Marful presenta en Pontevedra o seu “Manual de Sedución”, o disco foi gravado e mesturado en Pontecaldelas
Nota de prensa
Marful presenta en Pontevedra o seu “Manual de Sedución”
O disco foi gravado e mesturado en Pontecaldelas (Caritel) e desde o 2004, Ano da Música é Pontevedra un porto que acubilla un dos mellores grupos do pais. Estarán acompañados por Leandro Deltell (bateria), Ivan Garcia (guitarra), Marcelo Gonzalez e Marina Oural (performances)
Pazo da Cultura de Pontevedra, sábado 5 de novembro ás 21:00h
Entradas á venda:
https://taquilla.servinova.com/entradas/main.php?Nivel=Evento&idRecinto=04E&idEvento=3030
Desde a súa presentación no outono de 2010, o “Manual de Sedución” de Marful percorreu boa parte de Galiza e Portugal, onde foi o primeiro grupo galego que se presentou no templo da música portuguesa: a Casa da Música de Porto.
Marful está considerado o mellor que lle pasou á música galega na última década e, logo do éxito do seu primeiro disco e tras catro anos de espera, chegan con este “Manual de Sedución”, un disco para os/as amantes.
Son moitos os contos, anédotas, e vivencias de namoramento que ten recollido este grupo co seu Manual, porque bucea nas profundidades do amor. Un amor indisolúbel que desafía o tempo e os costumes, que se nega a pactar coa monotonía e a necesidade. É un amor cósmico que cre nas causalidades. Marful cre na feminización do universo e na escoita activa dos bioritmos. Marful atopa unha unión de xénero entre a fantasía, a inocencia, a frescura, a espontaneidade e a capacidade de xogo. Os discos como fillos/as teñen parte de nuves e de soños, os seus discos non son fillos/as do ego.
O “Manual de Sedución” esgotou a súa primeira edición ao mes de se presentar, e a segunda seis meses despois. Había espectación e gustou o resultado. Este sábado 5 de novembro Marful presenta o seu novo disco no Pazo da Cultura de Pontevedra.
Marful son Ugia Pedreira (voz), Marcos Teira (guitarra), Pedro Pascual (acordeón diatónico) e Pablo Pascual (clarinetes). No directo fanse acompañar de Xacobe Martínez (contrabaixo). Os dous convidados de excepción neste concerto son o sr. Leandro Deltell, considerado un dos mellores baterías do país e o xoven Ivan García (guitarrista e fotógrafo lalinense).
Manual de Sedución foi gravado nos Estudios Savik Sound de Caritel (Pontecaldelas) e contou coa colaboración de Xacobe Martínez (contrabaixo), LAR Legido (bateria e percusións), David Herrington (trompeta, fliscorno), Diego Galaz (violino), Alejandro Vargas (piano), José Manuel Díaz (contrabaixo), Alfredo Rodríguez de Factoria Teatro (narración), Paulo Gacio (flauta traveseira), Quim Farinha (violín) e Germán Díaz (serra). O técnico de son foi José Trincado.
…combinaremos na linha do horizonte ou naquel mar que nom sae nas cartas, as coissas tam-che muito boas, o caso é ter tempo para amar, na trajetória silenzo quero-te mais / contradecimos o que ponhemos em juizo, reconhecemos este xeito de tar, com quatro doses compensas esta minha idiota ilusom porque conhezo a miséria animal…
“Jota para Frank Sinatra”. Marful
Podes escoitala en: http://www.goear.com/listen/c69e49e/jota-valseada-para-frank-sinatra-marful
Videoclip: http://www.youtube.com/watch?v=SCg72_3NyJA
Máis información: www.marful.info
Esta familia naceu arredor de cinco irmáns: Paco, Esperanza, Toñito, Juan José (Sé) e Joaquín. Tocoulles vivir tempos difíciles na xuventude, véndose obrigados algúns deles a emigrar. Na reunión estiveron presentes os tres que se ven na foto: Esperanza, Sé e Joaquín, xunto con fillos, sobriños, etc. Unha reunión entrañable, porque había bastante tempo que a familia non se reunía.
Aproveitouse despois para ver o partido entre Almería e Dépor lembrando "as peñas irmáns que hai polo territorio estatal". A peña burelá agarda repetir nova cita antes do remate da actual tempada coa intención de celebrar éxitos dos distintos equipos que compoñen a estrutura do RC Deportivo.
A Garda Civil imputa en calidade de investigada a unha veciña de San Miguel de Reinante de 38 anos de idade como suposta autora dun delito de simulación de delito. A persoa investigada denuncio en dependencias oficiais dous cargos indebidos na súa conta bancaria. Iniciouse entón unha investigación policial comprobando documentalmente que os cargos se corresponden con dúas cotas dun préstamo ao consumo contratado pola investigada e ingresado na súa propia conta. Supostamente a persoa investigada pretendía que a entidade bancaria devolvéselle os importes das cotas domiciliadas tras formular a denuncia ante a Garda Civil. As dilixencias policiais foron remitidas á Autoridade Xudicial
Destacou a súa importancia para preservar a memoria histórica e recoñecer o esforzo das xeracións que converteron o porto de Celeiro nun referente pesqueiro. Puxo en valor o rico patrimonio mariñeiro e cultural da Mariña, facendo fincapé “que esta exposición é unha oportunidade para recoñecer o esforzo e a dedicación das persoas que ao longo de cen anos contribuíron ao crecemento e consolidación do porto celeirense”. A mostra, situada na sede da confraría, inclúe maquetas de barcos, fotografías, vídeos históricos, pinturas dos patróns maiores e obxectos singulares como a acta fundacional e maquinaria antiga. A visita complétase cun percorrido por espazos emblemáticos como a lonxa e o porto. Os actos do centenario culminarán coas XXVIII Xornadas Técnicas de Difusión do Sector Pesqueiro, un referente anual do sector.
Este evento anual destaca pola súa coidada selección musical e por ofrecer unha experiencia única na localidade lucense de Vilalba. Tras o éxito da pasada edición, que superou os 6.000 asistentes e contou con actuacións destacadas como as de Iván Ferreiro, Dorian e El Columpio Asesino, o FIV segue apostando por grandes nomes do indie nacional. As primeiras confirmacións do cartel serán anunciadas nas vindeiras semanas, mantendo a emoción e as expectativas para esta nova cita.
Nesta actuación, que serve de antesala para conmemorar o 25N, Día Internacional da Eliminación da Violencia contra a Muller, a coñecida maga realiza unha defensa da igualdade a través da maxia. O espectáculo é para todos os públicos e celebrarase na Casa dá Cultura de Cariño a partir das 18:30 horas. Conta con entrada libre e gratuíta ata completar aforo, polo que todos os interesados poderán acudir sen ter que realizar unha reserva previa.
Foi recibido no Concello polo alcalde, Dani Vega quen explicou que “dentro das visitas que estamos tendo en Ribadeo, recibimos ao Comandante Naval da Coruña e de Ferrol, o capitán de Fragata Javier García, que nos expuxo todo o tipo de propostas e de colaboracións que vamos ter con eles. E desde logo parécenos unha proposta interesante para tamén ter unha relación cos institutos, cos centros educativos e tamén co traballo que realiza en toda esta zona, desde Ribadeo ata A Coruña”. Vega engadiu: “nosoutros dentro da colaboración que estamos tendo con todas as administracións, creo que é positivo seguir nesta liña”.
