS:
SÁBADO 14
| 10:30 horas | Viveiro C.F. – S.D. Burela (grupo xuvenil B) | Cascabeleiro |
| 10:30 horas | Iberia C.F. -Astur Vegadense (xuvenil grupo B) | As Valgas |
| 12:00 horas | R.C. Deportivo – Valencia C.F. (xuvenil grupo A) | Cascabeleiro |
| 12:00 horas | Athlétic C. de Bilbao – Vitoria S.C. de Guimaraes (grupo xuvenil B) | As Valgas |
| 16:00 horas | 3×1 Veteranos R.C Deportivo- Selección de Barreiros- Celta de Vigo | Cascabeleiro |
| 18:00 horas | 3º e 4º posto (xuvenil grupo A) | Cascabeleiro |
DOMINGO 15 (FINAL)
| 11:00 horas | Final xuvenil grupo B | As Valgas |
| 12:30 horas | Final xuvenil grupo A | As Valgas |
| 14:00 horas | Entrega de trofeos aos equipos participantes |
Esta familia naceu arredor de cinco irmáns: Paco, Esperanza, Toñito, Juan José (Sé) e Joaquín. Tocoulles vivir tempos difíciles na xuventude, véndose obrigados algúns deles a emigrar. Na reunión estiveron presentes os tres que se ven na foto: Esperanza, Sé e Joaquín, xunto con fillos, sobriños, etc. Unha reunión entrañable, porque había bastante tempo que a familia non se reunía.
Aproveitouse despois para ver o partido entre Almería e Dépor lembrando "as peñas irmáns que hai polo territorio estatal". A peña burelá agarda repetir nova cita antes do remate da actual tempada coa intención de celebrar éxitos dos distintos equipos que compoñen a estrutura do RC Deportivo.
A Garda Civil imputa en calidade de investigada a unha veciña de San Miguel de Reinante de 38 anos de idade como suposta autora dun delito de simulación de delito. A persoa investigada denuncio en dependencias oficiais dous cargos indebidos na súa conta bancaria. Iniciouse entón unha investigación policial comprobando documentalmente que os cargos se corresponden con dúas cotas dun préstamo ao consumo contratado pola investigada e ingresado na súa propia conta. Supostamente a persoa investigada pretendía que a entidade bancaria devolvéselle os importes das cotas domiciliadas tras formular a denuncia ante a Garda Civil. As dilixencias policiais foron remitidas á Autoridade Xudicial
Destacou a súa importancia para preservar a memoria histórica e recoñecer o esforzo das xeracións que converteron o porto de Celeiro nun referente pesqueiro. Puxo en valor o rico patrimonio mariñeiro e cultural da Mariña, facendo fincapé “que esta exposición é unha oportunidade para recoñecer o esforzo e a dedicación das persoas que ao longo de cen anos contribuíron ao crecemento e consolidación do porto celeirense”. A mostra, situada na sede da confraría, inclúe maquetas de barcos, fotografías, vídeos históricos, pinturas dos patróns maiores e obxectos singulares como a acta fundacional e maquinaria antiga. A visita complétase cun percorrido por espazos emblemáticos como a lonxa e o porto. Os actos do centenario culminarán coas XXVIII Xornadas Técnicas de Difusión do Sector Pesqueiro, un referente anual do sector.
Este evento anual destaca pola súa coidada selección musical e por ofrecer unha experiencia única na localidade lucense de Vilalba. Tras o éxito da pasada edición, que superou os 6.000 asistentes e contou con actuacións destacadas como as de Iván Ferreiro, Dorian e El Columpio Asesino, o FIV segue apostando por grandes nomes do indie nacional. As primeiras confirmacións do cartel serán anunciadas nas vindeiras semanas, mantendo a emoción e as expectativas para esta nova cita.
Nesta actuación, que serve de antesala para conmemorar o 25N, Día Internacional da Eliminación da Violencia contra a Muller, a coñecida maga realiza unha defensa da igualdade a través da maxia. O espectáculo é para todos os públicos e celebrarase na Casa dá Cultura de Cariño a partir das 18:30 horas. Conta con entrada libre e gratuíta ata completar aforo, polo que todos os interesados poderán acudir sen ter que realizar unha reserva previa.
Foi recibido no Concello polo alcalde, Dani Vega quen explicou que “dentro das visitas que estamos tendo en Ribadeo, recibimos ao Comandante Naval da Coruña e de Ferrol, o capitán de Fragata Javier García, que nos expuxo todo o tipo de propostas e de colaboracións que vamos ter con eles. E desde logo parécenos unha proposta interesante para tamén ter unha relación cos institutos, cos centros educativos e tamén co traballo que realiza en toda esta zona, desde Ribadeo ata A Coruña”. Vega engadiu: “nosoutros dentro da colaboración que estamos tendo con todas as administracións, creo que é positivo seguir nesta liña”.
