Lugo, elixida pola FEMP para redefinir as Deputacións
– É a única Deputación galega seleccionada para o grupo de traballo da Federación Española de Municipios e Provincias
– Gómez Besteiro é, ademais, o único representante galego en dito grupo cuxa próxima reunión será o 3 de maio en Madrid
A Deputación de Lugo foi unha das seleccionadas para definir cal debe ser o papel dos Gobernos Locais intermedios na conxuntura actual e de cara á futura reforma de dous marcos normativos esenciais do municipalismo: a Lei de Goberno Local e a Lei de Financiamento Local. Esta foi unha das decisións adoptadas polos Presidentes das Deputacións españolas reunidos hoxe en Valencia no marco da Comisión de Deputacións provinciais, Cabildos e Consellos Insulares. José Ramón Gómez Besteiro será o único representante galego que formará parte do grupo de traballo xunto cos oito mandatarios das Deputacións de Valencia, Huelva, Alicante, Badajoz, Castellón, Guadalajara, Palencia e Tarragona.
O 3 de maio terá lugar en Madrid a vindeira reunión deste grupo de traballo. Queda por diante unha intensa axenda na que, tendo en conta o momento económico actual, a prioridade na toma de decisións será a prestación de servizos municipais mediante o traballo en Rede.
Precisamente, esta é a ferramenta estratéxica que define as políticas de actuación do Goberno provincial lugués á vista dos escasos recursos económicos e técnicos dos que dispoñen os Concellos. Mostra delo, o Sistema de Recadación co que a Deputación está a aforrar miles de euros ós 54 municipios que, de xeito voluntario, se adheriron a este servizo, que evita as entidades locais gastos de persoal, equipamento ou aplicacións informaticas. Outros exemplo son a prestación a custe cero de servizos como o asesoramento xurídico, a asistencia técnica económico-financeira e urbanística ou as auditorias enerxéticas.
Unha persoa esqueceu unha pota no lume. Queimouse todo o contido do recipiente e a vivenda encheuse de fume, por iso deberon intervir os Bombeiros de Viveiro, para poder ventilar e garantir a habitabilidade. Ninguén resultou ferido. Tampouco dúas mascotas que estaban dentro do inmoble. Quen avisou ao 112 Galicia ás 13:30 horas de hoxe eran os propios afectados, que vían saír fume da súa casa, situada na Rúa Grande, en Celeiro.
Este colectivo organiza, un ano máis, o V Encontro de Camións, que terá lugar na Alameda ortegana este venres e sábado. O encontro serviu para presentar a camiseta oficial desta quinta edición.
Este xoves gardouse un minuto de silencio ante a Casa do Concello, como xesto símbólico en solidariedade coas familias das persoas falecidas e desaparecidas, e con todas as persoas que resultaron vítimas, dun ou doutro xeito, da devastadora DANA que afectou sobre todo, á Comunidade Valenciana e a Castela A Mancha. As bandeiras tamén locen a media asta en sinal de loito.
Os feitos delituosos tiveron lugar o pasado día 18 de outubro, no interior dun establecemento comercial de Ribadeo, cando supostamente a persoa investigada aproveitando un descoido da propietaria do local subtraeu dous aneis dun expositor. No marco da investigación logrouse recuperar un dos obxectos subtraídos, continuando xestións para localizar e recuperar o outro. As dilixencias policiais e a persoa investigada foron postos ao dispor xudicial.
O pasado sábado, 26 de outubro, tivo lugar na Pousada do Almacén en Cervo unha emotiva xuntaza do antigo alumnado do Cole de Cervo dende a xeración de 1977 ata 2006 para homenaxear a súa mestra Lila, con motivo da súa xubilación, estando acompañada polo seu inseparable Toño (tamén mestre no Centro). Lila foi unha carismática mestra que impartíu no Colexio Público de Cervo dende comezos da década dos 90 ata xuño pasado. Máis de 70 persoas asistiron á cea e unhas 110 participaron nos distintos agasallos entregados ao remate cos respectivos discursos. A homenaxe continuou logo no Muíño para rememorar anécdotas dos tempos mozos das persoas asistentes.
A edil Begoña Sanjurjo explicou que “foi unha xornada de convivencia e desconexión do mundanal ruído”. E contou que “a meteoroloxía deixounos desfrutar da contorna do balneario e da área recreativa da Carballeira en Parga, onde comemos”. A concelleira de Igualdade dixo que “foi unha experiencia que nos deixou gañas de repetir”.
Destinado ao público infantil e familiar a partir dos 3 anos. O espectáculo trata a temática da memoria, da vellez, da demencia, da soidade e da dura e esixente tarefa de coidar as persoas maiores e enfermas. Será ás 18 horas.
