RIBADEO (FNC) .- A historia local vai protagonizar a programación cultural deste 2009 en Ribadeo, segundo anuncia a edil de Cultura, Mariluz Álvarez Lastra. A concelleira asegura que “hai dous feitos importantes da nosa historia local que estarán presentes en toda a programación cultural deste ano. Por unha banda o bicentenario da batalla da Ponte de Arante contra os franceses que se celebra o 29 de xaneiro e faremos unhas xornadas adicadas a este acontecemento, que imos presentar a semana que ven, chamadas A Ponte de Arante na encrucillada de historia. E tamén se cumpre o bicentenario de falecemento de Raimundo Ibáñez e os tres concellos: Cervo, Santa Eulalia de Oscos e Ribadeo imos facer unha programación específica para conmemoralo”.
Pero a axenda cultural deste primeiro trimestre do ano arranca esta fin de semana en Ribadeo “cun espectáculo de danza contemporánea patrocinado polo Xacobeo. Será mañá sábado no Auditorio Municipal Hernán Naval ás oito e media da tarde e con entrada gratuíta. A compañía Thomas Noone Dance porá en escena Crush-Crease. Trátase dunha magnífica oportunidade de presenciar este tipo de arte, unha porque nun concello pequeno coma o noso non resulta fácil asumir os cachés de compañías coma esta e doutra porque a presenza das linguaxes non tradicionais non teñen a presenza que deberan nos escenarios. Eu convido a todo o mundo a que acuda a esta cita”, sinala a edil nacionalista.
Mariluz Álvarez Lastra engade que “tamén esta fin de semana, o domingo ás cinco e media da tarde e cunha entrada de 2 euros, comezamos coa nosa programación para os pícaros. Os nenos van poder ver unha recreación dun conto de sempre Polgariño da man da compañía Artello, un dos grupos con máis prestixio en espectáculos de títeres para os máis pequenos da casa”.
A concelleira de Cultura sinala que “traballamos en todos os ámbitos nas diferentes artes escénicas e tentamos facer cousas tanto para a vila como para o campo e para os diferentes públicos que temos. Do resto da programación xa iremos informando cando se acheguen as representacións teatrais para adultos, o teatro e a música que chegarán nesta ocasión a Remourelle e Santalla e do resto das xornadas e actividades infantís que temos preparadas para este trimestre”.
Esta familia naceu arredor de cinco irmáns: Paco, Esperanza, Toñito, Juan José (Sé) e Joaquín. Tocoulles vivir tempos difíciles na xuventude, véndose obrigados algúns deles a emigrar. Na reunión estiveron presentes os tres que se ven na foto: Esperanza, Sé e Joaquín, xunto con fillos, sobriños, etc. Unha reunión entrañable, porque había bastante tempo que a familia non se reunía.
Aproveitouse despois para ver o partido entre Almería e Dépor lembrando "as peñas irmáns que hai polo territorio estatal". A peña burelá agarda repetir nova cita antes do remate da actual tempada coa intención de celebrar éxitos dos distintos equipos que compoñen a estrutura do RC Deportivo.
A Garda Civil imputa en calidade de investigada a unha veciña de San Miguel de Reinante de 38 anos de idade como suposta autora dun delito de simulación de delito. A persoa investigada denuncio en dependencias oficiais dous cargos indebidos na súa conta bancaria. Iniciouse entón unha investigación policial comprobando documentalmente que os cargos se corresponden con dúas cotas dun préstamo ao consumo contratado pola investigada e ingresado na súa propia conta. Supostamente a persoa investigada pretendía que a entidade bancaria devolvéselle os importes das cotas domiciliadas tras formular a denuncia ante a Garda Civil. As dilixencias policiais foron remitidas á Autoridade Xudicial
Destacou a súa importancia para preservar a memoria histórica e recoñecer o esforzo das xeracións que converteron o porto de Celeiro nun referente pesqueiro. Puxo en valor o rico patrimonio mariñeiro e cultural da Mariña, facendo fincapé “que esta exposición é unha oportunidade para recoñecer o esforzo e a dedicación das persoas que ao longo de cen anos contribuíron ao crecemento e consolidación do porto celeirense”. A mostra, situada na sede da confraría, inclúe maquetas de barcos, fotografías, vídeos históricos, pinturas dos patróns maiores e obxectos singulares como a acta fundacional e maquinaria antiga. A visita complétase cun percorrido por espazos emblemáticos como a lonxa e o porto. Os actos do centenario culminarán coas XXVIII Xornadas Técnicas de Difusión do Sector Pesqueiro, un referente anual do sector.
Este evento anual destaca pola súa coidada selección musical e por ofrecer unha experiencia única na localidade lucense de Vilalba. Tras o éxito da pasada edición, que superou os 6.000 asistentes e contou con actuacións destacadas como as de Iván Ferreiro, Dorian e El Columpio Asesino, o FIV segue apostando por grandes nomes do indie nacional. As primeiras confirmacións do cartel serán anunciadas nas vindeiras semanas, mantendo a emoción e as expectativas para esta nova cita.
Nesta actuación, que serve de antesala para conmemorar o 25N, Día Internacional da Eliminación da Violencia contra a Muller, a coñecida maga realiza unha defensa da igualdade a través da maxia. O espectáculo é para todos os públicos e celebrarase na Casa dá Cultura de Cariño a partir das 18:30 horas. Conta con entrada libre e gratuíta ata completar aforo, polo que todos os interesados poderán acudir sen ter que realizar unha reserva previa.
Foi recibido no Concello polo alcalde, Dani Vega quen explicou que “dentro das visitas que estamos tendo en Ribadeo, recibimos ao Comandante Naval da Coruña e de Ferrol, o capitán de Fragata Javier García, que nos expuxo todo o tipo de propostas e de colaboracións que vamos ter con eles. E desde logo parécenos unha proposta interesante para tamén ter unha relación cos institutos, cos centros educativos e tamén co traballo que realiza en toda esta zona, desde Ribadeo ata A Coruña”. Vega engadiu: “nosoutros dentro da colaboración que estamos tendo con todas as administracións, creo que é positivo seguir nesta liña”.
