Nota de prensa
A Deputación inicia a construción das 13 naves e 370 casetas do 1º Centro de Recría público en España
– A institución comezou este martes o movemento de terras das 7 hectáreas que ocupará o Centro, preparando a cimentación destas instalacións que acollerán 3.000 novillas
– A continuación, realizarase a instalación do saneamento, abastecemento de auga e servizo eléctrico, ademais do traslado do invernadoiro no que os estudantes realizarán prácticas
– Concluídos estes traballos, enmarcados na 1º fase deste proxecto iniciada en maio e cun prazo de execución de 9 meses, arrancarán os trámites da segunda adxudicación
– A Deputación inviste 12 millóns de euros no Centro, licitados en dúas fases logo de que a Xunta bloquease estas actuacións durante máis dun ano e non concedese nin un só euro
A Vicepresidenta Segunda, Lara Méndez, e o Deputado de Economía Rural e do Mar, José Fernández, supervisaron este martes as novas actuacións que o organismo provincial está a levar a cabo na Granxa Gayoso Castro dentro da primeira fase do proxecto de construción do Centro de Recría, dotada de 6 millóns de euros e financiada ó 100% pola institución. Unha vez rematado o valado e desbroce da finca, o acondicionamento dos edificios existentes, así como o traslado dos animais a outros cobertizos e cornadizas, todos eles traballos que arrancaban en maio, a institución iniciou hoxe mesmo o proceso de construción das 13 naves que acollerán 3.000 novillas e as das 370 casetas de recría.
Lara Méndez subliñou que “malia que a Xunta tardou máis de un ano en concedernos a declaración de impacto ambiental (DIA), é dicir, o documento imprescindible para poñer en marcha esta iniciativa, ó tempo que foi incapaz de conceder un só euro para desenvolver o proxecto gandeiro máis revolucionario nas últimas décadas en Galicia, damos un paso máis para que en Lugo se sitúe o 1º Centro de Recría Público en España, para triplicar a capacidade dos 14 centros existentes na Comunidade ata o momento e, o que é máis importante, para que os nosos gandeiros aforren miles de custes ó non ter que recriar as súas novillas fóra de Galicia”.
A maquinaria pesada xa esta a levar a cabo o movemento de terras das 7 hectáreas que ocupará o Centro -equivalentes a 5 campo de fútbol- preparando, deste xeito, a cimentación de ditas naves e casetas. A continuación, realizarase a instalación do saneamento, o abastecemento de auga e o servizo eléctrico para, posteriormente, trasladar o invernadoiro no que os alumnos das titulacións relacionadas coa Horticultura e Xardiñeiría do Instituto de Castro de Rei realizan prácticas.
Concluídos os traballos desta primeira fase, iniciada no mes de maio e para á que se estableceu un prazo de execución de 9 meses, arrancarán os tramites da segunda adxudicación. E é que, tendo en conta a magnitude do proxecto de construción do 1º Centro de Recría Público en España -dotado de 12 millóns de euros aportados na súa totalidade pola Deputación- e co fin de axilizar estas actuacións cuxo inicio estivo pendente durante meses da DIA, a institución licitou as obras en dúas partes.
A segunda fase, que conta con outros 6 millóns de euros, inclúe a urbanización, dotación interior das naves e instalación da estación depuradora. Esta permitirá que o Centro sexa autosuficiente, é dicir, con capacidade para xestionar o 100% dos residuos que xeren na Granxa, converténdoos en enerxía. As 3.000 novillas xerarán 28.000 metros cúbicos ó ano de purín, o que obriga a facer unha xestión racional.
Vantaxes para os gandeiros
O Deputado de Economía Rural e do Mar salientou que a posta en marcha do Centro de Recría conleva claras vantaxas para os gandeiros: permitiralles ser moito máis competitivos, obtendo animais co máximo nivel produtivo e xenético. Asimesmo, contribuirá a aforrar custes nas súas explotacións, abaratando en 300 euros o gasto que supón recriar cada novilla en centros externos como o de Zaragoza, no que este servizo ronda os 1.500 euros por cabeza. E, finalmente, asegurará a continuidade das explotacións gandeiras de Lugo, mantendo non só os postos de traballo senón fixando poboación no rural.
