Nota de prensa
As medidas postas en servizo garanten o abastecemento á unha poboación de 10.000 habitantes que se multiplica por tres en época estival
A Xunta duplica a capacidade de subministro de auga potable aos cidadáns de Foz coa construción de dous novos depósitos e a renovación da estación potabilizadora (ETAP)
O Goberno galego investiu máis de dous millóns de euros nesta actuación
As obras permiten duplicar a capacidade de depósito existente, pasando dos 3.900 metros cúbicos de achega no depósito de Foz, aos 8.000 metros cúbicos
Tamén se levou a cabo a limpeza e dragado da captación existente no río Ouro e se renovou a tubaxe de impulsión
O conselleiro de Medio Ambiente, Territorio e Infraestruturas supervisou as obras realizadas
Foz (Lugo), 8 de febreiro de 2012.- A rede de abastecemento do concello de Foz vén de experimentar un importante aumento na súa dotación, así como na calidade das súas augas, grazas ás obras de mellora executadas pola Xunta de Galicia.
Segundo explicou hoxe o conselleiro de Medio Ambiente, Territorio e Infraestruturas, Agustín Hernández, as obras, nas que se investiron 2,4 millóns de euros (un 90% financiados pola Xunta e o 10% restante, polo concello), permiten duplicar a capacidade de depósito existente, pasando dos 3.900 metros cúbicos de achega no depósito de Foz, aos 8.000 metros cúbicos.
Esta mellora permite garantir o abastecemento á poboación de Foz (preto de 10.000 habitantes), que se adoita triplicar na temporada de verán, chegando aos 30.000 habitantes.
En concreto, as obras desenvolvéronse en cinco ámbitos:
Limpeza e dragado da captación existente no río Ouro: limpouse a vexetación e dragouse para aumentar o caudal dispoñible.
Condución captación – ETAP de Foz (lonxitude 3.400 m.): está formada por treito natural e canle de formigón aberta (con e sen tubo) e pechada.
Na canle natural (1.026 m.): limpeza de vexetación, dagrado e estabilización de marxes.
Na canle de formigón: entubación con tubaxe de diámetro de 630 mm. tanto nos tramos abertos non entubados como nos tramos pechados.
Renovación da ETAP existente en Foz: renovación da estrutura metálica dos cinco filtros de area e as instalacións interiores de saída da auga tratada, liña de aire e lavado de filtros polo estado deficiente e envellecido que presentaban. Executáronse novas válvulas de mariposa e tuberías de conexión entre os filtros e as bombas existentes con aceiro inoxidable. Isto permite aumentar o rendemento da planta e garantir o caudal de bombeo, duns 300 m3/h.
Dous novos depósitos de 4.000 m3 cada un en Fazouro: executáronse dous novos depósitos “in situ” con cámara de chaves, que aumenta a capacidade de regulación e almacenamento da rede en 4.000 m3. Anteriormente tan só existía un depósito de 3.900 metros cúbicos.
Renovación da tubaxe de impulsión e dun tramo da de distribución: Renovouse a tubaxe de impulsión desde a ETAP aos depósitos (844 m. de FD400) e o primeiro tramo da tubaxe de distribución desde os depósitos á rede existente (757 m. de FD350).
Investimentos no concello
Coa mellora da rede de abastecemento de Foz, complétase un investimento de preto de 13 millóns de euros en proxectos rematados no concello no que vai de lexislatura , nos que se inclúen o saneamento nas parroquias de San Martiño (2ª fase) e Santa Cilla, o saneamento en Foz e Barreiros así como a mellora na rede de pluviais na avenida da Mariña. Ademais, estase a redactar un estudo previo para acordar a situación da EDAR de Forxán.
Reclamaron unha xuntanza urxente para abordar a situación da fábrica e maior implicación dos goberntos estatal e autonómico.
Os seus editores, Carlos Baliñas Pérez (USC) e Carlos Andrés González Paz (IEGPS), acompañados pola directora do Museo Provincial de Lugo, Aurelia Balseiro, explicaron o contido do libro, que constitúe unha revisión diacrónica da traxectoria histórica da vila de Castro d’Ouro desde a Idade do Ferro ata finais do Antigo Réxime e que reúne os relatorios presentados por expertos de recoñecida traxectoria investigadora durante as “Xornadas de Estudos Históricos”, (2 e 3 de outubro de 2020, centro sociocultural de Alfoz), con motivo do octinxentésimo aniversario da vila de Castro d´Ouro (1220-2020).
Esta familia naceu arredor de cinco irmáns: Paco, Esperanza, Toñito, Juan José (Sé) e Joaquín. Tocoulles vivir tempos difíciles na xuventude, véndose obrigados algúns deles a emigrar. Na reunión estiveron presentes os tres que se ven na foto: Esperanza, Sé e Joaquín, xunto con fillos, sobriños, etc. Unha reunión entrañable, porque había bastante tempo que a familia non se reunía.
Aproveitouse despois para ver o partido entre Almería e Dépor lembrando "as peñas irmáns que hai polo territorio estatal". A peña burelá agarda repetir nova cita antes do remate da actual tempada coa intención de celebrar éxitos dos distintos equipos que compoñen a estrutura do RC Deportivo.
A Garda Civil imputa en calidade de investigada a unha veciña de San Miguel de Reinante de 38 anos de idade como suposta autora dun delito de simulación de delito. A persoa investigada denuncio en dependencias oficiais dous cargos indebidos na súa conta bancaria. Iniciouse entón unha investigación policial comprobando documentalmente que os cargos se corresponden con dúas cotas dun préstamo ao consumo contratado pola investigada e ingresado na súa propia conta. Supostamente a persoa investigada pretendía que a entidade bancaria devolvéselle os importes das cotas domiciliadas tras formular a denuncia ante a Garda Civil. As dilixencias policiais foron remitidas á Autoridade Xudicial
Destacou a súa importancia para preservar a memoria histórica e recoñecer o esforzo das xeracións que converteron o porto de Celeiro nun referente pesqueiro. Puxo en valor o rico patrimonio mariñeiro e cultural da Mariña, facendo fincapé “que esta exposición é unha oportunidade para recoñecer o esforzo e a dedicación das persoas que ao longo de cen anos contribuíron ao crecemento e consolidación do porto celeirense”. A mostra, situada na sede da confraría, inclúe maquetas de barcos, fotografías, vídeos históricos, pinturas dos patróns maiores e obxectos singulares como a acta fundacional e maquinaria antiga. A visita complétase cun percorrido por espazos emblemáticos como a lonxa e o porto. Os actos do centenario culminarán coas XXVIII Xornadas Técnicas de Difusión do Sector Pesqueiro, un referente anual do sector.
Este evento anual destaca pola súa coidada selección musical e por ofrecer unha experiencia única na localidade lucense de Vilalba. Tras o éxito da pasada edición, que superou os 6.000 asistentes e contou con actuacións destacadas como as de Iván Ferreiro, Dorian e El Columpio Asesino, o FIV segue apostando por grandes nomes do indie nacional. As primeiras confirmacións do cartel serán anunciadas nas vindeiras semanas, mantendo a emoción e as expectativas para esta nova cita.
