BURELA.- A concelleira de Economía, Persoal e Mar en Burela, Remedios López Villar, dille ao voceiro do PP, José Mª González Barcia que cree na igualdade de oportunidades, “por iso na constitución dos tribunais de selección de persoal, non están sempre as mesmas persoas, senón que ímos rotando a todos e cada un dos traballadores fixos, respectando sempre a Lei de Función Pública, segundo a cal os membros dos tribunais deben ter unha titulación igual ou superior á requerida para o posto que se vai cubrir. Os cargos electos están excluídos da formación dun tribunal. Dende logo, non se fai como facían vostedes cando gobernaban, que “levaban” sempre a persoas da súa confianza, e ao resto arrinconábanas; iso sí, os presidentes eran ou vostede, ou os Concelleiros do seu grupo do Partido Popular: por que sería? Todos o sabemos”…
López Villar engade que “despois dun ano de traballo fixéronse realidade moitas iniciativas, que fan que Burela sexa máis coñecida na Comunidade Galega e mesmo en España. Pero vostede a día de hoxe só critica a política de persoal, baseándose en rumores infundados sen mostrar unha soa proba veraz e contundente. Paréceme moi triste que chegue ao límite de non respectar aos fillos desta Concelleira, que ás 12 da mañá se achegan á Praza do Concello e, mentras me esperan, participan xogando con outros nenos nas actividades de verán organizadas polo Concello. Por certo, teño que recordarlle que eu só teño unha dedicación diaria de 3 horas. O resto do tempo que permanezo nas dependencias do Concello é porque me gusta deixar o traballo rematado e ben feito; aínda que entendo que a vostede lle gustaría que ás 12 en punto pechase a porta e rematara o traballo outro día, ou mellor aínda, que non o rematara”.
A edil socialista relata o traballo realizado nos seus departamentos neste primeiro ano de goberno en Burela.
“Dende a Concellería de Economía e Facenda, cando tomei posesión do meu cargo, distribuín unha remanente para poder finalizar o ano, xa que o seu goberno deixou de herencia partidas sen cartos e incluso nalgúns casos negativas. Todos os días míranse o BOP, DOG e BOE, lévase un control das subvencións que saen, elabóranse presupostos e fanse os pagos ás empresas que traballan co Concello. Establecemos as taxas máis beneficiosas para o pobo de Burela, considerando as distintas situacións de cada unidade familiar”.
Os seus editores, Carlos Baliñas Pérez (USC) e Carlos Andrés González Paz (IEGPS), acompañados pola directora do Museo Provincial de Lugo, Aurelia Balseiro, explicaron o contido do libro, que constitúe unha revisión diacrónica da traxectoria histórica da vila de Castro d’Ouro desde a Idade do Ferro ata finais do Antigo Réxime e que reúne os relatorios presentados por expertos de recoñecida traxectoria investigadora durante as “Xornadas de Estudos Históricos”, (2 e 3 de outubro de 2020, centro sociocultural de Alfoz), con motivo do octinxentésimo aniversario da vila de Castro d´Ouro (1220-2020).
Esta familia naceu arredor de cinco irmáns: Paco, Esperanza, Toñito, Juan José (Sé) e Joaquín. Tocoulles vivir tempos difíciles na xuventude, véndose obrigados algúns deles a emigrar. Na reunión estiveron presentes os tres que se ven na foto: Esperanza, Sé e Joaquín, xunto con fillos, sobriños, etc. Unha reunión entrañable, porque había bastante tempo que a familia non se reunía.
Aproveitouse despois para ver o partido entre Almería e Dépor lembrando "as peñas irmáns que hai polo territorio estatal". A peña burelá agarda repetir nova cita antes do remate da actual tempada coa intención de celebrar éxitos dos distintos equipos que compoñen a estrutura do RC Deportivo.
A Garda Civil imputa en calidade de investigada a unha veciña de San Miguel de Reinante de 38 anos de idade como suposta autora dun delito de simulación de delito. A persoa investigada denuncio en dependencias oficiais dous cargos indebidos na súa conta bancaria. Iniciouse entón unha investigación policial comprobando documentalmente que os cargos se corresponden con dúas cotas dun préstamo ao consumo contratado pola investigada e ingresado na súa propia conta. Supostamente a persoa investigada pretendía que a entidade bancaria devolvéselle os importes das cotas domiciliadas tras formular a denuncia ante a Garda Civil. As dilixencias policiais foron remitidas á Autoridade Xudicial
Destacou a súa importancia para preservar a memoria histórica e recoñecer o esforzo das xeracións que converteron o porto de Celeiro nun referente pesqueiro. Puxo en valor o rico patrimonio mariñeiro e cultural da Mariña, facendo fincapé “que esta exposición é unha oportunidade para recoñecer o esforzo e a dedicación das persoas que ao longo de cen anos contribuíron ao crecemento e consolidación do porto celeirense”. A mostra, situada na sede da confraría, inclúe maquetas de barcos, fotografías, vídeos históricos, pinturas dos patróns maiores e obxectos singulares como a acta fundacional e maquinaria antiga. A visita complétase cun percorrido por espazos emblemáticos como a lonxa e o porto. Os actos do centenario culminarán coas XXVIII Xornadas Técnicas de Difusión do Sector Pesqueiro, un referente anual do sector.
Este evento anual destaca pola súa coidada selección musical e por ofrecer unha experiencia única na localidade lucense de Vilalba. Tras o éxito da pasada edición, que superou os 6.000 asistentes e contou con actuacións destacadas como as de Iván Ferreiro, Dorian e El Columpio Asesino, o FIV segue apostando por grandes nomes do indie nacional. As primeiras confirmacións do cartel serán anunciadas nas vindeiras semanas, mantendo a emoción e as expectativas para esta nova cita.
Nesta actuación, que serve de antesala para conmemorar o 25N, Día Internacional da Eliminación da Violencia contra a Muller, a coñecida maga realiza unha defensa da igualdade a través da maxia. O espectáculo é para todos os públicos e celebrarase na Casa dá Cultura de Cariño a partir das 18:30 horas. Conta con entrada libre e gratuíta ata completar aforo, polo que todos os interesados poderán acudir sen ter que realizar unha reserva previa.
