Nota de prensa
O deputado Balseiro Orol, autor desta iniciativa, lembra que o ARI é a opción máis ventasoxa para os veciños xa que lles permitiría reparar as súas vivendas con financiamento da Xunta e do Estado, así como tamén facilitaría ao Concello a achega de axudas para a mellora e reurbanización do barrio afectado polos derrubes
O GRUPO PARLAMENTARIO POPULAR ESIXE AO ALCALDE DE VIVEIRO QUE NON DEMORE A SOLUCIÓN E SOLICITE A DECLARACIÓN DUNHA ÁREA DE REHABILITACIÓN INTEGRAL PARA O BARRIO DO CELEIRIÑO
• Os populares rexistrarán unha iniciativa no Parlamento, e xa o fixeron no Concello, pois consideran que os veciños, tras máis de tres anos de infructuosa espera, teñen que recibir axudas e, neste obxectivo, o Goberno local non pode ser un obstáculo
• Pedirán tamén que o Concello cumpra o acordo plenario e esixa xudicialmente ás indemnizacións oportunas á construtora, promotora, técnicos fronte aos que proceda pois non sería comprensible que a Alcaldía sexa cómplice dos causantes dos danos
Viveiro, 6 de agosto de 2011.- O Grupo Parlamentario Popular, a través do seu deputado Jose Manuel Balseiro Orol, rexistrou unha iniciativa para o seu debate na Cámara galega na que se esixe ao alcalde de Viveiro, o socialista Melchor Roel, que non demore máis tempo a solución e solicite formalmente a declaración dunha área de rehabilitación integral para o barrio do Celeiriño.
Deste xeito, os veciños cuxas vivendas resultaron afectadas polos danos e derrubes do barrio, que obrigou ao desaloxo do mesmo en febreiro do 2008, poderían reparar por fin as súas vivendas con financiamento da Xunta e do Estado. Ademais a través da figura da área de rehabilitación integral do Celeiriño o propio Concello tería máis fácil dispoñer de axudas para a mellora e reurbanización destes espazos.
Os populares deron a coñecer hoxe que rexistrarán sendas iniciativas no Parlamento- como xa fixeron no Concello- ao considerar que os veciños, tras máis de tres anos de infructuosa espera, teñen dereito a recibir axudas e para iso o Goberno local non pode ser un obstáculo. Lembran ao mesmo tempo que a situación de pendencia está a xerar un lóxico desacougo entre a veciñanza e respecto do futuro das vivendas, do conxunto do barrio, e dos espazos afectados polos derrubes.
RESPONSABILIDADE XUDICIAL
Jose Manuel Balseiro explicou que na súa iniciativa os populares tamén pedirán que o Concello cumpra o acordo plenario, acadado por unanimidade o 29 de setembro de 2009 e proceda a esixir xudicialmente ás indemnizacións oportunas aos responsables dos danos. Insisten en que ninguén pode comprender como hoxe, tres anos despois de acontecida a problemática, a Alcaldía ainda pode non ter feito isto, e estea actuar con complicidade coa empresa causante dos danos.
TRES ANOS DE ESPERA
En febreiro do ano 2008 os veciños do barrio do Celeiriño, sito no concello lucense de Viveiro, observaron como a medida de que crecía un gran burato na cimentación dun bloque de vivendas contiguo, os seus fogares sufrían danos, gretas, roturas nas estruturas, ata chegar a unha situación de risco cerco de derrubo que obrigou á evacuación de moitas das vivendas deste barrio, ao reacollo dos seus propietarios e a o aillamento de moitos veciños carecendo durante todoes estes anos de acceso rodadado, o que impedía a entrada de servizos esencias como o butano, víveres, ou incluso ambulancias.
Os devanditos danos segundo sentencia xudicial -e por recoñecemento expreso da propia empresa- son consecuencia directa das obras de construción dun edificio con garaxes e dun muro de contención executadas nun solar contiguo ás vivendas afectadas. A edificación contaba cunha licenza outorgada pola Xunta de Goberno Local, de data 25 de maio de 2007, baixo a presidencia do alcalde socialista Melchor Roel, a pesares de poseer informes técnicos e xurídicos negativos e a pesar de que se suscitaban dúbidas sobre a idoneidade dos traballos executados, a súa adecuación coa legalidade urbanística e respecto do rigor co que o Concello efectuou a vixilancia e seguimento das obras de edificación, que levaron ao derrube de practicamente todo un barrio.
