RIBADEO (FNC) .- A xunta de goberno do Concello de Ribadeo acordou na súa última xuntanza presentar un proxecto diante da Consellería de Vivenda para asinar un convenio este ano que permita o amaño da rúa Villandrando, no casco histórico. Segundo o alcalde, Fernando Suárez, “esta vía é moi empregada pola xente que vai á gardería e ao casco vello e estaba moi deteriorada. Lembro que é a rúa que pasa a carón do Concello e da Torre dos Moreno”. A actuación que se realizará suporá un investimento de 91.000 euros, dos que o 80% serán aportados por Vivenda e o 20% restante polo Concello.
Na xunta de goberno tamén se aprobou o proxecto da rúa Deputación, que segundo asegura o rexedor “estase a enviar no día de hoxe á Sociedade Anónimo de Xestión do Xacobeo para que xa con este requisito de aprobala na xunta de goberno, poidan sacala a licitación canto antes. A inversión nesta rúa será de 350.000 euros”.
BNG, PP e PSOE que son os partidos que forman a xunta de goberno déronlle o visto bo ao listado das obras que se acometerán na zona rural con cargo aos fondos estatais de inversión que foron decididas e consensuadas na pasada xunta de voceiros. Contémplanse actuacións en dúas pontes, en catro escolas, haberá obras de saneamento e tamén arranxos en diversas infraestruturas viarias. Suárez Barcia sinala que “se amañarán camiños tanto na costa como no interior de todas as parroquias. Serán en total 41 viais os afectados nos que se acometerán actuacións de zahorra, de rego, de rebacheo… en total 884.000 euros de investimento”. O rexedor engade que “estas obras suporán un importante impulso nas parroquias xunto ás obras que se están executando de fases anteriores por parte da Consellería de Medio Rural, por parte do POS da Deputación e doutro plan que poñerá en marcha nos vindeiros días tamén Medio Rural. Este sumatorio de diferentes inversións permitirá que nun período de poucos meses as parroquias de Ribadeo darán un salto cualitativo e cuantitativo de primeiro nivel”.
Esta familia naceu arredor de cinco irmáns: Paco, Esperanza, Toñito, Juan José (Sé) e Joaquín. Tocoulles vivir tempos difíciles na xuventude, véndose obrigados algúns deles a emigrar. Na reunión estiveron presentes os tres que se ven na foto: Esperanza, Sé e Joaquín, xunto con fillos, sobriños, etc. Unha reunión entrañable, porque había bastante tempo que a familia non se reunía.
Aproveitouse despois para ver o partido entre Almería e Dépor lembrando "as peñas irmáns que hai polo territorio estatal". A peña burelá agarda repetir nova cita antes do remate da actual tempada coa intención de celebrar éxitos dos distintos equipos que compoñen a estrutura do RC Deportivo.
A Garda Civil imputa en calidade de investigada a unha veciña de San Miguel de Reinante de 38 anos de idade como suposta autora dun delito de simulación de delito. A persoa investigada denuncio en dependencias oficiais dous cargos indebidos na súa conta bancaria. Iniciouse entón unha investigación policial comprobando documentalmente que os cargos se corresponden con dúas cotas dun préstamo ao consumo contratado pola investigada e ingresado na súa propia conta. Supostamente a persoa investigada pretendía que a entidade bancaria devolvéselle os importes das cotas domiciliadas tras formular a denuncia ante a Garda Civil. As dilixencias policiais foron remitidas á Autoridade Xudicial
Destacou a súa importancia para preservar a memoria histórica e recoñecer o esforzo das xeracións que converteron o porto de Celeiro nun referente pesqueiro. Puxo en valor o rico patrimonio mariñeiro e cultural da Mariña, facendo fincapé “que esta exposición é unha oportunidade para recoñecer o esforzo e a dedicación das persoas que ao longo de cen anos contribuíron ao crecemento e consolidación do porto celeirense”. A mostra, situada na sede da confraría, inclúe maquetas de barcos, fotografías, vídeos históricos, pinturas dos patróns maiores e obxectos singulares como a acta fundacional e maquinaria antiga. A visita complétase cun percorrido por espazos emblemáticos como a lonxa e o porto. Os actos do centenario culminarán coas XXVIII Xornadas Técnicas de Difusión do Sector Pesqueiro, un referente anual do sector.
Este evento anual destaca pola súa coidada selección musical e por ofrecer unha experiencia única na localidade lucense de Vilalba. Tras o éxito da pasada edición, que superou os 6.000 asistentes e contou con actuacións destacadas como as de Iván Ferreiro, Dorian e El Columpio Asesino, o FIV segue apostando por grandes nomes do indie nacional. As primeiras confirmacións do cartel serán anunciadas nas vindeiras semanas, mantendo a emoción e as expectativas para esta nova cita.
Nesta actuación, que serve de antesala para conmemorar o 25N, Día Internacional da Eliminación da Violencia contra a Muller, a coñecida maga realiza unha defensa da igualdade a través da maxia. O espectáculo é para todos os públicos e celebrarase na Casa dá Cultura de Cariño a partir das 18:30 horas. Conta con entrada libre e gratuíta ata completar aforo, polo que todos os interesados poderán acudir sen ter que realizar unha reserva previa.
Foi recibido no Concello polo alcalde, Dani Vega quen explicou que “dentro das visitas que estamos tendo en Ribadeo, recibimos ao Comandante Naval da Coruña e de Ferrol, o capitán de Fragata Javier García, que nos expuxo todo o tipo de propostas e de colaboracións que vamos ter con eles. E desde logo parécenos unha proposta interesante para tamén ter unha relación cos institutos, cos centros educativos e tamén co traballo que realiza en toda esta zona, desde Ribadeo ata A Coruña”. Vega engadiu: “nosoutros dentro da colaboración que estamos tendo con todas as administracións, creo que é positivo seguir nesta liña”.
