Nota de prensa
O Colectivo Cultural Ollomao lembra que este sábado terá lugar unha xuntanza para participar na reinterpretación da obra teatral “Os vellos non deben namorarse”.
Todas as persoas que queiran participar na nova posta en marcha da obra teatral de Castelao, teñen unha cita este sábado, 3 de marzo, as 19.30h. no Canteiro (San Pedro de Benquerencia).
O Colectivo Cultural Ollomao, de Barreiros, quere lembrar que o sábado, 3 de Marzo haberá unha xuntanza ás 19:30h. no Canteiro (antigas escolas de San Pedro de Benquerencia) á cal quedan convidadas todas as persoas interesadas en participar na reinterpretación da obra teatral “Os vellos non deben namorarse” de Castelao. Dende o colectivo barreirense insisten en que “se buscan participantes e colaboradores, non unicamente para a interpretación, tamén para aquelas outras labores vencelladas á posta en escena dunha obra teatral: costura e vestiario, maquillaxe e caracterización, elaboración de decorados, imaxe, son, escenografía, música, etc.”
Dende Ollomao sinalan tamén que xa está en marcha a organización do II Roteiro Fotográfico, que terá lugar no mes de marzo polos arredores da paraxe natural de Sto. Estevo do Ermo, en San Cosme de Barreiros. A elección deste roteiro está vencellada ao II Certame Fotográfico Enfocando Barreiros que organiza o colectivo barreirense, e que nesta edición leva por tema “Os ríos no obxectivo”. O prazo para a presentación de fotografías participantes remata o vindeiro 18 de marzo.
Todas as persoas interesadas nestas e outras actividades do Colectivo Cultural Ollomao poden consultar máis información no blog: http://www.blogoteca.com/ollomao/ e no perfil de Facebook: http://www.facebook.com/colectivoculturalollomao; ou ben enviar as súas consultas e/ou suxestións ao enderezo electrónico: colectivo.cultural.ollomao@gmail.com.
Na iniciativa participaron arredor de 500 rapaces e rapazas de secundaria de oito institutos da Mariña. Arias destacou a posibilidade que supuxo para o alumnado poder achegarse a esta modalidade deportiva e agradeceu “a colaboración continuada que prestan neste tipo de actividades”.
Celébranse ata o mércores no CFEA Pedro Murias. O programa inclúe tamén showcookings, presentacións e interesantes charlas como a ofrecida este martes sobre a posible produción de viño na Mariña.
Unha obra contemporánea orientada a público adulto. Venda de entradas: de luns a xoves, no teléfono 982560162, en horario, de 9 a 14,00 horas, ou no correo electrónico rbg.cultura@viveiro.es, e tamén na taquilla do teatro 1 hora antes da función.
Estivo enmarcado dentro dos actos do 25N. Tamén foi unha xornada na que crearon e tiraron de imaxinación co violeta como protagonista, cor símbolo da loita contra a violencia de xénero.
O presunto autor arrincou supostamente o toldo exterior dun establecemento comercial situado neste termo municipal na madrugada do 31 de agosto. A persoa investigada e as dilixencias policiais foron remitidas á Autoridade Xudicial.
Previamente traballou no Hospital de Burela. Beatriz, ainda que orixinaria da Coruña asentouse na Mariña cando veu a traballar a Burela, onde formou a sua familia e onde finalmente se xubilou. A cea foi no Hotel restaurante Nordés, á que asistiron 60 persoas. Recibiu agasallos nos que participaron máis de 100 persoas que coincidiron con ela na Residencia de Maiores de Burela. Deixa unha enorme pegada pola sua labor profesional e humana.
A A.C. Francisco Lanza organiza este venres, 29 de novembro ás 20.30h, na Casa do Viejo Pancho, unha charla coloquio sobre a situación dos medios de comunicación e as relacións destes co poder. Estará impartida por Luis Álvarez Pousa, director da revista "Tempos Novos" e profesor na Facultade de Ciencias da Comunicación da USC. Presentará o acto, Farruco Graña, presidente da ACFL.