Esta familia naceu arredor de cinco irmáns: Paco, Esperanza, Toñito, Juan José (Sé) e Joaquín. Tocoulles vivir tempos difíciles na xuventude, véndose obrigados algúns deles a emigrar. Na reunión estiveron presentes os tres que se ven na foto: Esperanza, Sé e Joaquín, xunto con fillos, sobriños, etc. Unha reunión entrañable, porque había bastante tempo que a familia non se reunía.
Aproveitouse despois para ver o partido entre Almería e Dépor lembrando "as peñas irmáns que hai polo territorio estatal". A peña burelá agarda repetir nova cita antes do remate da actual tempada coa intención de celebrar éxitos dos distintos equipos que compoñen a estrutura do RC Deportivo.
A Garda Civil imputa en calidade de investigada a unha veciña de San Miguel de Reinante de 38 anos de idade como suposta autora dun delito de simulación de delito. A persoa investigada denuncio en dependencias oficiais dous cargos indebidos na súa conta bancaria. Iniciouse entón unha investigación policial comprobando documentalmente que os cargos se corresponden con dúas cotas dun préstamo ao consumo contratado pola investigada e ingresado na súa propia conta. Supostamente a persoa investigada pretendía que a entidade bancaria devolvéselle os importes das cotas domiciliadas tras formular a denuncia ante a Garda Civil. As dilixencias policiais foron remitidas á Autoridade Xudicial
Destacou a súa importancia para preservar a memoria histórica e recoñecer o esforzo das xeracións que converteron o porto de Celeiro nun referente pesqueiro. Puxo en valor o rico patrimonio mariñeiro e cultural da Mariña, facendo fincapé “que esta exposición é unha oportunidade para recoñecer o esforzo e a dedicación das persoas que ao longo de cen anos contribuíron ao crecemento e consolidación do porto celeirense”. A mostra, situada na sede da confraría, inclúe maquetas de barcos, fotografías, vídeos históricos, pinturas dos patróns maiores e obxectos singulares como a acta fundacional e maquinaria antiga. A visita complétase cun percorrido por espazos emblemáticos como a lonxa e o porto. Os actos do centenario culminarán coas XXVIII Xornadas Técnicas de Difusión do Sector Pesqueiro, un referente anual do sector.
Este evento anual destaca pola súa coidada selección musical e por ofrecer unha experiencia única na localidade lucense de Vilalba. Tras o éxito da pasada edición, que superou os 6.000 asistentes e contou con actuacións destacadas como as de Iván Ferreiro, Dorian e El Columpio Asesino, o FIV segue apostando por grandes nomes do indie nacional. As primeiras confirmacións do cartel serán anunciadas nas vindeiras semanas, mantendo a emoción e as expectativas para esta nova cita.
Nesta actuación, que serve de antesala para conmemorar o 25N, Día Internacional da Eliminación da Violencia contra a Muller, a coñecida maga realiza unha defensa da igualdade a través da maxia. O espectáculo é para todos os públicos e celebrarase na Casa dá Cultura de Cariño a partir das 18:30 horas. Conta con entrada libre e gratuíta ata completar aforo, polo que todos os interesados poderán acudir sen ter que realizar unha reserva previa.
Foi recibido no Concello polo alcalde, Dani Vega quen explicou que “dentro das visitas que estamos tendo en Ribadeo, recibimos ao Comandante Naval da Coruña e de Ferrol, o capitán de Fragata Javier García, que nos expuxo todo o tipo de propostas e de colaboracións que vamos ter con eles. E desde logo parécenos unha proposta interesante para tamén ter unha relación cos institutos, cos centros educativos e tamén co traballo que realiza en toda esta zona, desde Ribadeo ata A Coruña”. Vega engadiu: “nosoutros dentro da colaboración que estamos tendo con todas as administracións, creo que é positivo seguir nesta liña”.
