Nota de prensa
FERNANDO SUÁREZ ASEGURA QUE É O MINISTERIO DE FOMENTO O QUE TEN QUE PAGAR O ALUMEADO PÚBLICO DA PONTE DOS SANTOS. O REXEDOR ACUSA AO ALCALDE DE CASTROPOL DE QUERER DESVIAR A ATENCIÓN DOS PROBLEMAS QUE SOFRE O SEU CONCELLO CULPABILIZANDO DE TODO A RIBADEO.
Ribadeo, 7 de setembro de 2011. O alcalde de Ribadeo, Fernando Suárez, asegura que é o Ministerio de Fomento o que ten que pagar o alumeado público da Ponte dos Santos. O rexedor sae así ao paso das últimas declaracións realizadas polo alcalde de Castropol ao que acusa de querer desviar a atención dos problemas que ten no seu Concello culpabilizando sempre a Ribadeo.
Suárez Barcia sinalou que “por estas alusións nos medios de comunicación véxome obrigado a facer unhas declaracións, eu para nada quero polemizar co Concello situado ao outro lado da ría, co que sempre nos une unha boa relación de amistade entre os veciños, pero eu non sei si o alcalde de Castropol ás veces ten enquina e tenta desviar a atención dos problemas que ten na súa casa culpabilizando sempre a Ribadeo, unhas veces polo mercado, outras polo polígono industrial e agora tamén temos a culpa do que ocorre coa iluminación da Ponte dos Santos”.
O alcalde de Ribadeo lembrou que “estes concellos hai moitos anos pagaban o subministro eléctrico do alumeado desa ponte, pero é algo fora de lugar nos tempos actuais que os Concellos de Castropol e Ribadeo deban pagar o alumeado a Fomento, porque para mostra un botón, no treito de autovía que pasa por Ribadeo entre a parroquia de Vilaselán e Ribadeo, que conta con alumeado público, o Concello ribadense non está a pagar ese subministro eléctrico porque o ten que asumir e así o asume directamente o Ministerio de Fomento”.
Fernando Suárez considera que “si o Concello de Castropol ten un contador no que lle están cargando os consumos eléctricos da Ponte dos Santos o que ten que facer primeiramente é dirixirse a Fomento para poñelos en coñecemento desta situación e proceder a que cambien a titularidade deste contador. Isto que hoxe estou a dicir nos medios de comunicación xa llo comentei ao alcalde de Castropol verbalmente hai polo menos un par de anos para resolver esta situación dunha vez por todas. Sí é certo que Castropol lle mandou hai tempo ao Concello de Ribadeo un requerimento para que fixese un pago de algo do que non temos convenio nin acordo máis que verbal”. E explicou que “os Concellos ven sexa directamente Castropol ou indirectamente Ribadeo non temos por qué pagar o alumeado público das autovías porque son propiedade do Estado, non é que o diga eu senón que o di a lei e si o contador está a nome do Concello de Castropol debe ser Castropol o que faga as xestións oportunas diante do Ministerio de Fomento. Eu, como Concello de Ribadeo, non terei ningún problema en acompañar, en solidarizarme, en asinar un escrito entre as dúas partes, etc. Pero o que me parece moi pouco elegante, e xa é a enésima vez, son determinadas actitudes do alcalde de Castropol para con Ribadeo por cuestións de cortesía e de boa veciñanza. Si él ten problemas na súa casa coa súa oposición, si él ten problemas económicos debe resolvelos na súa casa, porque Ribadeo tamén ten problemas económicos e moitos e de maneira endémica e desde hai moitos, pero nunca se lle ocurría a este alcalde de Ribadeo, que por mor dos problemas que puidéramos ter en Ribadeo ir botarlle a culpas aos alcaldes de Trabada, de Barreiros, de Castropol, de Vegadeo…”.
O rexedor ribadense pensa que “hai que ter unha elegancia nesta vida, todos estamos na política, uns defendemos unhas siglas e outros outras, pero entre todos debe existir unha relación de boa veciñanza e desde logo vexo moi mala fé que para botar un cortina de fume nos problemas que poida ter Castropol o seu alcalde lle bote a culpa a Ribadeo sen máis. Ribadeo non ten a culpa neste asunto, que tería que ter tramitado o Concello de Castropol desde hai moitos anos, como lle teño dito eu hai moito tempo”.
Na iniciativa participaron arredor de 500 rapaces e rapazas de secundaria de oito institutos da Mariña. Arias destacou a posibilidade que supuxo para o alumnado poder achegarse a esta modalidade deportiva e agradeceu “a colaboración continuada que prestan neste tipo de actividades”.
Celébranse ata o mércores no CFEA Pedro Murias. O programa inclúe tamén showcookings, presentacións e interesantes charlas como a ofrecida este martes sobre a posible produción de viño na Mariña.
Unha obra contemporánea orientada a público adulto. Venda de entradas: de luns a xoves, no teléfono 982560162, en horario, de 9 a 14,00 horas, ou no correo electrónico rbg.cultura@viveiro.es, e tamén na taquilla do teatro 1 hora antes da función.
Estivo enmarcado dentro dos actos do 25N. Tamén foi unha xornada na que crearon e tiraron de imaxinación co violeta como protagonista, cor símbolo da loita contra a violencia de xénero.
O presunto autor arrincou supostamente o toldo exterior dun establecemento comercial situado neste termo municipal na madrugada do 31 de agosto. A persoa investigada e as dilixencias policiais foron remitidas á Autoridade Xudicial.
Previamente traballou no Hospital de Burela. Beatriz, ainda que orixinaria da Coruña asentouse na Mariña cando veu a traballar a Burela, onde formou a sua familia e onde finalmente se xubilou. A cea foi no Hotel restaurante Nordés, á que asistiron 60 persoas. Recibiu agasallos nos que participaron máis de 100 persoas que coincidiron con ela na Residencia de Maiores de Burela. Deixa unha enorme pegada pola sua labor profesional e humana.
A A.C. Francisco Lanza organiza este venres, 29 de novembro ás 20.30h, na Casa do Viejo Pancho, unha charla coloquio sobre a situación dos medios de comunicación e as relacións destes co poder. Estará impartida por Luis Álvarez Pousa, director da revista "Tempos Novos" e profesor na Facultade de Ciencias da Comunicación da USC. Presentará o acto, Farruco Graña, presidente da ACFL.