Segundo o INE, Lugo ten máis de 16.700 explotacións, o 35,4% de Galicia. Os gandeiros da provincia producen máis de 1.000 millóns de litros, é dicir, o 45% de toda a Comunidade e, aproximadamente, o 25% de cota láctea española. Con respecto ó leite ecolóxico, só 8 explotacións gandeiras e empresas relacionadas nunha cooperativa luguesa producen a metade deste produto en Galicia. Este produtores tamén contan co apoio da Deputación.
Problemas
José Fernández apuntou ademais, os problemas que se atopou o departamento que ahora dirixe para facer do Centro de Recría unha realidade:
1º problema: A Granxa Gayoso Castro iniciou a súa actividade no ano 1.942 e nunca cumpriu os obxectivos para a que foi creada (tarefas de investigación no sector primario, recuperación das razas autóctonas ou programas de mellora xenética).
2º problema: As instalacións non estaban recoñecidas como explotación gandeira nin tiñan licenza de actividade. (requisito fundamental, tal e como recolle a lei, para que os gandeiros inicien a súa actividade)
3º problema: A Xunta de Galicia bloqueou máis dun ano a declaración de impacto medioambiental, documento indispensable para poder iniciar as obras.
O 23 de xullo de 2009, o INLUDES, comeza a tramitación ambiental para a construción do Centro de Recría. Naquel momento, pedíuselle á Secretaría Xeral de Calidade e Avaliación Ambiental que informase de todas as cuestións que se tiñan que ter en conta para que o proxecto cumprise todas as obrigas medioambientais que estipula a lei. Coñecidos os condicionantes, procedeuse á redacción do Estudo de Impacto Ambiental para que a Xunta concedese a DIA . Dito estudo entregouse no Concello de Castro de Rei o 23 de decembro de 2009. A entidade local remitiuno á Consellería de Medio Ambiente o 14 de xaneiro de 2010.
Dende esta última data, e despois de reclamarlle en varias ocasións a axilización nos prazos, a Xunta bloqueou durante máis dun ano, ata o 17 de xaneiro de 2011, a viabilidade ambiental do proxecto, impedindo que se puidesen comezar as obras.
Na iniciativa participaron arredor de 500 rapaces e rapazas de secundaria de oito institutos da Mariña. Arias destacou a posibilidade que supuxo para o alumnado poder achegarse a esta modalidade deportiva e agradeceu “a colaboración continuada que prestan neste tipo de actividades”.
Celébranse ata o mércores no CFEA Pedro Murias. O programa inclúe tamén showcookings, presentacións e interesantes charlas como a ofrecida este martes sobre a posible produción de viño na Mariña.
Unha obra contemporánea orientada a público adulto. Venda de entradas: de luns a xoves, no teléfono 982560162, en horario, de 9 a 14,00 horas, ou no correo electrónico rbg.cultura@viveiro.es, e tamén na taquilla do teatro 1 hora antes da función.
Estivo enmarcado dentro dos actos do 25N. Tamén foi unha xornada na que crearon e tiraron de imaxinación co violeta como protagonista, cor símbolo da loita contra a violencia de xénero.
O presunto autor arrincou supostamente o toldo exterior dun establecemento comercial situado neste termo municipal na madrugada do 31 de agosto. A persoa investigada e as dilixencias policiais foron remitidas á Autoridade Xudicial.
Previamente traballou no Hospital de Burela. Beatriz, ainda que orixinaria da Coruña asentouse na Mariña cando veu a traballar a Burela, onde formou a sua familia e onde finalmente se xubilou. A cea foi no Hotel restaurante Nordés, á que asistiron 60 persoas. Recibiu agasallos nos que participaron máis de 100 persoas que coincidiron con ela na Residencia de Maiores de Burela. Deixa unha enorme pegada pola sua labor profesional e humana.
A A.C. Francisco Lanza organiza este venres, 29 de novembro ás 20.30h, na Casa do Viejo Pancho, unha charla coloquio sobre a situación dos medios de comunicación e as relacións destes co poder. Estará impartida por Luis Álvarez Pousa, director da revista "Tempos Novos" e profesor na Facultade de Ciencias da Comunicación da USC. Presentará o acto, Farruco Graña, presidente da ACFL.
